Pakkaði niður í tvo litla bakpoka og hélt á vit ævintýranna

Íris Ösp Heiðrúnardóttir segist lengi hafa verið heilluð af líkamanum, hreyfingu hans og formum og hefur hún nú fengið útrás fyrir þann áhuga í gegnum myndlist og iðkun á yoga.

Auglýsing
Íris Ösp Heiðrúnardóttir
Íris Ösp Heiðrúnardóttir

YOGER er spila­stokkur með 52 mis­mun­andi vatns­mál­uðum yoga­stöðum til heima- eða ferða­laga­æf­inga. Útskýr­ingar eru á hverju spili og nöfn á bæði sanskrit og íslensku. Spil­inu fylgja níu rútínur en mögu­leik­arnir eru enda­laus­ir. Íris Ösp Heiðrún­ar­dóttir hefur þróað og teiknað þennan nýja spila­stokk og safnar hún nú fyrir verk­efn­inu á Karolina­fund

Hvernig vakn­aði hug­myndin að verk­efn­inu?

Ég hef lengi verið heilluð af lík­am­an­um, hreyf­ingu hans og formum og hef fengið útrás fyrir þann áhuga minn í gegnum mynd­list og iðkun á yoga.

Í byrjun árs urðu smá breyt­ingar í lífi okkar Kaali, kærastans míns, og ákváðum við að taka þeim breyt­ingum fagn­andi með því að segja upp húsa­leig­unni, selja allt okkar haf­urta­sk, pakka niður í tvo litla hand­far­ang­urs­bak­poka og halda á vit ævin­týr­anna. Tveimur vikum seinna vorum við komin til Barcelona þar sem ég hóf loks­ins yoga­kenn­ara­nám sem hefur verið draumur í langan tíma. Við dvöldum í Barcelona í þrjá mán­uði og gerðum lítið annað en að iðka yoga og njóta þess að vera til. Þegar ég útskrif­að­ist í maí lá leiðin til Asíu til að læra enn meira um iðkun­ina, hug­mynd­ina á bak við yoga og trú­ar­brögðin sem fólk á til að blanda við iðkun­ina og hug­leiðslu.

Auglýsing


Við dvöldum meðal ann­ars í nokkra daga í Ashram í Indónesíu, þar sem við lærðum heil­mikið um hindúis­ma, hug­leiddum í marga tíma á dag og sungum mön­tr­ur. Með því að kynna mér bæði trú­ar­brögð­in, vest­rænu iðkun­ina og annað sem teng­ist yoga í þeirri stóru mynd sem það er, fannst mér ég loks­ins geta myndað mér mína eigin skoðun til að verða að þeim yoga­leið­bein­anda sem að mig langar að vera.

Yoga-tími með börnunum í Viet Hai þorpi í Víetnam Mynd: Aðsend

Þegar við komum til Víetnam gaf ég mér loks­ins tíma til að gramsa eftir vatns­máln­ing­unni neðst í bak­pok­an­um. Ég sett­ist niður í skjóli úti í grenj­andi rign­ingu og það eina sem komst niður á blað var yoga, ég er rosa mikið búin að vera með yoga á heil­anum allt þetta ár. 

Þegar ég kom heim til Íslands lang­aði mig að gefa mál­verk­unum frá Víetnam frekara líf og YOGER var það fyrsta sem mér datt í hug. Án þess að hugsa mig tvisvar um hófst ég handa við að mála fleiri stöður sem búa til alls konar rútín­ur. Ég vissi eig­in­lega ekki af mér fyrr en stöð­urnar voru til­búnar og ég búin að heim­sækja allar prent­smiðj­urnar á höf­uð­borg­ar­svæð­inu, skoða pakkn­ingar og alls­konar teg­undir af mis­gl­ans­andi papp­ír. Allt í einu er hug­myndin mín orðin að veru­leika. Yoga mynd­irnar sem ég vatns­mál­aði fá allar frekara líf á heim­ilum hér og þar og svona næ ég von­andi að kveikja áhuga fólks á yoga, hreyf­ingu og núvit­und.

Fyrsta útgáfa af spil­unum verður á íslensku en ég get von­andi gefið þau út á fleiri tungu­mál­um, til dæmis ensku og dönsku á næsta ári og jafn­vel fleiri yoga- og mynd­list­ar­tengd verk­efni.

Segðu okkur frá þema verk­efn­is­ins.

YOGERYOGER er í grunn­inn spila­stokkur með 52 spilum sem hægt er að spila með; jógerum, gos­um, drottn­ingum og kóng­um. Á hverju spili er ein­stök vatns­máluð yoga­staða og hnit­miðuð útskýr­ing um hverja stöðu fyrir sig. Ég hef útbúið níu rútínur sem fylgja spil­inu, hjarta spilin (í röð frá A-K) leggja til dæmis áherslu á öfugar stöð­ur, hjarta­stöð­ina og blóð­flæði. Spaða spilin leggja áherslu á styrk fyrir kvið­vöðva og læri. Tíg­ull á almennar styrkt­ar­stöð­ur, kvið og efri lík­ama og lauf á jafn­vægi og opnun á til­finn­inga­stöðv­ar. Hver staða leggur síðan áherslu á ákveðna eig­in­leika sem þekkja má af lit fatn­að­ar­ins á hverju korti fyrir sig en flestar stöður hafa fleiri en einn eig­in­leika.

Spilin eru örlítið stærri en almennur spila­stokkur en samt sem áður í þægi­legri stærð sem hægt er að taka með í ferða­lagið sem mig lang­aði að leggja áherslu á.

Hér er hægt að skoða og styrkja verk­efnið á Karol­ina Fund.

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Katrín Jakobsdóttir forsætisráðherra.
Engin lagaleg skilgreining til á orðinu kona
Samkvæmt svari frá forsætisráðherra þarf menningar- og viðskiptaráðherra sem „fer með málefni íslenskunnar“ að svara því hverjar orðsifjar nafnorðsins kona séu og hver málfræðileg merking orðsins sé.
Kjarninn 30. júní 2022
Lárus Blöndal, stjórnarformaður Bankasýslu ríkisins, og Jón Gunnar Jónsson, forstjóri stofnunarinnar.
Bankasýslan borgaði LOGOS 6,2 milljónir og lét Morgunblaðið fá upplýsingar fyrirfram
Bankasýslan sendi Morgunblaðinu einum fjölmiðla fyrirfram tilkynningu um að lögfræðilegur ráðgjafi hennar hefði komist að þeirri niðurstöðu að jafnræðis hafi verið gætt við sölu á hlut ríkisins í Íslandsbanka.
Kjarninn 30. júní 2022
Til þess að komast ferða sinna þurfa Íslendingar að borga 85 prósentum meira heldur en íbúar í löndum Evrópusambandsins gera að meðaltali.
Samgöngukostnaður hvergi hærri í Evrópu en á Íslandi
Norðurlöndin raða sér í efstu sæti á lista þeirra landa í Evrópu þar sem samgöngukostnaður er mestur. Verð á gistingu, mat, fötum og skóm er hærra hér á landi en víðast hvar annars staðar í álfunni.
Kjarninn 30. júní 2022
Ríkið þurfi að kortleggja á hverjum loftslagsskattarnir lenda
Upplýsingar liggja ekki fyrir í dag um það hvernig byrðar af loftslagssköttum dreifast um samfélagið. Í greinargerð frá Loftslagsráði segir að stjórnvöld þurfi að vinna slíka greiningu, vilji þau hafa yfirsýn yfir áhrif skattanna.
Kjarninn 30. júní 2022
Í frumdrögum að fyrstu lotu Borgarlínu var Suðurlandsbrautin teiknuð upp með þessum hætti. Umferðarskipulag götunnar er enn óútkljáð, og sannarlega ekki óumdeilt.
Borgarlínubreytingar á Suðurlandsbraut strjúka fasteignaeigendum öfugt
Nokkrir eigendur fasteigna við Suðurlandsbraut segja að það verði þeim til tjóns ef akreinum undir almenna umferð og bílastæðum við Suðurlandsbraut verði fækkað. Unnið er að deiliskipulagstillögum vegna Borgarlínu.
Kjarninn 30. júní 2022
Í austurvegi
Í austurvegi
Í austurvegi – Einlæg gjöf en smáræði 千里送鹅毛
Kjarninn 30. júní 2022
Úlfar Þormóðsson
Taglhnýtingar þétta raðirnar
Kjarninn 30. júní 2022
Viðbragðsaðilar og vegfarendur á vettvangi aðfaranótt sunnudags. 22 unglingar létust á Enyobeni-kránni.
Hvers vegna dóu börn á bar?
Meðvitundarlaus ungmenni á bar. Þannig hljómaði útkall til lögreglu í borginni East London í Suður-Afríku aðfaranótt sunnudags. Ýmsar sögur fóru á kreik. Var eitrað fyrir þeim? Og hvað í ósköpunum voru unglingar – börn – að gera á bar?
Kjarninn 30. júní 2022
Meira úr sama flokkiFólk