Amazon boðar byltingu í verslun

Amazon kynnti í gær nýja tækni við verslun sem talið er að muni umbylta verslunargeiranum. Fólk mun geta labbað inn, náð í vöruna og farið síðan út án þess að fara að kassanum eða í biðröð.

Amazon-Fresh.jpg
Auglýsing

Hluta­bréf í net­versl­un­ar- og tækniris­anum Amazon hækk­uðu um 2,57 pró­sent í gær eftir að félagið kynnti nýja tækni sem inn­leidd verður í búðir á vegum fyr­ir­tæk­is­ins á fyrri hluta næsta árs. Með tækn­inni, sem kölluð er Amazon go, getur fólk gengið inn í versl­un­ina, fundið vör­urnar sem það leitar að og farið út úr búð­inni án þess að fara að afgreiðslu­kassa eða bíða í bið­röð. Eina sem þarf að snjall­sími og hug­bún­aður í hann. 

Í byrjun næsta árs verður fyrsta búðin sem verður sér­hæfð með þessum hætti opnuð í mið­borg Seattle þar sem Amazon er með höf­uð­stöðvar sín­ar. Mark­aðsvirði Amazon hefur vaxið hratt á und­an­förnu ári og nemur það nú 360,9 millj­örðum Banda­ríkja­dala, eða sem nemur um 45 þús­und millj­örðum króna. 

Auglýsing


Þessi nýja tækni er talin geta haft mikil áhrif á versl­un­ar­geir­ann í Banda­ríkj­unum en sam­kvæmt umfjöllun Seattle Times starfa um 3,5 millj­ónir manna við afgreiðslu­störf í versl­un­um. Nái þessi nýja tækni Amazon að festa rætur á mark­aðnum gæti það haft í för með sér erf­ið­leika og aukið atvinnu­leysi hjá fólki sem starfar í versl­un­ar­geir­an­um. Hag­kvæmnin í rekstr­inum eykst hins vegar veru­lega og þæg­indin fyrir við­skipta­vini sömu­leið­is.

Amazon hyggst sækja enn frekar fram á versl­un­ar­mark­aði sam­hliða vexti í net­verslun þar sem fyr­ir­tækið er leið­andi á heims­vísu. Í Banda­ríkj­unum sækir stærsti vinnu­veit­andi Banda­ríkj­anna, Wal­Mart, á í net­versl­un­inni en það fyr­ir­tæki er lang­sam­lega stærsti versl­un­ar­rek­andi í Banda­ríkj­unum en árlegar tekjur þess nema tæp­lega 500 millj­örðum Banda­ríkja­dala árlega. 

Wall Street Journal greindi frá því í gær að Amazon væri með í und­ir­bún­ingi að opna um tvö þús­und versl­an­ir, af ýmsu tagi, þar sem ný tækni er notuð til að auð­velda fólki að versla. 



Meira úr sama flokkiErlent
None