Nýir búvöru­samn­ingar skaða bæði hags­muni bænda og neyt­enda, verði þeir sam­þykktir af Alþingi óbreytt­ir. Nauð­syn­legt sé að taka þá til gagn­gerrar end­ur­skoð­unar til að tryggja almanna­hags­muni. Verið er að taka enn stærra skref í að und­an­þyggja mjólkur­iðn­að­inn frá sam­keppn­is­lög­um. Þetta er mat Sam­keppn­is­eft­ir­lits­ins í umsögn sem send var atvinnu­vega­nefnd Alþingis á mánu­dag og RÚV greinir frá. 

Sig­urður Ingi Jóhanns­son, þáver­andi sjáv­ar­út­vegs- og land­bún­að­ar­ráð­herra, skrif­aði undir samn­ing­ana í vet­ur, en þeir hlutu ekki afgreiðslu Alþingis fyrir sum­ar­frí. Stefnt er að því að afgreiða þá í haust, fyrir kosn­ing­ar. 

Sam­keppn­is­eft­ir­litið segir í umsögn sinni að raunar virð­ist ljós að ef frum­varpið verði óbreytt að lögum muni það koma í veg fyrir eða tak­marka beit­ingu banns á mis­notkun á mark­aðs­ráð­andi stöðu gagn­vart afurða­stöðvum í mjólkur­iðn­aði. Þá virð­ast þær sér­reglur sem settar eru um mark­aðs­ráð­andi afurð­ar­stöðvar skapa keppi­nautum og neyt­endum jafn­framt minni vernd heldur en núgild­andi lög. 

Þá spyr Sam­keppn­is­eft­ir­litið jafn­framt Alþingi hvort það sé reiðu­búið að sam­þykkja sér­reglur um Mjólk­ur­sam­söl­una áður en rann­sókn á fyr­ir­tæk­inu vegna hugs­an­legs brots á banni við mis­notkun á mark­aðs­ráð­andi stöðu sé lok­ið.