Karolina Fund: Namm! - 100% vegan eldhús

Alda Villiljós stendur fyrir hópfjármögnun á eldhúsaðstöðu sem mun vera nýtt í 100 prósent vegan matarframleiðslu.

Vegankaka
Auglýsing

Alda Villi­ljós stendur þessa dag­ana fyrir hóp­fjár­mögnun á eld­hús­að­stöðu sem mun vera nýtt í 100% vegan mat­ar­fram­leiðslu. Alda fók­usar sjálft á bakst­ur, eft­ir­rétti og sæt­indi, en hán byrj­aði að selja slíkt undir nafn­inu Namm! fyrr á þessu ári. Ný eld­hús­að­staða myndi veita Öldu mun meira svig­rúm til að fram­leiða sæt­ind­in, en hán vill líka að eld­húsið verði aðgengi­legt til leigu fyrir aðra sem vilja nýta sér slíka aðstöðu.

Hvernig vakn­aði hug­myndin að verk­efn­inu?

„Þetta byrj­aði á síð­asta ári, en þá hafði ég verið að vinna á Kaffi Vínyl í u.þ.b. eitt ár sem bak­ar­inn þeirra. Í vinn­unni þar fékk ég mikið frelsi til að prófa mig áfram bæði með eigin upp­skriftir og ann­arra, og allt veg­an. Vör­urnar sem ég gerði urðu mjög fljótt gríð­ar­lega vin­sælar meðal vegan sam­fé­lags­ins og í byrjun síð­asta árs fór ég að fá þessa spurn­ingu frá fólki, hvort ég ætl­aði ekki bara að byrja með eigið fyr­ir­tæki og fram­leiða og selja kökur og sæt­indi. Ég mald­aði í móinn frekar lengi, en í lok síð­asta árs tók ég þá ákvörðun að demba mér í sjálf­stæðan atvinnu­rekst­ur. Ég hætti í vinn­unni hjá Vínyl og byrj­aði að aug­lýsa fyr­ir­tækið og taka við pönt­un­um. Það tók ekki langan tíma þar til ég var komið í sam­starf við Linneu og Krumma hjá Veganæs, en ég fæ að nota eld­húsið þeirra þegar þau eru ekki að nota það. Það kom samt eig­in­lega strax í ljós að það myndi ekki nægja mér  svo ég verð að stækka við mig fljót­lega. Mér líður líka alltaf frekar illa að þurfa að keyra niður í miðbæ vegna þess að ég þurfi að ferja fullt af hrá­efnum á milli eld­húsa til að hafa í við pant­an­irn­ar; helst vildi ég að sjálf­sögðu labba eða taka strætó!“

Auglýsing

Hver eru und­ir­stöðu­at­riðin fyrir verk­efn­ið?

„Ég veit að ég er ekki eitt um að finn­ast það góð til­hugsun að vegan mat­ur­inn sem ég borða sé ekki fram­leiddur þar sem einnig er verið að mat­reiða og með­höndla kjöt eða osta. Vegan­ism­inn er sér­stakur að því leyti að þetta er ekki bara mat­ar­kúr, það er svo margt annað sem getur spilað inn í það af hverju fólk verður eða er vegan, og þó að ofnæmi geti átt sinn stað þar (vegan fólk þróar líka oft­ast með sér ofnæmi fyrir kjöti og mjólk­ur­vörum eftir ein­hvern tíma) þá eru sið­ferð­is­á­stæð­urnar oft ráð­andi. Þess vegna eru mörg okkar lík­leg til að fara úr vegi okkar eða borga aðeins meira fyrir vörur sem eru fram­leiddar af vegan fyr­ir­tækjum og í vegan umhverfi. Að sama skapi myndi ég vilja geta sett upp krók af eld­hús­inu með sér tækjum til að fram­leiða vörur sem væru ekki með hnet­um, og seinna meir einnig fyrir glút­en­lausar vör­ur.“

Af hverju ætti fólk að styðja við verk­efnið þitt?

„Það eru nokkrar ástæð­­ur! Fyrst og fremst vegna þess að það er góð til­finn­ing að styðja við far­sælt verk­efni - og miðað við hversu vel hefur gengið hingað til veit ég að Namm! er komið til að vera. Vegan­ism­inn hefur vaxið ótrú­lega hratt á Íslandi á síð­ustu árum og ég er viss um að við þekkjum núorðið öll a.m.k. eina vegan mann­eskju; og er þá ekki frá­bært að geta pantað veganköku eða snarl fyrir veislur á verði sem er sam­keppn­is­hæft við annað bakk­elsi?  Mér finnst mjög mik­il­vægt að vegan vörur séu aðgengi­legar og því er það draum­ur­inn að geta boðið upp á ódýrar vörur án þess að slá af gæða­kröf­um.. Síð­ast en ekki síst, þá eru mjög girni­leg verð­laun í boði fyrir öll þau sem leggja til pen­ing í verk­efn­ið; konfekt­kass­ar, kök­ur, inn­eign í veislu­bakka og fleira.“

Hér er hægt að styrkja Namm!

Seðlabankafólk ræddi um Facebook gjaldmiðilinn
Seðlabankastjóri Bandaríkjanna, Jerome Powell, segir að rafmyntin sem Facebook ætlar að setja í loftið á næsta ári hafi komið til umræðu innan Seðlabanka Bandaríkjanna.
Kjarninn 19. júní 2019
Raunhækkun fasteigna lítil sem engin þessi misserin
Vorið 2017 mældist fasteignaverðshækkun 23,5 prósent.
Kjarninn 19. júní 2019
Þórhildur Sunna Ævarsdóttir, þingflokksformaður Pírata.
Heildarendurskoðun lögræðislaga samþykkt
Þingsályktunartilllaga þar sem mælst er til að heild­ar­end­ur­skoðun lög­ræð­islaga fari fram og að kosin verði til þess sér­nefnd þing­manna hefur verið samþykkt á Alþingi. Þingflokksformaður Pírata getur ekki beðið eftir því að hefjast handa.
Kjarninn 19. júní 2019
Höfuðstöðvar Lífeyrissjóðs verzlunarmanna eru í Húsi verslunarinnar.
Stjórn Lífeyrissjóðs verzlunarmanna segir vexti hafa verið orðna „óeðlilega“ lága
Stjórn Lífeyrissjóðs verzlunarmanna segist það ekki samræmast skyldu sinni að taka hagsmuni 3.700 lántaka með breytileg verðtryggð lán fram yfir hagsmuni allra sjóðsfélaga. Hún segir yfirlýsingar um einvörðungu hækkun vaxta byggja á veikum grunni.
Kjarninn 19. júní 2019
FME minnir á kröfur sem gerðar eru til lífeyrissjóða
VR hyggst gera breytingar á skipan stjórnar Lífeyrissjóðs verslunarmanna.
Kjarninn 19. júní 2019
Jafnréttisnefnd KÍ mótmælir málflutningi kennara
Jafnréttisnefnd Kennarasambands Íslands hefur sent frá sér ályktun þar sem málflutningi grunnskólakennara um falskar ásakanir nemenda um meint ofbeldi kennara er mótmælt.
Kjarninn 19. júní 2019
Sigurður Ingi Jóhannsson
Að breyta samfélagi
Kjarninn 19. júní 2019
Sarkozy ákærður fyrir spillingu og mútuþægni
Fyrrum forseti Frakklands er ákærður fyrir að hafa þegið fjármagn frá Gaddafi, fyrrum forseta Líbíu.
Kjarninn 19. júní 2019
Meira úr sama flokkiFólk