#sjávarútvegur#kjaradeilur

Lög á verkfall sjómanna voru tilbúin í ráðuneytinu

Sjávarútvegsráðherra var tilbúin með lagasetningu á verkfall sjómanna áður en kjaradeila þeirra við útvegsmenn leystist í nótt. Afstaða ríkisins í deilunni er fordæmisgefandi fyrir kjaradeilur annara stétta.

Þorgerður Katrín Gunnarsdóttir, sjávarútvegs- og landbúnaðarráðherra.
Þorgerður Katrín Gunnarsdóttir, sjávarútvegs- og landbúnaðarráðherra.

„Ég get alveg við­ur­kennt það að ég var til­búin með lög­in,“ segir Þor­gerður Katrín Gunn­ars­dótt­ir, sjáv­ar­út­vegs- og land­bún­að­ar­ráð­herra, um kjara­deilu sjó­manna og útgerð­ar­manna sem leyst­ist í nótt. Þor­gerður Katrín var í síma­sam­tali í Viku­lok­unum á Rás 1 í hádeg­inu.

Spurð hvort hún hafi hótað deilu­að­ilum í kjara­deil­unni með laga­setn­ingu segir Þor­gerður Katrín ekki svo hafa ver­ið. Deilu­að­ilar hafi hins vegar vitað að hún hafi verið til­búin með laga­setn­ing­una ef að höggva þyrfti á hnút­inn. Ráð­herra hitti samn­inga­nefndir beggja aðila í gær­kvöldi og lagði til mála­miðl­un­ar­til­lögu sem sjó­mönnum og útgerð­ar­mönnum þótti ganga of skammt.

Það lá því á fyrir báða aðila að ná samn­ingum í nótt til þess að leysa deil­una án aðkomu rík­is­ins. Það var og gert og það sam­þykkt að ríkið skyldi ekki hafa neina aðkomu að nýjum samn­ing­um.

Auglýsing

Þor­gerður Katrín seg­ist hafa verið búin að ræða það í rík­is­stjórn, á fundi á föstu­dag, að það gæti komið til þess að lög yrðu sett á verk­fall­ið. Hún seg­ist vera fegin að ekki hafi komið til þess og að aðilar deil­unnar hafi getað leyst ágrein­ing­inn án aðkomu rík­is­ins.

„Þetta eru mik­il­væg skila­boð inn í aðrar kjara­deil­ur,“ segir Þor­gerður Katrín. „Deilu­að­ilar geta klárað svona.“ Hún bendir á að þarna hafi það sann­ast að ríkið þurfi ekki að hafa aðkomu í erf­iðar kjara­deilur og að það eigi að líta á hegðan stjórn­valda í þess­ari deilu sem for­dæmi fyrir þær kjara­við­ræður sem fyr­ir­hug­aðar eru. „Ríkið mun ekki stíga inn í deil­ur.“

Þor­gerður Katrín segir að ríkið geti hins vegar komið að almennum kjara­deilum með almennum aðgerð­um. Hún seg­ist hins vegar vera ósam­mála því að ríkið eigi að beita sér­tækum aðgerðum í kjara­deil­um.

Bene­dikt Jóhann­es­son fjár­mála­ráð­herra fagnar því að ekki hafi komið til þess að ríkið stigi inn í kjara­deil­una. „Það eru frá­­­bærar fréttir að samn­ingar hafi tekist,“ skrifar Bene­dikt á Face­­book-­­síðu sína í morg­un. „[E]kki síst að ríkið hafi ekki þurft að koma að samn­ing­un­­um. Þor­­gerður Katrín stóð sig eins og hetja, en það er eng­inn vafi á því að hennar afstaða markar tíma­­mót í deilum á vinn­u­­mark­aði. Samn­ingar eiga að vera á kostnað vinn­u­veit­enda en ekki rík­­is­ins. Til ham­ingju sjó­­menn, útgerð­­ar­­menn og Þor­­gerð­­ur!“

Viltu styrkja sjálfstæða íslenska fjölmiðlun?
Lesendur Kjarnans geta kosið að greiða fast mánaðarlegt framlag til fjölmiðilsins til að efla starfsemi hans enn frekar. Markmiðið er upplýstari, gagnrýnni og málefnalegri umræða. Hjálpið okkur við að ná því markmiði með því að ganga til liðs við Kjarnasamfélagið.
Meira úr sama flokkiInnlent
None