Karolina Fund: Vala Yates – Fyrsta plata

Vala Yates, söngkona og tónskáld, vinnur nú að sinni fyrstu sólóplötu. Lög og texti eru samin af Völu, en platan mun innihalda fimm lög á íslensku og fimm á ensku.

Vala Yates
Vala Yates
Auglýsing

Vala Yates, söng­kona og tón­skáld, vinnur nú að sinni fyrstu sóló­plötu ásamt Stef­áni Erni Gunn­laugs­syni. Lög og texti eru samin af Völu, en platan mun inni­halda fimm lög á íslensku og fimm á ensku.

Verk­efnið er styrkt af Hljóð­rita­sjóði Rannís og Tón­skálda­sjóði Rúv og Stefs, en til þess að klára plöt­una hefur Vala sett í gang hóp­fjár­mögnun á Karol­ina Fund.

Vala er menntuð söng­kona og tón­skáld, einnig sem hún hefur unnið með þekktum popptón­list­ar­mönnum á borð við Barða Jóhanns, Ólaf Arn­alds og Keren Ann Zeidel. Vala dregur inn­blástur úr klass­ískum bak­grunni sín­um, í bland við reynslu sína af slíkri sam­vinnu. Það mætti því segja að útkoman sé ein­hvers konar blanda úr báðum heim­um.

Auglýsing

Hljóð­vinnslan er blanda af raf­heim sköp­uðum af Stef­áni, upp­tökum af live hljóð­færum og live rödd­un­um. Vala hefur þegar gefið út tvö af lög­un­um, Possi­bilities og Hrís­ey. Má nálg­ast þau á Spoti­fy, Itu­nes og Soundcloud. Hægt er að fylgj­ast með verk­efn­inu á face­book og instagram.

Hvernig vakn­aði hug­myndin að verk­efn­inu?

Ég hef verið að syngja síðan ég var barn, og mig hefur langað til að gefa út plötu með mínum eigin lögum frá því ég byrj­aði að semja lög um tví­tugt. Það var þá sem ég ákvað að láta á það reyna að verða söng­kona, og hóf söng­nám í Söng­skól­anum í Reykja­vík. En það var í sjálfu sér svo­lítið skrítin ákvörðun því ég var harð­á­kveðin í að verða ekki óperu­söng­kona. Mig lang­aði að verða popp­söng­kona. En mér var ráð­lagt þetta svo ég gerði það. Smám saman tog­að­ist ég inn í "klass­íska heim­inn" þrátt fyrir að vita innst inni að ég að ég ætti ekki heima þar. Krakk­arnir í kring um mig áttu sér upp­á­halds óperu­söngv­ara en ég þekkti engan, nema Pavarotti og Diddú!

Vala YatesÞað var ekki fyrr en ég var búin með 8. stig í klass­ískum söng sem ég átt­aði mig á því að ég var bara komin á ein­hvern allt annan stað en ég hafði ætlað mér! Svo ég tók smá u-beygju og hóf nám í Lista­há­skól­anum í tón­smíð­um. Þar var þó svip­aða sögu að segja. Mig lang­aði í raun­inni að eign­ast verk­færi til að koma mínum lögum frá mér á skil­virk­ari og fljót­legri máta, en þess í stað lærði ég að semja klass­ísk verk fyrir klass­ísk hljóð­færi. Ég sé samt alls ekki eftir neinu því vissu­lega lærði ég heil­mik­ið. Og ég öðl­að­ist hag­nýt verk­færi sem ég nota alltaf, bæði í söngnum og laga­smíð­un­um.

Þegar ég var að skrifa loka­rit­gerð­ina mína, varð ég ólétt, og helg­að­ist tím­inn á eftir því að bera, fæða og sjá um unga­barn - en þó samdi ég nán­ast öll lögin sem verða á plöt­unni einmitt þegar dóttir mín var yngri en eins árs.

Ég var í tveim útfar­ar­kórum á þeim tíma. Því þar sá ég leið til að fá greitt fyrir það sem ég hafði lært. Söng­inn. En svo einn dag­inn átt­aði ég mig á því að þetta var bara ekki fyrir mig. Mig lang­aði að vera meira frjáls í tón­list­inni, geta spunnið ef hug­ur­inn sótti þang­að, og syngja ber­fætt ef mig lang­aði til. Það var of mik­ill rammi að syngja í útfar­ar­kór fyrir mig. Svo ég hætti. Og næsta dag kom upp lítil rödd í huga mér: "Hey hvernig var með gamla draum­inn um að gefa út plötu með þínum eigin lög­um?" - Og þá var ekki aftur snú­ið. Ég hætti að vera hrædd um hvað gæti farið úrskeið­is, því það óx upp ein­hver rosa­legur drif­kraft­ur. Ég fann bara ein­hvers staðar að ég VARÐ að láta þetta verða að veru­leika.

Segðu okkur frá þema verk­efn­is­ins.

Þemað er í raun­inni bara sagan mín. Og tón­listin mín. Sem er eig­in­lega einn og sami hlut­ur­inn því tón­listin mín er samin beint frá hjart­anu, og er mjög per­sónu­leg og ein­læg. Ég segi stundum að þetta sé nán­ast eins og ég sé að syngja upp úr dag­bók­inni minni! Lögin hafa öll sína sögu að segja. Og tengj­ast ákveðnum atburðum frá minni lífs­göngu. Ég tók einmitt upp stutt V-log þar sem ég sagði örstutt frá hverju lagi og hef póstað á face­book og instagram. Ætli tón­listin sé ekki staður fyrir mig til að tjá mig um upp­lif­anir og til­finn­ingar tengdum mik­il­vægum atburðum í lífi mínu. Mér hefur alltaf þótt gaman að skrifa ljóð og ýmis­konar texta, og tón­listin er ein­hvern veg­inn svo stór hluti af mér. Þannig að þarna flétt­ast þessir tveir þættir sam­an.

Ætli ég myndi ekki segja að þema lag­anna sem verða á plöt­unni sé ein­lægni og fal­legur boð­skap­ur. Ég hef mikla trú á mátt orða, og mig langar að lögin sem ég sendi út í heim­inn hafi fal­legan boð­skap að geyma, þannig að þegar fólk hlusti á þau, veki það upp jákvæðar til­finn­ing­ar.

Mér hefur verið sagt alla ævi að ég sé mjög ein­læg. Og það er mín ósk að halda í þessa ein­lægni, og sýna hana í tón­list­inni minni og öllu sem ég tek mér fyrir hend­ur. Og svo þykir mér ótrú­lega vænt um þegar fólk kemur til mín og segir mér að eitt­hvað sem ég sagði, skrif­aði eða söng, hafi gefið eða hjálpað þeim á ein­hvern máta. Ég held að ef við leyfðum okkur að vera aðeins meira ein­læg væri heim­ur­inn fal­legri og örugg­ari stað­ur. Og það væri bara sjálf­sagt að við hjálp­uðum hvort öðru í stað­inn fyrir að keppa við hvort ann­að.

Hér er hægt að taka þátt í verk­efn­inu hennar Völu.

Kanntu vel við Kjarnann?

Frjáls framlög lesenda eru mikilvægur þáttur í rekstri Kjarnans. Þau gera okkur kleift að halda áfram að taka þátt í umræðunni á vitrænan hátt og greina kjarnann frá hisminu fyrir lesendur. 

Kjarninn er fjölmiðill sem leggur sig fram við að upplýsa og skýra út það sem á sér stað í samfélaginu með áherslu á gæði og dýpt. 

Okkar tryggð er aðeins við lesendur. Við erum skuldbundin ykkur og værum þakklát ef þið vilduð vera með í að gera Kjarnann enn sterkari. 

Ef þú kannt vel við það efni sem þú lest á Kjarnanum viljum við hvetja þig til að styrkja okkur. Þinn styrkur er okkar styrkur.

Já takk, ég vil styrkja Kjarnann!
Meira úr sama flokkiFólk