Flammeus er lista­manns­nafn akur­eyrska tón­list­ar­manns­ins Tuma Hrann­ar-Pálma­son­ar. Hann hefur síðan á ungum aldri notað tón­smíðar sem útrás fyrir sína innri djöfla og hug­dett­ur, og ætlar nú að gefa út plötu með nokkrum þeirra laga sem hann hefur samið. Lögin á plöt­unni eru öll samin út frá sömu lífs­reynsl­unni, og er útgáfa plöt­unnar því eins konar kveðju­stund fyrir mik­il­vægan tíma í lífi hans. Með honum í útsetn­ingu og upp­töku lag­anna eru félagar hans úr Tón­list­ar­skól­anum á Akur­eyri; Guð­jón Jóns­son, Sig­fús Jóns­son, Haf­steinn Dav­íðs­son og Jóhannes Stef­áns­son. Safnað er fyrir fram­leiðslu á bolum og geisla­diskum á Karol­ina Fund. Kjarn­inn tók Tuma tali.

Hvernig vakn­aði hug­myndin að verk­efn­inu?

„Tón­list hefur alla tíð verið mjög prí­vat og per­sónu­legur hlutur fyrir mig. Ég greip ýmist í kassagít­ar­inn eða píanóið þegar mér leið illa, og samdi tón­list til þess að koma til­finn­ing­unum frá mér. Ég var hins vegar lítið fyrir það að spila tón­verkin fyrir aðra, var meira að segja feim­inn við að sýna for­eldrum mínum hvað ég hafði verið að brasa. 

Hægt og rólega hef ég skorað á sjálfan mig og unnið í því að deila tón­list­inni minni með umheim­in­um, og kom­ist að því að það er mikil ánægja sem felst í því. Það end­aði með því að ég hleypti vinum mínum úr Tón­list­ar­skól­anum inn í tón­smíð­arnar og leyfði þeim að setja sinn svip á þær, og ég gæti ekki verið ánægð­ari með það sem þeir hafa fært fram. Það verður síðan sætt að koma þessum lögum til hlust­end­anna og leyfa þeim að njóta, og geta kvatt við­fangs­efni plöt­unnar í sátt.“

Hvert er þema verks­ins?

„Laga­smíð­arnar mín­ar, sem ein­kenn­ast af sterkum meló­díum og hljóma­sam­setn­ingum og melankól­ískri texta­smíð. Einnig hafa hljóm­sveit­ar­með­lim­irnir allir sinn stíl sem kemur fram í hverju lag­anna, en þar ber að nefna stórt og mik­ið pedal­brett­i Jó­hann­esar gít­ar­leik­ara sem gerir honum kleift að fram­kalla alls kyns hljóm með gít­arn­um, og þéttan trommu-og bassa­leik ryt­mateym­is­ins.“

Er eitt­hvað fleira á döf­inni hjá ykk­ur?

„Já, við byrjum á því að spila útgáfu­tón­leika á Græna Hatt­inum 4. júlí, og svo komum við meðal ann­ars fram saman á Fiskideg­inum og ­Mæru­dög­um. Þar fyrir utan er ég sjálfur á styrk frá Akur­eyr­ar­stofu þetta sum­arið og mun því koma fram við hin ýmsu tæki­færi, ýmist einn með kassagít­ar­inn eða með góðum gest­um. Við eigum síðan meira óklárað efni frá mér sem væri gaman að gefa út, og verðum því að brasa við upp­tökur lík­a.“

Hér er hægt að skoða og taka þátt í verk­efn­inu.