María Vikt­or­ía, Vala Yates og Elena Arn­gríms­dóttir eru þrjár ungar konur sem hafa fetað mis­mun­andi slóðir til þess að við­halda eigin heil­brigði. Þær hafa sett saman sjálf­styrk­ing­ar­nám­skeið fyrir ung­linga með jóga og tón­list. María og Vala settu saman tón­list­ina en Elena setti saman jógað sem sam­anstendur af hug­leiðslu og önd­un. Safnað er fyrir nám­skeið­inu á Karol­ina Fund. 

María segir að hug­myndin að verk­efn­inu hafi kviknað þegar hún var í mark­þjálfa­námi hjá Evol­via 2020. „Eitt loka­verk­efnið í okkar námi var að kynna vöru, alvöru eða ímynd­un, og selja hópn­um. Ég fyllt­ist eld­móði og mundi eftir lang­þráðum draumi mínum sem var að halda sjálf­styrk­ing­ar­nám­skeið. Þetta hafði verið draumur frá 2016 og ég nú læt hann loks­ins verða að veru­leika með góðum vin­kon­um, Elenu og Völu, sem deila sama draumi! Í nám­inu náði ég ein­stak­lega mikið að tengj­ast mínum eigin kjarna, gildum og til­gangi og langar að gefa það áfram. Ég var svo heppin að finna þær því að þær geta bætt sínum gjöfum við sem gerir nám­skeiðið mun rík­ara.“

Aðspurð hvert þema verk­efn­is­ins sé þá segir María að það mætti segja að það væri að tengj­ast sínum innra sann­asta sjálfi og efla vellíðan í leið­inni. „Það verða ýmsar leiðir farnar að því eins og könnun á lífs­gild­um, draum­um, styrk­leika­vinna, sjálfs­ást, núvit­und og sjálfs­sam­þykki. Einnig munum við fá rými til að deila okkar sýn og sann­leika með öðr­um.“

Það sé mik­il­vægt vegna þess að allir eigi það skil­ið að fá að vera þeir sjálfir, vera ham­ingju­samir og líða vel í eigin skinni. „Við höfum allar lært þessi tæki og tól sem að eru áhrifa­rík og umbreyt­andi. Okkur finnst allir eiga það skilið að njóta góðs af þeim og ekki síst unga kyn­slóð­in.“

Hægt er að skoða og styðja við verk­efnið hér.