Talna­stuð er skemmti­legt og fal­legt spil fyrir börn þar sem ­leikur að tölum er í fyr­ir­rúmi. Hægt er að spila Talna­stuð á nokkra mis­mun­and­i ­vegu, leik­irnir eru ein­faldir og skemmti­legir og ættu að koma öllum í mik­ið talna­st­uð.

Hvernig vakn­aðu hug­myndin að verk­efn­inu?

„Við bjuggum til spil sem heit­ir Stafa­stuð árið 2016. Það er stafa­spil fyrir börn sem hægt er að spila á nokkra mis­mun­and­i ­vegu. Við fjár­mögn­uðum það á Karol­ina fund og mót­tök­urnar á því spili fóru langt fram úr okkar björt­ustu von­um. 

Það má segja að Talna­stuð sé eins­konar fram­hald af því nema nú snýst allt um töl­urn­ar. Við ætl­uðum að vera löngu búnar að gefa út Talna­stuð en svo flæk­ist lífið stundum fyrir mann­i þannig að ekki gafst tími til að fara í þetta verk­efni fyrr en núna. Bára sá um að ­búa til spilið og fram­kvæmd og Eyrún um mynd­skreyt­ingu og upp­setn­ingu. Spil­ið er skreytt ein­stak­lega fal­legum vatns­lita­mynd­um. Talna­stuð er því ekki aðeins ­skemmti­legt heldur gull­fal­legt lík­a.“

Segðu okkur frá þema verk­efn­is­ins?

„Þemað er að sjálf­sögðu töl­urn­ar. Það er hægt að spila Talna­stuð á nokkra mis­mun­and­i ­veg­u og því geta bæði börn sem eru að kynn­ast töl­unum og þau sem eru lengra komin spilað Talna­st­uð. Leik­irn­ir ­fel­ast m.a. í því að þekkja töl­urn­ar, að telja, vita hvort tala sé hærri eða lægri en önn­ur, ein­föld sam­lagn­ing, frá­dráttur o.fl.

Við lögðum umfram allt áherslu á að spilið væri skemmti­legt. Regl­urnar eru ekki skrif­aðar í stein og þær má beygja og sveigja að vild og aðlaga að leik­mönnum svo allir hafi gagn og gaman af. Við eigum börn á sama aldri, stelpu­hóp sem er búin að vera að prufa spilið fyrir okkur og einnig hafa vinir þeirra komið í spila­partý og allir hafa ­skemmt sér afar vel. Nú er enda­laust beðið um að spila Talna­stuð og við ­gætum varla hugsað okkur betri með­mæli en það.“

Hér er hægt að skoða verk­efnið og kaupa spil­ið.