Með næma frásagnargáfu að vopni í Rússlandi

Skapti Hallgrímsson blaðamaður hefur sent frá sér fallega og skemmtilega bók um þátttöku Íslands á HM í Rússlandi í sumar.

Íslenska landsliðið í fótbolta á HM 2018 - Leikurinn við Argentínu
Auglýsing

Það var mikil spenna á okkar heim­ili, í Kirkland, í útjaðri Seatt­le, þegar Ísland mætti Argent­ínu í Moskvu á HM í Rúss­landi í sum­ar. Vinir komu í heim­sókn.

Steve og Jenni­fer, sem alin eru upp í Winsconsin og St. Louis í Mis­so­uri og ekki sér­lega mikið fyrir „soccer“, voru í bláum treyjum að styðja litla Ísland gegn stjörnum prýddu liði Argent­ínu. Hen­ry, sex ára sonur þeirra og vinur Hall­dórs Elí jafn­aldra síns og sonar okk­ar, þótt­ist vera Messi en Hall­dór var Jóhann Berg. Það er hans mað­ur.

Og hann ver

Við trúðum ekki eigin augum þegar Hannes Þór Hall­dórs­son varði vítið frá Messi og Steve við­ur­kenndi, með herkj­um, að þetta væri skemmti­leg íþrótt. HÚH!

Auglýsing

Einn af stærstu atburðum íslenskrar íþrótta­sögu voru þessi augna­blik í Rúss­landi.

Þegar Ísland mætti með lands­liðið í úrslita­keppni HM, fámennsta þjóðin í sög­unni, og náði að sýna að smæðin og fámennið segir lítið um styrk liðs­heild­ar­inn­ar.

Millj­ónir manna um allan heim horfðu svona til Íslands og íslenska lands­liðs­ins á HM. Þetta var ösku­busku­æv­in­týri á vissan hátt (Banda­ríkja­mönnum leidd­ist ekki að minn­ast á það, svo því sé til haga hald­ið. Hollywood hefur vænt­an­lega fylgst grannt með­). 

Fært í texta og myndir

Aron Einar Gunnarsson, Þórsari, er á forsíðu bókarinnar. Messi komst lítt áleiðis gegn Íslendingum í Rússlandi.Eins og með öll ævin­týri - hvort sem er í raun­heimum eða skáld­skap - þá verða þau fyrst til þegar búið er að segja frá þeim, helst með myndum og texta.

Það var mikil blessun fyrir okkur Íslend­inga að reynslu­bolt­inn í stétt blaða­mennskunn­ar, Skapti Hall­gríms­son, hafi verið í Rúss­landi þegar HM stóð yfir. Hann skrá­setti þennan stór­við­burð í íslensku íþrótta­lífi og hefur gefið út bók­ina Ævin­týri í aust­ur­vegi.

Skapti hefur verið að sem blaða­maður í um 40 ár, og þar til nýlega fengu les­endur Morg­un­blaðs­ins að njóta snilli hans og næmni. Skapti er fram­úr­skar­andi sögu­maður og hefur auga blaða­manns­ins, þegar hann tekur mynd­ir.

Þetta er sjald­gæfur eig­in­leiki.

Hann er yfir­leitt jákvæður í sinni frá­sögn, sem er eitt­hvað sem hefur alltaf fylgt hans blaða­mennsku, eins og hún horfir við mér. Fag­maður fram í fing­ur­góma.

En það er þessi næmni fyrir hinu mann­lega, þar sem Skapti skorar sín fal­leg­ustu mörk í frá­sögn­inni, svo ein­föld lík­ing sé notuð af fót­bolta­vell­in­um. 

Fjöl­skyldu­mót í Rúss­landi

Þátt­taka Íslands á HM í Rúss­landi var stór­merki­leg og þó frá­sagnir af kapp­leikj­unum séu í fyr­ir­rúmi í þess­ari skemmti­legu og vel skrif­uðu bók, þá er magnað að sjá það vel skrá­sett hversu mik­ill menn­ing­ar­við­burður þetta var í raun.

Þús­undir Íslend­inga á sama tíma í Rúss­landi. Það eitt er merki­legt og sögu­sviðið sömu­leið­is. Myndir af fögn­uði, þreytu, bláum bylgjum mann­hafs, átökum á vell­in­um, kossum, návíg­um. 

Allt sem til­heyrir dæmi­gerðu fót­bolta­móti í íslenskum veru­leika, hjá stelpum og strák­um. Nema hvað þarna voru full­orðnir menn á ferð­inni, atvinnu­menn. Til­finn­ing­arnar virt­ust stundum bera þá ofur­liði, alveg eins og sést oft á mót­unum sem íslenskar fjöl­skyldur eru hluti af hvert sum­ar.

Sveit­ungi Skapta frá Akur­eyri, Aron Einar Gunn­ars­son, er fyr­ir­liði lands­liðs­ins og fer fyrir því eins og Þór með ham­ar­inn. Ég man eftir honum sem litlum gutta á íþrótta­mótum fyrir norð­an, í Þórs­ara­bún­ingn­um. Það sást langar leiðir að hann var efni­legur í fót­bolta og virt­ist hafa lík­am­legan styrk og kraft á við tán­ing strax sem barn. Spil­aði fram­herja­stöð­una þegar ég sá til hans og það héldu honum engin bönd.

Eitt af því sem hefur ein­kennt Aron Einar - sem Skapti sýnir vel í bók­inni - er fórn­fýsi. Hann gjör­sam­lega „tæmir tank­inn“ - eins og þeir segja í Amer­íku um Bruce Springsteen á tón­leikum - í leikj­um. Eða deyr fyrir klúbb­inn, eins og þeir segja á Þórs­svæð­inu á Akur­eyri.

Góður kafli á spjöldum sög­unnar

Ég efast ekki um að leik­menn Íslands hafi viljað ná betri úrslitum á HM í Rúss­landi en afrek þeirra er nú þegar á spjöldum sög­unn­ar, og bók Skapta er fal­legur og skemmti­legur kafli í þeirri skrá­setn­ingu. Þjóðin fyllt­ist stolti og fólk um allan heim hugs­aði hlý­lega til litla Íslands.

Bókin er eitt­hvað sem íslenskar fjöl­skyldur ættu að hafa upp í hillu til að sýna kom­andi kyn­slóðum íþrótta­æv­in­týrið íslenska á slóðum Aust­ur­víg­stöðv­anna í Rúss­landi.

Steve og Jenni­fer hrifust með okk­ur, en ég lenti í vand­ræðum með útskýr­ingar þegar ég fór að segja þeim frá því að Aron Einar hefði getað orðið hluti af „strák­unum okk­ar“ í hand­bolta - eins og bróðir hans - ef hann hefði lagt þá íþrótt fyrir sig. Hand­ball, what is that?

Banda­ríkja­mönnum er ekki við­bjarg­andi þegar kemur að „soccer“ og ég tala nú ekki um hand­bolta. En þeir stóðu með okkur í ösku­busku­æv­in­týr­inu í Rúss­landi. Að minnsta kosti flest­ir. Hollywood tekur lík­lega brátt við sér við að segja Íslands­sög­una, og þá munu sjást tár á hvarmi eins og á góðum myndum í bók Skapta.

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Rannsóknarskipið Hákon krónprins við rannsóknir í Norður-Íshafi.
Ískyggilegar niðurstöður úr Norður-Íshafi
Lífríkið undir ísnum í Norður-Íshafinu er ekki það sem vísindamenn áttu von á. Í nýrri rannsókn kom í ljós að vistkerfið einkennist ekki af tegundum sem helst einkenna hin köldu heimskautasvæði.
Kjarninn 17. ágúst 2022
Ingrid Kuhlman
Tölum um dauðann
Kjarninn 17. ágúst 2022
Lilja Alfreðsdóttir er menningar- og viðskiptaráðherra.
Stefnt að því að sameina þrjá tónlistarsjóði í einn og skilgreina Sinfó sem þjóðareign
Menningar- og viðskiptaráðherra hefur lagt fram drög að nýjum heildarlögum um tónlist. Stofna á Tónlistarmiðstöð, sjálfseignarstofnun sem á að verða hornsteinn íslensks tónlistarlífs og rekin með svipuðum hætti og Íslandsstofa.
Kjarninn 17. ágúst 2022
Í sumar hafa tugir borga í Kína lýst yfir hættuástandi vegna hita.
Verksmiðjum lokað og mikill uppskerubrestur blasir við
Hitabylgja sumarsins hefur haft gríðarleg áhrif á stórum landsvæðum í Kína. Rafmagn er skammtað og algjörum uppskerubresti hefur þegar verið lýst yfir á nokkrum svæðum.
Kjarninn 17. ágúst 2022
Seðlabankinn mun kynna næstu stýrivaxtaákvörðun í næstu viku.
Búast við að stýrivextir verði komnir upp í sex prósent í byrjun næsta árs
Markaðsaðilar vænta þess að verðbólgan sé við hámark nú um stundir en að hún muni hjaðna hægar. Í vor bjuggust þeir við að verðbólga eftir ár yrði fimm prósent en nú telja þeir að hún verði 5,8 prósent.
Kjarninn 17. ágúst 2022
Segja toppana í samfélaginu hafa tekið sitt og að lágmark sé að launafólk fái það sama
Í Kjarafréttum Eflingar er lagt til að almenn laun hækki um 52.250 krónur á mánuði miðað við núverandi verðbólgu. Ríkið þurfi auk þess að koma að kjarasamningaborðinu með tug milljarða króna aðgerðir til að bæta stöðu þeirra verst settu í samfélaginu.
Kjarninn 17. ágúst 2022
Starfsmenn Hvals hf. komu dróna svissneska ríkisfjölmiðilsins til lögreglunnar á Akranesi án þess að til húsleitaraðgerðar þyrfti að koma.
Hvals-menn skiluðu dróna svissneska ríkisfjölmiðilsins til lögreglu
Lögreglan á Akranesi fékk kvikmyndatökudróna sem starfsmenn Hvals hf. hirtu af starfsmönnum svissnesks ríkisfjölmiðils afhentan og kom honum til eigenda sinna. Bæði drónaflugið og drónastuldurinn eru á borði lögreglunnar.
Kjarninn 17. ágúst 2022
Suðurhringþokan mynduð af WEBB-sjónaukanum í tveimur ólíkum útfærslum.
2.000 ljósár á sextíu sekúndum
Þau sem dreymir um að ferðast um geiminn ættu ekki að láta nýtt myndband geimferðastofnana Bandaríkjanna og Evrópu framhjá sér fara. Á sextíu sekúndum er boðið upp á 2.000 ljósára ferðalag með hjálp hins magnaða WEBB-sjónauka.
Kjarninn 16. ágúst 2022
Meira úr sama flokkiFólk