Ljós­mynd­ar­inn Hjör­dís Eyþórs­dóttir gefur út sína fyrstu ljós­mynda­bók. Verkið „Put all o­ur Tr­ea­sures ­To­gether” er er verk um tíma­bil í lífi. Þar sem rót­leysi, ferða­lög, flakk og til­gangur lífs­ins eru meg­in­þem­að. Áhorf­and­inn er leiddur í gegnum ljós­myndir sem eru litlir fjár­sjóðir í hvers­dags­leik­an­um. 

„Hug­myndin laum­að­ist svo­lít­ið aftan að mér, ég var búin að vera að mynda lengi án þess að vera með hug­mynd um hvað ég ætti að gera við efn­ið. Þetta gerð­ist svo hægt og rólega að það má segja að verkið hafið orðið til án þess að ég fatt­aði það. Það var í raun ekki fyrr en ég var nýbúin að gera annað verk þar sem ég vann með safn (e. ­archi­ve) eða fundnar myndir að ég ákvað að kíkja með opnum hug á þessar svoköll­uðu til­gangs­lausu ljós­mynd­ir. Þá safn­aði ég þeim saman og horfði á þær einsog þær væru fundnar mynd­ir. Þaðan kemur svo hug­myndin um fjár­sjóð­inn, því eitt og sér er ein­hver mynd ekk­ert svaka­lega merki­leg en safnir þú þeim saman þá mynda þær í raun fjár­sjóð­inn sem lífið er þegar maður er bara að lifa venju­legu lífi. Ég sá í þessum myndum mjög aug­ljóst hvernig lífið mitt er búið að vera síð­ustu 3 ár, bæð­i jóð­rænt og mynd­rænt og þetta kom mér mjög á óvart. Þarna hafði verkið fengið að vaxa sam­síða líf­inu mínu - alltaf að bæt­ast í bunk­ann en eng­inn aug­ljós áfanga­stað­ur. Svo­lít­ið einsog líf­ið, við vitum ekk­ert hvert það leiðir okk­ur.“

Hjördís segir þema verks­ins vera það sem blasti við henni, eftir að hún skoð­aði mynd­irnar mik­ið  eftir á, þ.e. mikið rót­leysi, flakk og leit að ein­hverju sem sé ekki svo aug­ljóst. „Í raun er ég alls ekki að segja mína per­sónu­legu sögu með verk­inu, heldur er ég bara að sýna sögu af tíma­bili hver svo sem hún er og fólk gerir svo upp við sig hver sagan er. Það eru flestir sem hafa átt tíma­bil í líf­inu sínu þar sem áfanga­stað­ur­inn er óljós, ég er svo­lítið að vinna með það, að verða full­orðin og átta mig á mínum til­gangi í þessu lífi. Án þess að dæma leið­ina eða stjórna henni of mikið - ég sem höf­undur verks­ins er í raun að setja saman í bók með sögu sem ég fann eftir að allt efnið var nú þegar til stað­ar. 

Þetta er mitt fyrsta verk sem er svona gefið út og ég er mjög stressuð og spennt fyrir við­tök­un­um. Verkið er útskrift­ar­verk mitt úr Ljós­mynda­skól­anum en þar er megin áhersla lögð á að vinna með ljós­mynda­mið­il­inn á list­rænan hátt. Einnig var verkið valið sem eitt af 22 fram­úr­skar­andi útskrift­ar­verkum hjá Blurr­ing t­he Lines en þau hjá Blurr­ing t­he Lines eru með það mark­mið að gefa ungum lista­mönnum plat­form á alþjóð­legum vett­vangi og vekja athygli á því sem er að ger­ast í ljós­mynda­heim­inum í dag. Þá verður gefin út bók með öllum verk­efn­unum sem voru valin og þau kynnt á Paris Photo í París í nóv­em­ber.“

Hér er hægt að skoða og taka þátt í verk­efn­inu.