Hetja sem berst fyrir lítilmagnann

Jakob S. Jónsson fjallar um Aisha eftir Jesper Stein.

Auglýsing
Aisha

Jesper Stein kvaddi sér hljóðs á dönskum krimma- og lög­reglu­sagna­mark­aði með bók­inni Órói árið 2012 en fyrir hana fékk hann verð­laun Dönsku saka­mála­aka­dem­í­unnar fyrir bestu frumraun. Ári síðar kom önnur bókin í flokkn­um, Bye, bye, black­bird, og þvínæst sú þriðja, Akrash, árið 2014. Fjórða bókin er svo Ais­ha, sem kom út á frum­mál­inu – sem er sú fyrsta sem ratar fyrir augu íslenskra les­enda – en á eftir Aishu komu Papa (2017) og Solo (2018). Fari svo að Aisha öðlist vin­sældir íslenskra les­enda þarf ekki að hafa áhyggjur af því að Jesper Stein lumi ekki á fleiri spennu­sögum í poka­horni sínu.

Í sögum sínum teflir Stein fram lög­reglu­mann­inum Axel Steen sem á sér þegar komið er að Aishu nokkra for­sögu innan lög­regl­unn­ar. Fyrir nokkrum árum horfð­ist hann í augu við dauð­ann þegar hann tók þátt í meiri­háttar leyni­að­gerð lög­regl­unn­ar, hann er skadd­aður á lík­ama og sál eftir þá reynslu og dóttir hans ótt­ast um líf hans. Hann hefur auk þess neyðst til að flýja heim­ili sitt og á hann sækja alls kyns draugar for­tíðar þegar hann fær nú í hendur stór­feng­legt morð­mál sem leynir veru­lega á sér.

Fórn­ar­lambið í morð­máli er fyrr­ver­andi leyni­þjón­ustu­maður í hryðju­verka­deild leyni­þjón­ustu dönsku lög­regl­unnar – og auk þess sann­kall­aður kvenna­bósi. Axel vinnur að lausn máls­ins undir stjórn nýs yfir­manns, sem leggur fæð á hann auk þess sem hann hefur fengið nýjan sam­starfs­mann innan lög­regl­unn­ar, en hvor­ugt verður til að auð­velda Axel að vinna að lausn máls­ins. Hann vill auk þess fara nokkuð óhefð­bundna leið að lausn­inni, sem vekur litla hrifn­ingu þeirra sem næst honum standa og verður bæði til að valda Axel skaða – en reyn­ist líka lyk­ill­inn að lausn­inni. Sú lausn er reyndar hættu­leg vissum sam­fé­lags­öflum og Axel karl­inn þarf að berj­ast á mörgum víg­stöðvum þegar árekstrar verða milli rann­sókn­ar­innar og einka­lífs hans og hann mætir meiri mót­stöðu innan lög­regl­unnar en hann átti von á.

Auglýsing

Skemmst frá að segja tekst Jesper Stein að skrifa ákaf­lega spenn­andi, svo ekki sé sagt æsi­lega frá­sögn, sem heldur les­and­anum föngnum frá upp­hafi til enda. Axel Steen er marg­brot­inn karakt­er, vel sam­inn af höf­undi, sem gerir frá­sögn­ina lif­andi og trú­verð­uga. Þar sakar örugg­lega ekki að Jesper Stein á að baki blaða­manns­feril þar sem hann skrif­aði m.a. um lög­reglu­mál, enda bera öll atriði sög­unnar þar sem sagt er frá störfum lög­regl­unnar vitni um þekk­ingu og inn­sæi, sem spillir ekki fyrir spenn­unni.

Jesper Stein Mynd: Aðsend



Sagan byrjar sem morð­saga – morðið að vísu óvana­lega hrotta­legt og við­ur­styggi­legt – en þegar á líður verður ljóst að rann­sókn­ar­hags­munir stang­ast á við hags­muni sterkra og valda­mik­illa sam­fé­lags­afla og sagan þró­ast yfir í að verða pólítískur spennu­tryllir þar sem velt er upp mik­il­vægum spurn­ingum um sið­ferði og sið­fræði, eðli stjórn­mála og sér­hags­muna og hvar það fer sam­an. Í því ljós­inu er Aisha saga sem ger­ist bein­línis í okkar veru­leika og nútíma og þótt sögu­sviðið sé Kaup­manna­höfn er varpað fram áleitnum spurn­ingum sem við getum fyrr en varir átt von á að bregði fyrir í Kveik eða Kjarn­an­um. Heið­ar­leg ofur­hetja sem gerir allt til að ná fram rétt­læti fyrir fórn­ar­lömb glæps spyr ekki um sögu­svið.

Ólafur Arn­ar­son bregður Aishu í íslenskan bún­ing og ferst það vel úr hendi, stíll­inn er lipur og hraður sem hæfir sögu þar sem máli skiptir að les­anda sé haldið við efn­ið.

Sem fyrr segir má búast við að fleiri sögur um lög­reglu­mann­inn Axel Steen rati í hendur íslenskra les­enda; kvik­mynda­réttur fyrir fyrstu sög­urnar þrjár hefur verið seldur kvik­mynda­fé­lagi og Jesper Stein hefur hlotið fjölda verð­launa auk frumrauna­verð­launa; Solo, sjötta sagan í bóka­röð­inni, hlaut Har­ald Mog­en­sen verð­laun Hinnar Dönsku Glæpa­sagna­aka­dem­íu, árið 2015 hlaut Jesper Stein Dan Thurell orð­una fyrir bóka­flokk­inn sem slík­an, árið síðar hlotn­að­ist honum verð­laun danskra bók­sala, Gullni lár­við­ur­inn fyrir Aishu og enn ári síðar hlaut Jesper Stein Mart­ha-verð­laun­in, sem eru verð­laun sem veitt eru þeim sem flest atkvæði hljóta hjá dönskum les­end­um.



Það má því búast við nokkrum svefn­lausum nóttum í félags­skap Axel Steen, enda er auð­velt að heill­ast af hetjum sem berj­ast fyrir rétt­læti lít­il­magn­ans.



Við þurfum á þínu framlagi að halda

Þú getur tekið beinan þátt í að halda úti öflugum fjölmiðli.

Við sem vinnum á ritstjórn Kjarnans viljum hvetja þig til að vera með okkur í liði og leggja okkar góða fjölmiðli til mánaðarlegt framlag svo við getum haldið áfram að vinna fyrir lesendur, fyrir fólkið í landinu.

Kjarninn varð níu ára í sumar. Þegar hann hóf að taka við frjálsum framlögum þá varð slagorðið „Frjáls fjölmiðill fyrir andvirði kaffibolla“ til og lesendur voru hvattir til að leggja fram í það minnsta upphæð eins kaffibolla á mánuði.

Mikið vatn hefur runnið til sjávar á þeim níu árum sem Kjarninn hefur lifað. Í huga okkar á Kjarnanum hefur þörfin fyrir fjölmiðla sem veita raunverulegt aðhald og taka hlutverk sitt alvarlega aukist til muna.

Við trúum því að Kjarninn skipti máli fyrir samfélagið.

Við trúum því að sjálfstæð og vönduð blaðamennska skipti máli.

Ef þú trúir því sama þá endilega hugsaðu hvort Kjarninn er ekki allavega nokkurra kaffibolla virði á mánuði.

Vertu með okkur í liði. Þitt framlag skiptir máli.

Ritstjórn Kjarnans: Sunna Ósk Logadóttir, Þórður Snær Júlíusson, Erla María Markúsdóttir, Arnar Þór Ingólfsson, Eyrún Magnúsdóttir og Grétar Þór Sigurðsson.


Já takk, ég vil styrkja Kjarnann!
Vilhjálmur Birgisson, formaður Starfsgreinsambands Íslands.
Vörn Vilhjálms: „Dapur að sjá fólk sem ég taldi vini stinga mig í bakið“
„Ef fólk heldur að það sé auðvelt að semja við Halldór Benjamín og hans fólk þá veður fólk villu vegar,“ segir Vilhjálmur Birgisson, formaður Starfsgreinasambandsins sem svarar fullum hálsi gagnrýni formanns Eflingar á nýjan samning við SA.
Kjarninn 4. desember 2022
Spilamiðstöð sem eflir félagsleg tengsl og sköpunarkraft
Framkvæmdaglaðir Norðlendingar safna fyrir rekstri spilasalarins Goblin á Akureyri þar sem þau vilja bjóða upp á aðstöðu fyrir skapandi spilamennsku þar sem lögð er áhersla á skjálausa skemmtun.
Kjarninn 4. desember 2022
Signý Sigurðardóttir
Vinnumarkaður hins sterka
Kjarninn 4. desember 2022
Fólk sem ann Siglunesi
Áfram Siglunes – ævintýrið er þarna úti!
Kjarninn 4. desember 2022
Stefán Jón Hafstein
Árásin á vistkerfin
Kjarninn 4. desember 2022
Sigurður Ingi Friðleifsson, sviðsstjóri loftslagsmála, orkuskipta og nýsköpunar hjá Orkustofnun
Loftslagsmarkmið Íslands nást með „norsku leiðinni“
Markmið um samdrátt í losun frá vegasamgöngum á Íslandi nást ef við förum sömu leið og Norðmenn þegar kemur að rafbílavæðingu. „Við státum okkur af silfurverðlaunum, sem ég er orðinn hundleiður á,“ segir sviðsstjóri loftslagsmála hjá Orkustofnun.
Kjarninn 4. desember 2022
Fjölskyldustund í uppnámi?
Í 31 ár hafa danskar fjölskyldur sest saman við sjónvarpið á föstudagskvöldum og horft á dagskrárliðinn Disney Sjov og borðað vikuskammtinn af sælgæti. Nú hverfa Disney myndirnar af skjánum en nýr þáttur kemur í staðinn. Ekki eru allir jafn spenntir.
Kjarninn 4. desember 2022
Frá undirritun samninganna í dag.
Samningar SGS og SA í höfn: Kauptaxtar hækka um að lágmarki 35 þúsund
Kauptaxtar hækka frá 1. nóvember í ár um að lágmarki 35.000 krónur á mánuði. Hagvaxtarauka sem átti að koma til greiðslu 1. maí verður flýtt. Samningar hafa náðst milli Starfsgreinasambandsins og Samtaka atvinnulífsins.
Kjarninn 3. desember 2022
Meira úr sama flokkiFólk