Karolina fund: Litla litabókin

Eva Jónína Daníelsdóttir, 5 ára listamaður, teiknar myndir í nýja litabók.

Eva Jónína Daníelsdóttir spáir í spilin ásamt pabba sínum.
Eva Jónína Daníelsdóttir spáir í spilin ásamt pabba sínum.
Auglýsing

Eva Jón­ína Dan­í­els­dóttir er 5 ára stelpa sem hefur mik­inn áhuga á mynd­list. Hún hefur ákveðið að gefa út lita­bók fyrir börn á svip­uðum aldri. Eva teiknar sjálf allar mynd­irnar í bók­ina, en Dan­íel S. Jóns­son, faðir henn­ar, mun aðstoða hana við umbrot og upp­setn­ingu á kápu. Feðginin hafa sett upp Face­book-­síðu þar sem áhuga­samir geta fylgst með ferl­inu. Safnað er fyrir útgáfu­kostn­aði á Karol­ina Fund. Kjarn­inn hitti Dan­íel og tók hann tali.

Hvernig vakn­aði hug­myndin að lita­bók­inni?

Kápa litlu litabókarinnar.Við höfum ekki þurft að kaupa jóla- og afmæliskort, né merki­miða í nokkur ár, því Eva tók snemma að sér að útbúa allt slíkt upp á eigin spýt­ur. Hug­myndin að bók­inni kvikn­aði upp­haf­lega út frá þessum kortum sem hún teikn­aði. Við, for­eldrar Evu, tókum eftir því að hún var búin að koma sér upp ákveðnu verk­ferli. Fyrst teikn­aði hún allar útlínur með svörtum penna, og að því loknu hófst hún handa við að lita mynd­ina. Útkoman varð því oft á tíðum ekk­ert ólík myndum í lita­bók. Upp­haf­lega setti ég þessa hug­mynd fram í hálf­kær­ingi. En eftir því sem við hugs­uðum meira um þetta, þá fannst okkur hug­myndin alltaf skemmti­legri.

Auglýsing

Er eitt­hvað þema að finna í lita­bók­inni?

Í raun­inni ekki. Flestar lita­bækur búa yfir þema, og eru oftar en ekki hlið­ar­af­urð af teikni­myndum eða annarri sölu­vöru tengdum börn­um. Okkur finnst slíkar bækur oft á tíðum inni­halda of ein­hæfar mynd­ir, satt að segja. Við ákváðum því snemma að fara þver­öf­uga leið, og í Litlu lita­bók­inni er þemað eig­in­lega bara hug­ar­flug Evu sjálfr­ar. Af þeim myndum sem þegar eru til­búnar þá er mest um ein­hvers konar fígúr­ur. Tals­vert af dýra­mynd­um, en líka vél­menni, geim­ver­ur, trúðar og bara alls kyns furðu­ver­ur. Eina skil­yrðið er að Eva sé sátt við teikn­ing­arn­ar, og að henni finn­ist sjálfri spenn­andi að lita þær.

Eva hefur komið sér upp kerfi til að fylgjast með hvernig söfnunin á Karolina Fund gengur. Hún er með blað með 100 figurum á, og litar eina þeirra fyrir hvert prósent sem safnast.

Nú kemur fram á Karol­ina Fund-­síðu Litlu lita­bók­ar­innar að Eva vilji styrkja bæði Barna­spít­ala Hrings­ins og Styrkt­ar­sjóð gigt­veikra barna. Hvernig kom það til?

Eva er sjálf gigt­veik. Hún var greind strax þegar hún var tveggja ára, og hefur meira og minna verið á lyfjum síð­an, ásamt því að þurfa að heim­sækja spít­ala og lækna reglu­lega, auk þess sem hún fer viku­lega í sjúkra­þjálf­un. Um leið og við ákváðum að ráð­ast í útgáfu bók­ar­inn­ar, þá stakk hún upp á því að við myndum gefa veikum börnum lita­bæk­ur. Þannig varð Barna­spít­ali Hrings­ins fyrir val­inu. Okkur fannst svo liggja beint við að Styrkt­ar­sjóður gigt­veikra barna fái líka sinn skerf, ef ein­hver hagn­aður verður af útgáf­unni.

Verk­efnið er að finna hér.

Borgarstjóri: Óvissu eytt um borgarlínu og framkvæmdir hefjast 2020
Skrifað hefur verið undir viljayfirlýsingu og samkomulag sem á að tryggja fjármögnun borgarlínu.
Kjarninn 21. september 2018
Breytingar hafa leitt til verulega bætts árangurs peningastefnunnar
Aðalhagfræðingur Seðlabanka Íslands segir að þær breytingar sem gerðar hafa verið á framkvæmd peningastefnunnar hafi skilað miklum árangri.
Kjarninn 21. september 2018
Steinunn Þorvaldsdóttir
Afleitur handavandi
Kjarninn 21. september 2018
WOW air greiðir hærri vexti en önnur flugfélög
Bloomberg segir að vextirnir sem WOW air borgar vegna skuldabréfaútgáfu sinnar séu hærri en vextir í útboðum annarra evrópskra flugfélaga sem farið hafa fram á síðustu árum.
Kjarninn 21. september 2018
Birkir Hólm Guðnason
Birkir Hólm Guðnason nýr forstjóri Samskipa
Pálmar Óli Magnússon lætur af störfum sem forstjóri Samskipa og Birkir Hólm Guðnason tekur við.
Kjarninn 21. september 2018
Þórdís Kolbrún R. Gylfadóttir, ferðamála-, iðnaðar- og nýsköpunarráðherra.
Ráðherra skipar stýri­hóp um mótun nýsköp­un­ar­stefnu fyrir Ísland
Þórdís Kolbrún R. Gylfadóttir hefur skipað stýrihóp um mótun heildstæðrar nýsköpunarstefnu fyrir Ísland. Stefnan skal liggja fyrir ekki síðar en 1. maí næstkomandi.
Kjarninn 21. september 2018
Vilja þyrlupall á Heimaey
Fimm þingmenn hafa nú lagt fram þingsályktunartillögu þar sem samgöngu- og sveitarstjórnarráðherra er falið að gera ráðstafanir til að hanna og staðsetja þyrlupall á Heimaey til að auka enn frekar öryggi í sjúkra- og neyðarflugi til Vestmannaeyja.
Kjarninn 21. september 2018
Helmingur landsmanna sækir fréttir af vefsíðum fréttamiðla
Samkvæmt nýrri könnun MMR sækja einungis 4 prósent Íslendinga helst fréttir í dagblöð en 9 prósent af samfélagsmiðlum.
Kjarninn 21. september 2018
Meira úr sama flokkiFólk