Hlín Magn­ús­dóttir er kenn­ari af lífi og sál. Síð­ustu fimm ár hefur hún starfað sem sér­kenn­ari í Norð­linga­skóla, þar sem hún hefur lagt mikla áherslu á fjöl­breytt og áhuga­hvetj­andi náms­efni.

Hún heldur úti náms­sam­fé­lag­inu Fjöl­breyttar kennslu­að­ferðir fyrir fjöruga krakka á Face­book en þar deilir hún bæði hug­myndum og náms­efni sem hún hannar sjálf, til ann­arra kenn­ara og ­for­eldra. Í haust tekur hún til starfa í Helga­fells­skóla sem deild­ar­stjóri stoð­þjón­ustu, bæði á leik- og grunn­skóla­stigi. Hægt er að fylgj­ast með Hlín í leik og starfi á sam­fé­lags­miðl­u­m undir nafn­inu Fjöl­breytt kennsla.

„Ég læri að lesa“ er flokkur lestr­ar­hefta sem þjálfar und­ir­stöðu­at­riði lest­urs em Hlín hefur skrif­að. ­Flokk­ur­inn inni­heldur fjögur mis­mun­andi hefti sem leggja áherslu á hljóð bók­stafanna, að kenna börnum að tengja saman tvö hljóð, kenna þeim að lesa stutt orð og stuttar setn­ing­ar, ásamt því að vinna með orða­forða. 

Hún safnar nú fyrir útgáfu heft­ana á Karol­ina fund. 

Hvernig vakn­aði hug­myndin að verk­efn­inu?

„Í starf­inu mínu sem sér­kenn­ari þá er stór hluti starfs­ins að aðstoða börn með lestr­ar­vanda að ein­hverju tagi. Hug­myndin að þess­ari bók kvikn­aði þegar ég tók eftir því að oft á tíðum þeg­ar ­nem­end­urnir lásu ákveðna hljóða­klasa þá tengdu þeir alltaf við orð sem þeir þekktu .. t.d. lí –lí – lí - alveg eins og lím . Ég greip þessa hugsun þeirra og bjó til hefti þar sem hljóða­klasarn­ir voru alltaf tengdir við eitt­hvað sem þeir þekktu og ég sá strax góðan árangur í lestr­ar­nám­in­u. Þessi hefti hafa svo aðeins stækkað og eru núna orðin að fjórum lestr­ar­bók­um.“

Segðu okkur frá þema verk­efn­is­ins?

„Þema verk­efn­is­ins er áhuga­hvetj­andi, ein­falt og skemmti­legt lestr­ar­nám. Bæk­urnar eru sett­ar ­upp á ein­faldan hátt, þær eru með fjöl­breytnum verk­efn­um, skemmti­legum og lit­rík­um ­myndum og orðum sem börn þekkja.

Hugmyndafræðin á bak­við ­upp­setn­ingu bókanna er sú að börn læra að allir bók­stafir eiga sín hljóð, og orð eru sett saman úr hljóðum bók­staf­anna. Nem­endur tengja hljóðin bæði við orð og myndir af hlutum sem þau þekkja úr sínu eigin umhverf­i. Röð bók­staf­anna í heft­unum er sú sama og oft er notuð þegar stafainn­lögn fer fram í grunn­skól­um. Bók­stafirnir eru því ekki kynntir í staf­rófs­röð, heldur í röð sem auð­veld­ar­ orða­mynd­un. Orðin í text­anum eru ein­ungis sett saman af þeim bók­stöfum sem hafa ver­ið ­form­lega kynntir í heft­inu, t.d. kemur orðið kál ekki fyrir í text­anum fyrr en búið er að kynna ­bók­staf­ina K – Á – L

Lagðir eru inn tveir til fjórir bók­stafir í einu, næst kemur verk­efna­blað með orða­súpu og eyðu­fyll­ing­um, þar skrifa nem­endur orð og einnig eru stuttar æfingar sem þjálfa hljóð­kerf­is­vit­und.“

Hér er hægt að styrkja og skoða verk­efnið á vef Karol­ina fund.

Það er einnig að hægt nálg­ast upp­lýs­ingar um það á heima­síðu fjöl­breyttrar kennslu eða á Face­book og Instagram.