Rúss­neskir tölvu­hakk­ar­ar, undir við­ur­nefn­inu Fancy Bear­s, komust yfir gögn um lyfja­inn­töku banda­rískra íþrótta­manna á Ólymp­íu­leik­unum í Ríó í Bras­il­íu, og segja í opin­berun sinni að gögnin sýni ótví­rætt að „­banda­rískir íþrótta­menn kom­ist upp með að svind­la“. 

Alþjóða­lega lyfja­eft­ir­litið (WA­DA) hefur harð­lega gagn­rýnt tölvu­inn­brotið og birt­ing­una á gögn­un­um. Jafn­framt segir eft­ir­litið í yfir­lýs­ingu, sem vitnað er til í umfjöllun breska rík­is­út­varps­ins BBC, að það sé ekki til þess fallið að auka traust á rúss­neskum yfir­völdum og íþrótta­hreyf­ing­unni í Rúss­landi, en eins og kunn­ugt er þá var fjöl­mörgum rúss­neskum íþrótta­mönn­um ­meinað að keppa í Ríó eftir að upp komst um kerf­is­bundið lyfja­mis­ferli í rúss­nesku íþrótta­hreyf­ing­unni, sem stjórn­völd þar í landi vissu um og ­skipu­lögðu.

Ekki voru þó allir rúss­neskir íþrótta­menn þátt­tak­endur í mis­ferl­inu.

Í gögn­unum sem rúss­nesku hakk­ar­arnir komust yfir segir með­al­ ann­ars að sumir banda­rísku íþrótta­mann­anna, þar á meðal fim­leika­drottn­ing­in Simone Biles tenn­is­kon­urnar og Ser­ana og Venus Willi­am, hafi neitt ólög­legra lyfja en kom­ist upp með það, þar sem það hafi verið sam­þykkt. Í gögn­unum kem­ur einnig skýrt fram, að íþrótta­menn­irnir hafi farið eftir regl­um, og notkun lyfja hafi verið í sam­ræmi við lækn­is­ráð á hverjum tíma.

Biles tjáir sig um málið á Twitt­er-­síðu sinni, og seg­ist þurfa á lyfjum að halda vegna þess að hún sé með ADHD og hafi tekið inn lyf­ ­sökum þess frá því hún var krakki. Hún ítrekar síðan að hún hafi ekk­ert rang­t ­gert og styðji heið­ar­lega fram­göngu í íþróttum í hví­vetna. Það sama hafa ­for­svars­menn íþrótta­hreyf­ing­ar­innar í Banda­ríkj­unum gert, og segja tölvu­árás­ina og birt­ing­una á gögn­un­um, undir því yfir­skini að íþrótta­fólkið hafi sýnt af sér­ ó­heið­ar­leika, vera „heig­uls­hátt“ af verstu sort.

Tra­vis Tygart, yfir­maður lyfja­eft­ir­lits­ins í Banda­ríkj­un­um, ­segir að íþrótta­fólkið hafi gert allt eðli­lega og heið­ar­lega, og að lyfja­inntakan hafi verið í fullu sam­ræmi við lög og regl­ur.

Stjórn­völd í Rúss­landi hafa alfarið neitað því að hafa ver­ið viðrin tölvu­inn­brot­ið. Dmi­try Peskov, tals­maður stjórn­valda í Kreml, sagð­i á­sak­anir um að rúss­nesk stjórn­völd hafi komið að inn­brot­inu verða fjar­stæðu­kenndar og í engu sam­ræmi við veru­leik­ann. Leita yrði annað eft­ir ­skýr­ingum á þessum athöfnum glæpa­manna en hjá stjórn­völdum í Rúss­landi.