Stuttmyndin DÓTTIR er „ástarbréf til Íslands“

Sofia Novakova, leik- og kvikmyndagerðarkona frá Slóvakíu, er þessa dagana að taka upp stuttmyndina DÓTTIR hér á landi. Safnað er fyrir útgáfu myndarinnar á Karolina Fund.

DÓTTIR er stuttmynd um ást, þráhyggju og brotna sjálfsmynd.
DÓTTIR er stuttmynd um ást, þráhyggju og brotna sjálfsmynd.
Auglýsing

Sofia Novakova, leik- og kvik­mynda­gerð­ar­kona frá Slóvakíu sem hefur meðal ann­ars komið fram í þátt­unum Van Hels­ing á Net­flix og Carn­iwal Row á Amazon Pri­me, er þessa dag­ana búsett á Íslandi í þeim til­gangi að taka upp stutt­mynd­ina DÓTT­IR, sem fjallar um ást, þrá­hyggju og brotna sjálfs­mynd.

Sagan og hand­ritið er eftir Sofiu sjálfa sem einnig leikur í mynd­inni ásamt íslensku leikkon­unni Rakel Ýr Stef­áns­dótt­ur. Safnað er fyrir kostn­aði við mynd­ina á Karol­ina Fund.

Hér að neðan segir Sofia ögn frá mynd­inni og ástæðum þess að hún er stödd hér á landi að fram­leiða mynd­ina.

Sofia Novakova, leik- og kvikmyndagerðarkona. Mynd: Aðsend

Hvernig kvikn­aði hug­myndin að verk­efn­inu?

„DÓTTIR er um sjálfs­mynd og ég hef alltaf verið að reyna að finna sjálfa mig, alltaf verið í þessum til­vistar­pæl­ing­um. Ég held að sjálfs­myndin sé okkur öllum mik­il­væg, sér­stak­lega þegar hún mót­ast af erf­iðri æsku eða geð­rösk­un­um. Aðeins með því að horfast í augu við okkur sjálf, sjálfs­mynd okk­ar, getum við raun­veru­lega lært og orðið betri mann­eskj­ur. Ég gekk lengi með þessa hug­mynd. Þegar ég kom svo fyrst til Íslands fyrir fjórum árum féll ég í stafi yfir feg­urð og dulúð lands­ins. Ég vissi strax að hér vildi ég búa kvik­mynd­ina til.“

Auglýsing

Sofia segir að myndi fjalli um unga konu að nafni Leah sem kemur til Íslands eftir erfið sam­bands­slit.

„Hér kynn­ist hún manni sem er í miklu ójafn­vægi og þjá­ist af geð­hvörf­um. Milli þeirra verða miklir árekstrar en á sama tíma sjá þau sig spegl­ast hvort í öðru og að lokum setur mað­ur­inn henni afar­kosti. Ást, þrá­hyggja, and­leg heilsa, ein­angrun og ein­semd eru stef sem koma fyr­ir. Það má segja að þetta sé saga þar sem Fríða og dýrið mæta Dr. Jekyll og herra Hyde. Þetta er ást­ar­bréf til Íslands. Þetta er allt. DÓTTIR er mjög per­sónu­legt verk en á sama tíma snertir það alla.“

Vefur mynd­ar­innar á Karol­ina Fund

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Meira úr sama flokkiFólk