Jóhanna Seljan gefur út Seljan

Lítið þekkt tónlistarkona á fertugasta og öðru aldursári safnar fyrir útgáfu fyrstu plötu sinnar með eigin efni á Karolina Fund.

seljanmynd.jpg
Auglýsing

Jóhanna Seljan Þóroddsdóttir sat með kaffibolla við eldhúsborðið á heimili sínu á Reyðarfirði að morgunlagi snemma árs í fyrra og spurði sjálfa sig nokkurra hreinskilinna spurninga. Á lítið þekkt tónlistarkona á fertugasta og öðru aldursári að ráðast í að gefa út plötu með sínu eigin efni? Hefur téð kona eitthvað sérstakt fram að færa? Þorir hún að taka þennan slag? Á meðan kaffið kólnaði í bollanum var spurningunum svarað játandi og ákvörðunin tekin. Árið 2020 skyldi koma út plata og Jóhanna valdi að safna fé til útgáfunnar á Karolina Fund.  

Hvernig kviknaði hugmyndin að plötunni?

„Hugmyndin kviknaði fyrst árið 2007. Þá hafði ég verið að semja texta árum saman og var farin að semja lög líka. Full af eldmóði hljóðritaði ég tökulag með eigin texta í janúar 2008. Ég var staðráðin í að halda áfram að taka upp og gefa út plötu en líf mitt tók miklum stakkaskiptum þetta ár og næstu árin sem á eftir fylgdu. 

Auglýsing
Ég var þó alltaf á kafi í tónlist, dugleg að koma fram og hélt áfram að semja. Árið 2016 fór ég að finna fyrir gríðarlega mikilli þrá til að koma efninu mínu frá mér og sú tilfinning ágerðist þar til ég tók ákvörðun um að mín fyrsta sólóplata, Seljan, kæmi út árið 2020.“

Segðu okkur frá þema plötunnar?

„Textarnir á Seljan fjalla um mannlega hegðun og tilfinningar á borð við einmanaleikann, ástina, eftirsjá og þá staðreynd að við erum öll bara mannleg, með þeim kostum og göllum sem því fylgir. Lögin sjálf eru frekar fjölbreytt og á plötunni er hægt að finna bræðing af blús, djass og rokki.“

Hvernig hefur undirbúningsferlið gengið?

„Það hefur verið bæði skemmtilegt og krefjandi. Að semja texta og koma honum niður á blað er eitthvað sem er mér frekar eðlislægt. En það sama á ekki við um lögin þar sem ég spila ekki á hljóðfæri og les illa nótur. Ég þarf því að hafa mikið fyrir að koma lögunum úr kollinum á mér og yfir á það form sem hljóðfæraleikarar geta lesið. Ég er afar lánsöm að þekkja dásamlegt fólk sem hefur gott tóneyra og mikla þolinmæði sem kemur sér vel þegar ég reyni að útskýra hljómana sem mig langar til að nota án þess að geta sagt hvað þeir heita. Þessi takmörkun mín styrkir bara sjálfsbjargarhvötina og gerir mig ennþá einbeittari í að semja lög. Stærsta hindrunin sem ég þurfti að takast á við var hræðsla mín við að vera berskjölduð. Það er eitt að standa uppi á sviði og syngja annara manna lög, allt annar handleggur að syngja eigið efni þegar maður er alsendis óvanur því. En ég elska að syngja, koma fram og skapa og sú löngun og þrá er margfalt sterkari en allur ótti. Ég hlakka ólýsanlega mikið til þegar platan kemur út í haust, þá má líka segja að rúmlega 12 ára ferli sé lokið og stórum áfanga náð.“

Hér er hægt að skoða og styrkja verkefnið.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Þorgerður Katrín Gunnarsdóttir, formaður Viðreisnar, í forystusætinu á RÚV í gærkvöldi.
Það liggur ekki fyrir hvort Ísland geti gert tvíhliða samning til að tengja krónu við evru
Staðreyndavakt Kjarnans skoðar fullyrðingu Þorgerðar Katrínar Gunnarsdóttur um það sé mögulegt fyrir Ísland að gera samkomulag við Seðlabanka Evrópu um að tengja krónuna við evru.
Kjarninn 23. september 2021
Sigríður Ólafsdóttir
Draumastarf og búseta – hvernig fer það saman?
Kjarninn 23. september 2021
Árni Stefán Árnason
Dýravernd: Í aðdraganda kosninganna er blóðmeraiðnaðurinn svarti blettur búfjáreldis – Hluti II
Kjarninn 23. september 2021
Segist hafa reynt að komast að því hvað konan vildi í gegnum tengilið – „Við náðum aldrei að ræða við hana“
Fyrrverandi formaður KSÍ segir að sambandið hafi frétt af meintu kynferðisbroti landsliðsmanna í gegnum samfélagsmiðla. Formleg ábending hafi aldrei borist.
Kjarninn 23. september 2021
Bjarni Benediktsson, fjármála- og efnahagsráðherra og formaður Sjálfstæðisflokksins, og Katrín Jakobsdóttir, forsætisráðherra og formaður Vinstri grænna.
Fleiri kjósendur Sjálfstæðisflokks vilja Katrínu sem forsætisráðherra en Bjarna
Alls segjast 45,2 prósent kjósenda Sjálfstæðisflokksins að þeir vilji fá formann Vinstri grænna til að leiða þá ríkisstjórn sem mynduð verður eftir kosningar.
Kjarninn 23. september 2021
Hugarvilla að Ísland sé miðja heimsins
Þau Baldur, Kristrún og Gylfi spjölluðu um Evrópustefnu stjórnvalda í hlaðvarpsþættinum Völundarhús utanríkismála.
Kjarninn 23. september 2021
Völundarhús utanríkismála Íslands
Völundarhús utanríkismála Íslands
Völundarhús utanríkismála Íslands – Þáttur 4: Byggir Evrópustefna íslenskra stjórnvalda á áfallastjórnun?
Kjarninn 23. september 2021
Rósa Björk Brynjólfsdóttir
Kosningarnar núna snúast um loftslagsmál
Kjarninn 23. september 2021
Meira úr sama flokkiFólk