Helgi Þór Inga­son höf­undur og Hilmar Örn Agn­ars­son org­anisti og kór­stjóri Söng­fé­lags­ins

hafa tekið höndum saman og ætla að setja söng­leik­inn Galdur upp vorið 2020. Helgi Þór er

unn­andi söng­leikja og aðspurður telur hann að hug­myndin um að setja saman söng­leik hafi

kviknað eftir að hann sá Ves­al­ing­ana í Þjóð­leik­hús­inu vorið 1988.

Fyrstu lögin í Galdri urðu til nokkrum árum seinna og sögu­þráð­ur­inn byrj­aði að mót­ast í kringum alda­mót­in. „Söng­leikir snú­ast oft um ein­falda fléttu og átökin milli góðs og ills" segir Helgi Þór. „Þessi saga snýst öðrum þræði um það hve fljót við erum oft að hrapa að álykt­unum og dæma. Stundum verður ein­hvers­konar múgæs­ing í sam­fé­lag­inu og dóm­stóll göt­unnar getur verið býsna

grimmur".

Sagan ger­ist á síð­asta hluta 17. aldar og fléttan snýst að sögn Helga Þórs um að

stjórn­völd á þeim tíma vildu gjarnan að athygli lýðs­ins beind­ist ekki að erf­iðum kjörum

almúg­ans - og höfð­ingj­unum sem höfðu það gott á meðan alþýðan svalt - heldur að öðrum

óvin­i. Sum sé and­skot­an­um ­sjálfum sem tæki sér ból­festu í fólki og að eina ráðið í

bar­átt­unni við and­skot­ann væri að ráð­ast gegn hon­um, og senda hand­bendi hans á bál­ið.

Söng­fjelag­ið er kór undir stjórn Hilm­ars Arnar Agn­ars­son­ar. „Við erum 60 manna bland­aður

kór og okkur finnst gaman að stíga út fyrir þæg­ind­ara­mmann og taka þátt í óhefð­bundnum

verk­efn­um," segir Hilmar Örn.

Galdur verður einmitt vor­verk­efn­i ­Söng­fjelags­ins og verk­ið verður sett upp sem leik­lest­ur, með meg­in­á­herslu á flutn­ing tón­list­ar­inn­ar. Ýmsir fleiri mun­u ­taka þátt í þess­ari upp­færslu, meðal ann­arra þjóð­laga­hljóm­sveitin Kólga. Mik­il­vægur áfang­i ­náð­ist fyrir skemmstu þegar lett­neski útsetj­ar­inn Vikt­or­s ­Ritovs lauk við kórút­setn­ingar á tíu lögum í verk­inu.

Nú er búið að hleypa af stokk­unum hóp­fjár­mögn­unar­átaki á Karolina­fund til að fjár­magna upp­setn­ing­una, sem er umfangs­mikið verk­efni. Þeir sem styrkja fram­takið geta ­fengið allt frá miðum á sýn­ingu upp í kvöld­stund við flygil­inn á heim­ili höf­und­ar­ins, þar sem hann útskýrir hug­mynd­ina á bak­við verkið og leikur nokkur lög.

Þeir Hilmar Örn og Helgi Þór hlakka til kom­andi mán­aða í svið­setn­ingu og æfingum á Galdri. „Við ætlum að magna galdra­seið í vor," segja þeir félag­ar.

Hér er hægt að skoða og taka þátt í verk­efn­inu.