Hall­dóra Björg­vins­dóttir er 22 ára áhuga­kona um fata­hönn­un. Hún vill gefa gömlum og not­uðum fötum nýjan til­gang með því að breyta þeim í ný föt. Fata­iðn­að­ur­inn er ein mest meng­and­i at­vinnu­grein heims. Jarð­ar­búar fleygja um 13 millj­ónum tonna af fatn­aði á hverju ári og þess vegna vill Hall­dóra leggja sitt af mörkum í að bæta umhverfið og end­ur­vinna gömul föt sem fólk hefur los­að ­sig við. 

Hún hefur nú stofnað Karol­ina fund verk­efni. Mark­miðið er að stofna net­verslun með fötum sem hún­ hefur saumað en nú safnar hún fyrir betri sauma­bún­aði.

Halldóra segir að hug­myndin að verk­efn­inu hafi kviknað í fyrra­haust, þegar hún lá í veik­indum sem ollu því að hún var mikið rúm­liggj­andi og gat lítið gert. „Þeg­ar mér byrj­aði að batna fór ég að reyna að finna mér við­ráð­an­leg verk­efni og byrj­aði þá að æfa mig á sauma­vél­ina hennar mömmu. Þannig byrj­aði þetta, síðan þá hef ég ekki getað hætt að sauma og er alltaf að reyna að finna mér ný sauma­verk­efni. Ég hef virki­lega fundið mína hillu og elska að nýta ­gam­alt drasl og breyta því í eitt­hvað flott.“­skemmti­leg­t.“

Hún seg­ist ekki þola að horfa á ónotuð föt uppi í hillu og að hún gæti alltaf ímyndað sér eitt­hvað nýtt og flott­ara ­sem væri hægt að breyta þeim í. „Ég fók­usa á föt sem fara fólki vel, ég er ekki mikið fyrir föt sem hanga utan á mér eins og lufs­ur.“

Því sé þemað í vinnu hennar að það sé engin flík eins, enda er eng­inn fjölda­fram­leiðsla í gang­i hjá Hall­dóru. „Hver og ein flík er ein­stök af því að ég geri hverja og eina flík úr öðrum flíkum sem ég fæ gef­ins og hef tak­markað magn af hverju og einu efni. Það er það sem gerir þetta verk­efni mjög skap­andi og ­skemmti­leg­t.“

Hér er hægt að styðja við söfn­un­ina.