Kamm­eróperan er nýstofnað tón­list­ar­fé­lag á Íslandi. Mark­mið Kamm­eróp­er­unnar er að skapa vett­vang fyrir smærri óperu­verk­efni, gera upp­lifun áhorf­enda óform­legri en tíðkast hefur og óperu aðgengi­legri. Stofn­endur Kamm­eróp­er­unnar eru Egg­ert Reg­inn Kjart­ans­son ten­ór, Jóna G. Kol­brún­ar­dóttir sópran, Kristín Sveins­dóttir mezzó­sópran, Unn­steinn Árna­son bassi. Þau byrj­uðu ung að koma fram saman í Lang­holts­kirkju undir stjórn Jóns Stef­áns­sonar og síðan lá leið þeirra allra til Vín­ar­borgar í söng­nám. Nú eru þau öll búsett hér­lendis eftir nám og vilja þau taka virkan þátt í að efla óperu­list­formið á Ísland­i. 

Jóna segir að hug­myndin að verk­efn­inu hafi kviknað vegna þess að hóp­ur­inn vildi gera óper­una aðgengi­lega fyrir Íslend­inga. „Okkur lang­aði til að brjóta upp klass­íska formið þar sem áhorf­endur sitja í þrjár klukku­stundir og reyna sitt besta að halda þræð­inum í óperu sem er á fram­andi tungu­máli. Þess vegna ætlum við flytja þetta meist­ara­verk í íslenskri  þýð­ingu og einnig stytta verkið örlítið svo áheyr­endur geti notið sýn­ing­ar­innar til fulls. Hug­myndin að bjóða fólki í óperu­kvöld­verð kom svo í fram­hald­ið. Öll erum við miklir mat­gæð­ingar og hugs­uðum með okkur hvort það væri ekki skemmti­legt að bæta í upp­lifun­ina með þriggja rétta mál­tíð sem við svo tvinnum inn í sýn­ing­una sjálfa. Þegar hug­myndin var komin þá datt okkur eng­inn staður annar í hug en Iðnó. Passar full­kom­lega við stemn­ing­una sem við viljum mynda og skemmti­legt að syngja og leika í svona miklu návígi við áheyr­end­ur. Við ákváðum að Cosi fan tutte eftir Moz­art væri hin full­komna ópera fyrir þetta verk­efni. Sögu­þráður óper­unnar er bæði léttur og skemmti­legur og þó drama­tíkin sé vissu­lega til staðar í óper­unni þá er hún full af húmor. Tón­listin er snilld­ar­lega samin og hentar afar vel fyrir unga söngv­ara.“

Tíma­vél sem flytur áhorf­endur til Reykja­víkur í byrjun 20. aldar

Hún segir ekk­ert þema ein­kenna verk­efnið utan þess að óperu­flutn­ingur er í for­grunni. Fólk megi búast við skemmti­legri og eft­ir­minni­legri óperu­upp­lifun fyrir gesti. „Þegar áheyr­endur mæta í Iðnó stíga þau inn í tíma­vél sem flytur þau til Reykja­víkur í byrjun 20. ald­ar. Flytj­endur eru í hlut­verkum stað­ar­hald­ara Iðnó, þjóna til borðs og leika í kringum áheyr­endur sem njóta mat­ar, drykkj­ar, söngs og hljóð­færa­leiks fram eftir kvöld­i.“

Fyrir þá sem eru ókunnir verk­inu þá er Così fan tutte ein þekktasta og vin­sælasta ópera Moz­arts. Óperan fjallar um tvo vini, Gugli­elmo og Ferrando sem fara í veð­mál við Don Alfonso sem er eldri og þyk­ist vitr­ari. Don Alfonso telur að allar konur séu ótrú­ar, eða að allar konur séu eins (líkt og tit­ill­inn, Cosi fan tutte, gefur til kynna). Þeir ákveða að dul­búa sig og sanna það fyrir Don Alfonso að þeirra kærustur Fior­diligi og Dora­bella séu vissu­lega trúar sama hvað. Þetta hefur í för með sér skemmti­lega og fyndna atburða­rás sem endar með ósköp­um. 

Vilja láta óperu­list­formið blómstra

Að sögn Jónu er um að ræða fyrsta stóra verk­efnið sem Kamm­eróperan skipu­leggur og mikil spenna er hjá hópnum vegna þessa. „Við von­umst til að sjá sem flesta á sýn­ing­unum 26. og 27. októ­ber og er þetta kjörin sýn­ing bæði fyrir óperu­unn­endur en einnig fyrir þá sem aldrei hafa farið á óperu.

Við viljum láta óperu­list­formið blómstra enn frekar hér­lend­is. Stétt óperu­söngv­ara hefur staðið í ströngu und­an­farin ár og er þá enn mik­il­væg­ara að skapa verk­efni sem bæði vekur áhuga fólks á óperum en einnig sem veitir klass­ískum söngv­urum tekjur í sinni starfs­grein. “

Þeir sem koma að sýn­ing­unni eru Bjarni Thor Krist­ins­son sem leik­stýrir henni og Gísli Jóhann Grét­ars­son er hljóm­sveit­ar­stjóri. Söngv­arar eru Unn­steinn Árna­son sem Gugli­elmo, Egg­ert Reg­inn Kjart­ans­son sem Ferrando, Kristín Sveins­dóttir sem Dora­bella, Lilja Guð­munds­dóttir sem Fior­diligi, Jón Svavar Jós­efs­son sem Don Alfonso og Jóna sýngur sjálf hlut­verk Despinu.

Hægt er að styrkja verk­efnið hér.