Áshildur Hlín Val­týs­dóttir og Sól­veig Helga­dóttir eru ACC ­mark­þjálfar sem eiga það sam­eig­in­legt að hafa mik­inn áhuga á sjálfs­vinnu með ungu fólki, sér í lagi með styrk­leika­skoð­un. Þær hafa báðar umtals­verða reynslu af mark­þjálfun með þessum hóp og hafa nú gefið út ný styrk­leika­spil til að nýta í ein­stak­lings­mark­þjálfun, hópa­vinn­u og í raun hvers kyns vinnu með styrk­leika. Þær stöllur hafa sett upp­ Face­book ­síðu utan um verk­efn­ið, en safnað er fyrir útgáfu­kostn­aði á Karol­ina Fund.

Kjarn­inn hitti Áshildi og Sól­veigu og tók þær tali.

Hvernig vakn­aði hug­myndin að verk­efn­inu?

„Fyrir nokkrum árum, þegar við vorum að byrja að mark­þjálfa, vorum við með­ ­styrk­leika­spil sem okkur fannst svo sniðug og góð til að nýta í sam­tölum en gall­inn var að þau voru á ensku. Spilin voru lit­rík, með flottum myndum og við not­uðum þau oft ásamt öðrum ­spjöldum sem voru bara með orð­um, en engum mynd­um. Við tókum auð­vitað strax eftir því að ­mark­sækj­endur okkar vildu helst hafa spilin á íslensku og með mynd­um, þar sem myndir tala oft ­meira máli en orð. Við fórum að kasta á milli okkar hug­mynd­um, skoða fleiri stokka og ber­a ­sam­an, s.s. VI­A ­styrk­leika úr jákvæðu sál­fræð­inni og fleira. Í milli­tíð­inni frá því við settum upp­ ­fyrsta Excel skjalið og byrj­uðum að ræða þessi mál hafa íslensk styrk­leika­spil verið gefin út. 

Við sáum samt enn tæki­færi fyrir okkar hug­mynd, þar sem við leggjum áherslu á mynd­ræna ­upp­lifun, ásamt ein­fald­leika í orðum og orð­skýr­ing­um. Okkar mark­hópur er ungt fólk á grunn­skóla­stigi og ­upp­úr, en við höfum unnið með­ ­mark­sækj­endur allt niður í 8 ára ald­ur. Það er þó ekk­ert því til fyr­ir­stöðu að vinnu­staðir og ­sauma­klúbbar nýti þetta verk­færi til að opna á umræðu um styrk­leika. Mark­mið þessa verk­efn­is er ekki síður að auka orða­forða og umræðu í tengslum við þá, öll búum við yfir­ ­styrk­leik­um en þeir eru ekki alltaf eins sýni­legir og við höld­um.”

Segðu okkur frá þema verk­efn­is­ins?

„Þemað er ungt fólk og ­styrk­leik­ar. Við viljum sjá líf­lega og jákvæða umræðu um ­styrk­leika á meðal ungs fólks. Okkar draumur er að ungt fólk í dag vaxi úr grasi með sterka og ­með­vit­aða sjálfs­þekk­ingu og geti átt eðli­legt sam­tal um eigið ágæti án þess að virka sjálf­hverft í hugs­un. Við viljum búa í sam­fé­lagi þar sem ­styrk­leik­ar eru ræddir og með­tekn­ir. Vinna með­ ­spilin eykur sjálfs­vit­und, sem skilar sér í meira sjálfs­trausti og betri líðan þegar upp er stað­ið.

All­ir ­styrk­leik­ar eru mik­il­vægir - og þetta má und­ir­strika og feit­letra! - og við teljum að eina leiðin

til að sam­fé­lög sann­ar­lega blóm­stri sé með því að fagna og ýta undir að við ræktum þessa

eig­in­leika sem eru hverju og einu okkar svo mik­il­væg­ir.“

„Okkur langar að koma á fram­færi ein­lægu þakk­læti til þeirra sem sýnt hafa þessu

verk­efni áhuga og stuðn­ing. Frek­ari upp­lýs­ingar má nálg­ast á In­stagram undir #styrk­leika­spil og

á Face­book ­síðu verk­efn­is­ins: Vertu sjálf­fræð­ingur styrk­leika­spil, en þar munu á næstu vikum

safn­ast inn æfingar í hug­mynda­banka spil­anna.“

Hér er hægt að skoða verk­efnið nánar á Karol­ina Fund.