Hann var á leið í flóann

Billy Joel er sjötugur í dag. Hann er einn frægasti þunglyndissjúklingur heimsins. Ferill hans hefur verið þyrnum stráður, en hann mun bráðum fá sér sæti við flygilinn í Madison Square Garden og spila lögin sín.

Billy-Joel-2_1200.jpg
Auglýsing

Í kvöld mun Billy Joel fá sér sæti við flygil­inn í Mad­i­son Squ­are Gar­den í New York. Hann er sjö­tugur í dag og mun vænt­an­lega flytja gestum stór­brotna tón­leika með lögum úr safni sínu.

Um þessar mundir eru 48 ár frá því Billy Joel sendi frá sér sína fyrstu plötu, Cold Spring Harbor. Hún kom eins og þruma úr heið­skíru loft­i. 

Þarna heyrð­ist nýr tónn, frá lítt þekktum píanó­leik­ara. Hann hafði næmn­ina, text­arnir voru sker­andi og áhrifa­miklir, og meló­díurnar áreynslu­lausar og fal­leg­ar. 

Auglýsing

En það var líka myrkur í lög­un­um. 

Allur fer­ill Billy Joel hefur lit­ast af bar­áttu hans við þung­lyndi og alka­hól­is­ma, með þeim lægðum og hæðum sem því fylg­ir. 

Á enda­stöð

Á Cold Spring Harbor plöt­unni lýsir hann sínum myrk­ustu augna­blikum og rús­sí­ban­areið þung­lynd­is­sjúk­lings um tví­tugt sem hafði brennt brýr að baki sér, og stóð eftir einn og óstudd­ur. Hann var á leið í fló­ann, eins og hann lýsir í Tomor­row Is Today - hápunkti þessa tíma­lausa meist­ara­verks sem Cold Spring Harbor er. 

En bless­un­ar­lega fór hann ekki í fló­ann. 

Hann snéri við á brún­inni, og hefur síðan gengið frekar erf­iðan veg í gegnum líf­ið, með tón­list­ar­hæfi­leika sína í fartesk­in­u. 

Svona lítur plötuumslagið út á fyrstu plötu Billy Joel, sem kom út 1971.Á hans afkasta­mestu árum, frá 1971 til 1990, setti hann mik­inn svip á tón­list­ar­heim­inn með hverjum smell­inum á fætur öðr­um. Hann hefur átt fleiri smelli en hægt er að telja upp, og erfitt að raða lögum hans í gæða­röð. 

Lögin eru mörg og ólík, en eiga það sam­eig­in­legt í mörgum til­vikum að vera lýs­ing á líf­inu í New York - og stundum ann­ars staðar lík­a. 

Hvers­dags­legir hlutir fá oft mikla athygli í textum Billy Joel. Hroka­gikk­ur­inn á Wall Street að glenna sig, að missa af lest­inni, úthverfa­líf­ið, Man­hatt­an. Fáir, ef þá ein­hverj­ir, hafa speglað þennan veru­leika betur og af meiri ein­urð en Billy Joel. 

Vegna þess hve þetta er vel gert, þá eru lýs­ing­arnar hans tíma­lausar og með víð­ari skírskot­un. Þetta er list eins og hún ger­ist best.



Ég hef vanið mig á það, eins og margir, að hlusta á tón­list við vinn­u. 

Und­an­farin ár hef ég tekið fyrir ýmsa tón­list­ar­menn og hlustað á efni þeirra allt í réttri útgáfu­röð. Í vetur tók ég fyrir Billy Joel og var lengi að hlusta mig í gegnum allt sem hann hefur sent frá sér. Það tekur tíma, enda afköstin með nokkrum ólík­ind­um. 

Þegar hann kom fram á frægum tón­leikum í Len­ingrad árið 1987 þá var kalda stríðs stemmn­ing í heim­inum alls­ráð­andi og banda­rísk afþrey­ing var ekki vel séð í Sóvét­ríkj­un­um.

Vildu bara sjá Billy Joel í galla­buxum

En heima­menn tóku Billy Joel afar vel, og sjálfur hefur hann sagt um þessa tón­leika, að tón­leika­gest­irnir hafi ein­fald­lega verið gott fólk sem hafi viljað sjá hann í galla­buxum að syngja Uptown Girl. Póli­tíkin var nú ekki dýpri en það og fjöl­miðla­fárið í aðdrag­and­anum var óþarft.

Ég spái því að hann endi tón­leika sína í Mad­i­son Squ­are Gar­den á ball­öð­unni Vienna. 

En upp­klappið verður eflaust mest og lengst, þegar Píanó­mað­ur­inn sjálfur syngur þjóð­söng­inn sinn, Piano Man. 

Það er gott að hann fór ekki í fló­ann á sínum tíma og hélt áfram að sinna list­sköpun sinni, þó veg­ur­inn hafi verið svo­lítið grýttur vegna veik­inda á hálfrar aldar ferli.



Upp­á­halds lög und­ir­rit­aðs: 

- Only The Good Die Young

- All For Leyna

- Christie Lee

- Allentown -(Tíma­laus lýs­ing á verk­smiðju­lífi margra svæða í Banda­ríkj­un­um, sem logn­ast útaf með hverri lokunni á fætur annarri. Bær­inn er í Penn­syl­van­íu).

- Big Shot (Wall Street plebb­inn tek­inn og afgreidd­ur). 



Billy Joel var tek­inn inn í frægð­ar­höll Grammy verð­launa árið 2013. 

Hann hefur fengið 28 til­nefn­ingar til verð­laun­anna í gegnum tíð­ina, og meðal ann­ars hlotið verð­laun fyrir að vera með lag árs­ins, bestu plöt­una, besti popp söngv­ar­inn og besti rokk tón­list­ar­mað­ur­inn, auk goð­sagnar verð­launa. 

Þetta er í hans anda; fjöl­breytnin hefur verið hans helsta ein­kenni í gegnum tíð­ina. 

Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
Alþjóðleg áhrif og átök í íslenskri bókaútgáfu
Kaup streymisveitunnar Storytel á langstærstu bókaútgáfu á Íslandi hafa vakið undrun á meðal höfunda og í útgáfuheiminum. Auður Jónsdóttir rithöfundur og Bára Huld Beck blaðamaður skoðuðu málið frekar.
Kjarninn 3. júlí 2020
Páley Borgþórsdóttir
Páley skipuð lögreglustjóri á Norðurlandi eystra
Dómsmálaráðherra hefur skipað Páleyju Borgþórsdóttur í embætti lögreglustjórans á Norðurlandi eystra. Páley hefur frá 2015 verið lögreglustjóri í Vestmannaeyjum.
Kjarninn 3. júlí 2020
Saga Japans
Saga Japans
Saga Japans – Hver gætir þeirra sem gæta vopnanna?
Kjarninn 3. júlí 2020
Alls 306 atvinnuhúsnæði nýtt sem mannabústaðir á höfuðborgarsvæðinu
Fjöldi atvinnuhúsnæðis sem nýtt er sem íbúðarhúsnæði án leyfis er nánast sá sami í dag og hann var fyrir þremur árum. Áætlað er að um fjögur þúsund manns búi í atvinnuhúsnæði í Reykjavík og nágrenni.
Kjarninn 3. júlí 2020
Sigmundur Davíð Gunnlaugsson, formaður Miðflokksins.
Sigmundur Davíð: Góð staða getur hratt breyst til hins verra
Formaður Miðflokksins segir að Íslendingar gangi nú í gegnum mjög krítíska tíma. „Ákvarðanir skipta alltaf máli en þær skipta óvenjulega miklu máli núna.“
Kjarninn 2. júlí 2020
Úlfar Þormóðsson
Sálumessa
Kjarninn 2. júlí 2020
Hæfileg fjarlægð breytist í 1 metra samkvæmt nýju reglunum.
„Þú þarft ekki að kynnast nýju fólki í sumar“
Nýjar reglur og leiðbeiningar fyrir veitingastaði og kaffihús hafa verið gefnar út í Svíþjóð. Samkvæmt þeim skal halda 1 metra bili milli hópa. Yfir 5.400 manns hafa dáið vegna COVID-19 í landinu, þar af var tilkynnt um 41 í gær.
Kjarninn 2. júlí 2020
Ríki og borg hækka framlög til Bíó Paradísar um 26 milljónir
Framlag ríkis og borgar hækkar samtals um 26 milljónir á ári í uppfærðum samstarfssamningi við Heimili kvikmyndanna, rekstraraðila Bíós Paradísar. Stefnt er að því að opna bíóið um miðjan september en þá fagnar Bíó Paradís tíu ára afmæli.
Kjarninn 2. júlí 2020
Meira úr sama flokkiFólk