Fast­eigna­verð hefur haldið áfram að hækka á árinu og er það nú 12,1 pró­sent hærra fyrir ári og tólf mán­aða hækk­un þess hefur mælst yfir 5 pró­sent nán­ast sam­fleytt í 2½ ár. Þetta kemur fram í Fjár­mála­stöð­ug­leika, riti Seðla­banka Íslands. 

Í inn­gangi rits­ins segir Arnór Sig­hvats­son, aðstoð­ar­seðla­banka­stjóri, að verð­fall gæti orðið á eignum um leið og það kemur slaki í þjóða­bú­skap­inn. „Gangi spár um áfram­hald­and­i hækkun eftir aukast líkur á verð­falli síðar komi bakslag í efna­hags­líf­ið,“ segir í inn­gang­in­um.

Flestar spár gera ráð fyrir um 20 pró­sent hækkun fast­eigna­verðs fram á árið 2018, en tölu­verð vöntun hefur verið á litlum og með­al­stórum eignum miðað við eft­ir­spurn­ina.

Árs­hækk­un raun­verðs atvinnu­hús­næðis á höf­uð­borg­ar­svæð­inu var enn meiri en íbúð­ar­hús­næð­is, eða 14,3 pró­sent á öðrum árs­fjórð­ungi og hefur verið yfir níu pró­sent í rúm tvö ár, að því er segir í fjár­mála­stöð­ug­leika.

Raun­verð ­í­búð­ar­hús­næðis er enn hæst mið­svæðis í Reykja­vík en und­an­far­ið hefur það hækkað hrað­ast í hverfum lengra frá mið­borg­inn­i. Frá árinu 2010 hefur íbúða­verð innan Hring­braut­ar, í Vest­ur­bæ og Hlíðum í Reykja­vík hækkað um fimm­tíu pró­sent að raun­virði og er nú um fimm pró­sent lægra en það reis hæst í lok árs 2007. 

Í öðrum hverf­um höf­uð­borg­ar­svæð­is­ins hefur raun­verð íbúða hækkað um 37 pró­sent að jafn­aði á sama tíma. Raun­hækkun íbúða­verðs mið­svæð­is stafar að miklu leyti af því að íbúðir þar fengu „ný og verð­mæt­ari not í útleigu til ferða­manna“, segir í fjár­mála­stöð­ug­leika.

Sam­kvæmt vef Air­bnb eru um þrjú þús­und eignir í útleigu í Reykja­vík, og lang­flestar í mið­borg­inni. Þessi miklu umsvif útleigu til ferða­manna má rekja til mik­illar vaxt­ar­ins í ferða­þjón­ustu sem hefur verið und­an­farin miss­eri.

Í rit­inu segir enn fremur að eft­ir­spurn eftir stærri og dýr­ari eignum hafi auk­ist nokkuð upp á síðkast­ið. „Und­an­farið hefur eft­ir­spurn aukist eftir nýju eða stærra hús­næði sem rekja má til við­var­andi hag­vaxt­ar og eftir litlum íbúðum í ódýr­ari hverf­um, sem m.a. má rekja til fólks­fjölg­un­ar. Íbúð­ar­hús­næði mið­svæði í Reykja­vík er í auknum mæli nýtt sem gisti­heim­ili fyrir ferða­menn. Fram­boð ­í­búð­ar­hús­næðis hefur því dreg­ist saman sem því nemur og eft­ir­spurn eftir íbúð­ar­hús­næði á öðrum svæðum hefur auk­ist. Við­var­andi hag­vöxtur og fólks­flutn­ingar til lands­ins stuðla einnig að frek­ari hækkun fast­eigna­verðs. Hærra verð leiðir jafnan til­ ­auk­ins fram­boðs og sveiflan demp­ast með tím­an­um, en þá þarf að mæta eft­ir­spurn­inni með upp­bygg­ing­u,“ segir í rit­inu.