Gera heimildarmynd um Íslendingasamfélagið á Kanarí

Magnea Björk Valdimarsdóttir og Marta Sigríður Pétursdóttir vinna nú að gerð heimildarmyndar um Íslendingasamfélagið á Kanarí. Þær safna fyrir myndinni á Karolina fund.

kanarí into the sun
Auglýsing

Magnea Björk Valdi­mars­dóttir og Marta Sig­ríður Pét­urs­dóttir vinna að gerð heim­ilda­myndar um Íslend­inga­sam­fé­lagið á Kanarí um þessar mund­ir. Magnea Björk er leik­stjóri og leik­kona sem starfar sjálf­stætt við heim­ilda­mynda­gerð og hefur gert mynd­irnar  „Hverf­is­götu“ og „Bónus­kon­ur“. Marta er menntuð í menn­ing­ar- og kynja­fræði og hefur feng­ist við texta­skrif og alls kyns störf sem tengj­ast menn­ingu og mann­eskj­um. Kjarn­inn hitti Magneu og Mörtu og tók þær tali.

Hvaðan spratt hug­myndin að verk­efn­inu Kanarí – into the sun?

Magnea: Marta kom til mín með þessa frá­bæru hug­mynd fyrir jól og svo skemmti­lega vildi til að ég var nýbúin að panta far til Kanarí fyrir fjöl­skyld­una mína. Ég er að vinna að eigin heim­ilda­myndum en stökk á hug­mynd­ina því mér finnst hún vera svo frá­bær og marglaga. 

Marta: Ég fór fyrst til Kanarí árið 2008 að heim­sækja vin­konu mína Valý sem var að vinna sem far­ar­stjóri og heill­að­ist strax eyj­unni og nátt­úru­feg­urð­inni og en líka af túrista­bænum við Playa Inglés sem er ein­hvers­konar fantasíu­land sól­strand­ar­ferða­langs­ins og kitsch himna­ríki. Besta vin­kona mín fór líka til Kanarí þegar við vorum börn og hún sagði mér frá Harry frá Ind­landi sem tal­aði reiprenn­andi íslensku og seldi öllum Íslend­ing­unum raf­tæki. 

Auglýsing

Það var svo á síð­asta ári að fleiri sögur frá Kanarí bár­ust til eyrna minna, í þetta sinnið frá vinnu­fé­laga sem skrapp þangað í frí með mann­inum sínum og sagði mér frá sam­söngs­stundum og minigolf­mótum Íslend­ing­anna. Ég hafði heyrt svo oft um Klöru­bar á Kanarí að fyrir mér er þetta staður sem er mik­il­vægur í íslenskri menn­ing­ar­sögu. Ég lauk masters­námi í London fyrir nokkrum árum en var byrjuð á fyrstu önn í sál­fræði í HÍ í ein­hvers­konar til­vist­ar­kreppu síð­asta haust. Menn­ing­ar­fræði­gyðjan lét mig hins vegar ekki í friði og ég var and­vaka í nokkrar nætur að hugsa um að Íslend­inga­sam­fé­lagið á Kanarí væri kjörið efni í heim­ilda­mynd. Ég var ekki í rónni fyrr en ég var búin að fá Magneu til liðs við þetta verk­efni og við komnar út til Kanarí að taka upp efni og ég löngu hætt í sál­fræð­inn­i. 



Haldið þið að það sé bara kuld­inn sem rekur fólk til heitra landa eins og Kanarí eða er það eitt­hvað fleira sem dregur það að?

Magnea: Þó að myrkrið og kuld­inn heima á Íslandi á vet­urna spili stóran þátt af hverju Íslend­ingar sækja svona mikið í sól­ina komumst við því þegar við fórum að ræða við fólkið á Kanarí að eldra fólk og öryrkjar hafa margir hverjir öðl­ast mun bætt­ara heilsu­far þar. Þar að auki þá upp­lifa margir eldri borg­ar­anna sig minna ein­angr­aða úti á Kanarí heldur en heima á Íslandi. Íslend­inga­sam­fé­lagið er þétt­heldið og náið og það er mjög líf­legt félags­líf. 

Marta: Ferða­manna­iðn­að­ur­inn á heims­vísu er risa­vaxið fyr­ir­bæri og er virki­lega áhuga­vert rann­sókn­ar­efni út fyrir sig að skoða af hverju við ferð­umst okkur til afþrey­ing­ar. Almenn­ingur í hinu hnatt­ræna norðri tekur því nán­ast sem gefnu að geta farið erlendis í frí eftir að ódýrar flug­sam­göngur komu til sög­unn­ar. Það að hafa efni á að fara í frí og að geta ferð­ast er að ein­hverju leyti stöðu­tákn og það hvort/hvert við förum getur sagt ótal­margar sögur um það hver við erum og hver okkar þjóð­fé­lags­staða er.

Hvað hefur reynst skemmti­leg­ast við gerð þess­arar mynd­ar? 

Marta: Fyrir okkur báðar þá hefur það verið skemmti­leg­ast að kynn­ast öllu fólk­inu og fá þetta tæki­færi til þess að skyggn­ast inn í þennan heim. Klara tók okkur strax opnum örmum og er bæði aðal­per­sóna mynd­ar­innar nán­ast með­fram­leið­andi vegna þess hvað hún hefur aðstoðað okkur mik­ið. Svo erum við búnar að kynn­ast Maríu Sig­urð­ar­dóttur (Marý á Kirkju­bæ) gít­ar­leik­ara og söng­stjóra, Harry og hans starfs­fólki, Fel­dísi vin­konu Klöru, Krist­ínu Tryggva far­ar­stjóra, Andreu sem starfar sem fóta­að­gerða­fræð­ingur og eig­in­manni hennar Jón Ottó bíl­stjóra sem að starf­rækir tösku­geymslu fyrir vetr­ar­far­fugl­ana. Það hefur verið gaman að sjá hvað flestir sem við höfum nálg­ast hafa tekið vel í þetta verk­efni og verið til í að tala við okk­ur. Mörgum af okkar við­mæl­endum finnst það vera gleði­efni að fólkið heima fái að sjá hvað það er við Kanarí sem trekkir sumt fólk að ár eftir ár, jafn­vel í ára­tugi. Svo erum við báðar for­fallnir aðdá­endur fjöl­skrúð­ugu og fjöl­þjóð­legu undra­heimanna sem búa í versl­un­ar- og afþrey­ing­ar­mið­stöðv­unum Yumbo center og Cita Mall. 

Hvert eruð þið komnar í ferl­inu?

Magnea: Við erum búnar að fara í tvær ferðir til Kanarí í rann­sókna­vinnu og heim­ilda­öflun og við höfum hingað til lagt alveg sjálfar út fyrir öllum kostn­aði. Við eigum eftir að fara aftur út til þess að taka upp meira efni og svo er það eft­ir­vinnslan sem er tíma­frek og kostn­að­ar­söm; klipp­ing, hljóð­vinnsla, lit­grein­ing og svo fram­veg­is. Þess vegna hrintum við af stað söfnun á Karolina­fund. Ef að allt gengur að óskum stefnum við á að frum­sýna mynd­ina snemma árs 2018 og þeir sem leggja fram 15 € eða meira fá miða á frum­sýn­ing­una, fyrir hærri upp­hæðir fást DVD diskar og mögu­leik­inn á að vera titl­aður sem með­fram­leið­and­i. 

Verk­efnið má finna hér.

Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
Benedikt Gíslason, bankastjóri Arion banka.
Arion banki búinn að höfða mál gegn Fjármálaeftirlitinu
Fjármálaeftirlit Seðlabankans sektaði Arion banka um tæpar 88 milljónir króna í sumar. Ástæðan var sú að upplýsingar um fyrirhugaðar fjöldauppsagnir í bankanum birtust í fjölmiðlum. Arion banki vill að ákvörðunin verði ógild.
Kjarninn 31. október 2020
Þorsteinn Már Baldvinsson, annar forstjóri Samherja, er stjórnarformaður Síldarvinnslunnar.
Eigið fé Síldarvinnslunnar nú 50 milljarðar króna
Síldarvinnslan hefur verið dugleg við að kaupa upp aflaheimildir síðust ár. Hún er að uppistöðu í eigu Samherja og fjölskyldufyrirtækis annars forstjóra Samherja. Saman halda útgerðir sem tengjast forstjórum Samherja á um 20 prósent af öllum kvóta.
Kjarninn 31. október 2020
Kristján Þór Júlíusson sjávarútvegs- og landbúnaðarráðherra lét Katrínu Jakobsdóttir forsætisráðherra vita af málinu eftir að ráðuneyti hans fékk ábendingu um það.
Kristján Þór upplýsti Katrínu um samskipti skrifstofustjóra við Stjórnartíðindi
Sjávarútvegsráðherra upplýsti forsætisráðherra um það í júlímánuði síðastliðnum að í júlí í fyrra hefði þáverandi skrifstofustjóri ráðuneytis hans átt samskipti við Stjórnartíðindi og látið fresta birtingu nýrra laga um laxeldi, sem kom fyrirtækjunum vel.
Kjarninn 31. október 2020
Jeff Bezos forstjóri Amazon
Metfjórðungur hjá Amazon
Tekjur Amazon á síðustu þremur mánuðum voru rúmlega fjórum sinnum meiri en landsframleiðsla Íslands í fyrra.
Kjarninn 30. október 2020
Guðni Bergsson er formaður KSÍ.
Íslandsmótið í knattspyrnu flautað af – efstu liðin krýnd Íslandsmeistarar
Valur er Íslandsmeistari í knattspyrnu karla og Breiðablik Íslandsmeistari kvenna.
Kjarninn 30. október 2020
Þríeykið og aðrir sérfróðir viðbragðsaðilar njóta yfirburðatrausts hjá Íslendingum – en á bilinu 94-96 prósenst segjast treysta því að fá áreiðanlegar upplýsingar um veirufjárann þaðan.
Íslendingar treysta sérfróðum yfirvöldum og fjölmiðlum vel í tengslum við COVID-19
Vinnuhópur þjóðaröryggisráðs um upplýsingaóreiðu í tengslum við COVID-19 hefur skilað af sér skýrslu. Þar kemur m.a. fram að traust til þríeykisins og annarra sérfróðra yfirvalda er afgerandi og traust til innlendra fjölmiðla sömuleiðis mjög mikið.
Kjarninn 30. október 2020
Katrín Jakobsdóttir forsætisráðherra kynnti hertar aðgerðir vegna útbreiðslu kórónuveirufaraldursins á blaðamannafundi fyrr í dag. Efnahagsaðgerðirnar eru afleiðing af þeirri stöðu.
Tekjufallsstyrkir útvíkkaðir, viðspyrnustyrkir kynntir og rætt um áframhald hlutabótaleiðar
Ríkisstjórn Íslands boðar enn einn efnahagspakkann. Sá nýjasti er sniðinn að mestu að þeim minni fyrirtækjum og einyrkjum sem þurfa að loka vegna kórónuveirufaraldursins.
Kjarninn 30. október 2020
Höfuðstöðvar Arion banka í Borgartúni
Segir umfram eigið fé ekki hafa tengingu við úrræði stjórnvalda
Bankastjóri Arion banka segir viðskiptavini sína hafið notið góðs af minni álagningum stjórnvalda á bankakerfið og litla tengingu vera á milli þess og umfram eigin fé bankans.
Kjarninn 30. október 2020
Meira úr sama flokkiFólk