Fjögur atriði af erlendum vettvangi helgarinnar

Donald Trump er aftur kominn í kosningaham, hvað gerðist í Svíþjóð?, vopnahlé í Úkraínu og óvissan með NATO.

Netverjar hafa varpað upp hinum ýmsu myndum af því hvernig landamæraveggur Donalds Trump muni líta út. IKEA-útgáfan verður að teljast vera ólíklegur kostur en kómísk er hún. Og praktísk.
Netverjar hafa varpað upp hinum ýmsu myndum af því hvernig landamæraveggur Donalds Trump muni líta út. IKEA-útgáfan verður að teljast vera ólíklegur kostur en kómísk er hún. Og praktísk.
Auglýsing

Fjögur atriði standa upp úr í erlendum fréttum þessa helg­ina. Það ætti engan að undra að Don­ald Trump Banda­ríkja­for­seti er upp­spretta flestra þeirra frétta sem bár­ust um helg­ina. Heim­ur­inn snýst hins vegar ekki aðeins um hann, þó virð­ist vera hans eigin skiln­ingur á ver­öld­inni.

Í Rúss­landi hafa stjórn­völd lýst yfir vopna­hléi í Úkra­ínu, í Írak hefur her­inn haf­ist handa við að end­ur­heimta stjórn á Mosúl í norð­an­verðu land­inu frá Íslamska rík­inu og í sinni fyrstu opin­beru heim­sókn til Evr­ópu ákvað Mike Pence, vara­for­seti Banda­ríkj­anna, að draga stuðn­ing Banda­ríkj­anna við NATO enn frekar í efa.

Kosn­inga­fundur Don­alds Trump í Flór­ída

Síðan Don­ald Trump varð for­seti hefur hann ekki eytt einni helgi í Hvíta hús­inu, mörgum í Was­hington til mik­illar furðu. Hann hefur kosið að dvelja á hinum stöðum í eigin eigu og slaka á eða sinna starf­inu það­an. Þessa vik­una er hann í Flór­ída-­ríki.

Til þess að reyna að rétta af hrak­farir sínar und­an­far­inna daga hélt hann stóran fund í Mel­bo­urne í Flór­ída sem hafði öll ein­kenni kosn­inga­bar­áttufund­ar. Fund­ur­inn er eins furðu­legur og þessir fundir ger­ast, og í stað þess að færa rök fyrir gerðum sínum bætti Trump í og fór með allskyns fleip­ur.

Sjón er sögu rík­ari.



Auglýsing


Hvað gerð­ist eig­in­lega í Sví­þjóð?

Eitt þeirra atriða sem mikið hefur verið gert úr á sam­fé­lags­miðlum um helg­ina eru orð Banda­ríkja­for­seta um Sví­þjóð en svo virð­ist vera að hann haldi að þar hafi orðið hryðju­verka­árás á föstu­dags­kvöld, í það minnsta talar hann um ótil­greinda atburði í Sví­þjóð í sömu andrá og hann nefnir staði þar sem hryðju­verk hafa verið framin síð­ustu miss­eri.



Net­verjar hafa klórað sér í hausnum vegna þessa. Margar kenn­ingar hafa komið fram, hver annarri fárán­legri. Ein­hverjir hafa velt því upp hvort Trump hafi átt við Melodi­festivalen, und­ankeppni Eurovision þar í landi sem var sjón­varpað á föstu­dag­inn. Enn aðrir hafa gert að því skóna að IKEA hafi verið fengið til þess að byggja vegg­inn á landa­mærum Banda­ríkj­anna við Mexíkó.







Vopna­hlé í Úkra­ínu

Sergei Lavrov, utan­rík­is­ráð­herra Rúss­lands, kynnti áform um að vopna­hléi verði komið á í Úkra­ínu og að það muni hefj­ast á mánu­dag. Lavrov var við­staddur fund utan­rík­is­ráð­herra Úkra­ínu, Þýska­lands og Frakk­lands í München um helg­ina þar sem vopna­hléið var ákveð­ið.

Rússar hafa stutt við bakið á upp­reisn­ar­mönnum í borg­ara­stríð­inu í Úkra­ínu sem staðið hefur síðan 2013. Upp­reisn­ar­menn hafa haldið stórum svæðum í aust­ur­hluta lands­ins með hjálp Rússa, sem nýttu sér ringul­reið­ina og upp­lausn­ina í Úkra­ínu og inn­lim­uðu Krím­skaga árið 2014. Vest­ur­lönd, meðal ann­ars Ísland, hafa beitt Rússa við­skipta­þving­unum vegna þessa.

Þetta skref Rússa nú talið vera til þess að sýna Vest­ur­löndum að Rússar vilji vinna með en ekki á móti nágrönnum sínum og um leið fá við­skipta­bann­inu hnekkt.

Pence dýpkar gjána

Evr­ópu­ríkin í Atl­ants­hafs­banda­lag­inu (NATO) hafa ekki fengið skýr svör um stefnu banda­rískra stjórn­valda eftir að Don­ald Trump tók við emb­ætti fyrir mán­uði síð­an. Trump tal­aði mikið um NATO-­sam­starfið í kosn­inga­bar­áttu sinni en hefur dregið úr gíf­ur­yrðum und­an­farna mán­uði. Eftir standa hin banda­lags­rík­in, engu nær um hver stefna Banda­ríkj­anna er.

Á fundi utan­rík­is­ráð­herra Evr­ópu­ríkja í München í gær var Mike Pence, vara­for­seti Banda­ríkj­anna, staddur og ávarp­aði hann sam­kom­una. Án þess að fara ítar­lega í málið þá dýpkaði hann frekar gjána sem mynd­ast hefur milli ríkj­anna beggja vegna Atl­ants­hafs­ins.

Pence fór með sömu rullu og yfir­maður hans hefur áður farið með og ítrek­aði að Banda­ríkin myndu ganga harðar eftir því að aðild­ar­ríkin að NATO myndu borga sinn skerf í banda­lag­ið.

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Kristrún í formannsframboð: „Samfylkingin þarf að ná virkari tengingu við venjulegt fólk“
Kristrún Frostadóttir ætlar sér að verða næsti formaður Samfylkingarinnar. Hún ætlar að leggja áherslu á kjarnamál jafnaðarmanna, jákvæða pólitík, meiri samkennd og minni einstaklingshyggju. „Ég veit að það er hægt að stjórna landinu betur.“
Kjarninn 19. ágúst 2022
Í könnuninni var spurt hvaða verkalýðsleiðtoga fólk treysti helst til að leiða ASÍ. Auk þessara fjögurra var nafn Kristjáns Þórðar Snæbjarnarsonar á listanum.
Reykvíkingar, háskólamenntaðir og kjósendur Vinstri grænna báru mest traust til Drífu
Drífa Snædal naut mests trausts kjósenda allra flokka nema Sósíalistaflokks Íslands til þess að leiða Alþýðusamband áfram næstu tvö árin, samkvæmt niðurstöðum nýlegrar könnunar sem Gallup var falið að framkvæma.
Kjarninn 19. ágúst 2022
Tæknivarpið
Tæknivarpið
Tæknivarpið - Húðtóna heyrnartól frá Kardashian
Kjarninn 19. ágúst 2022
Tæknivarpið
Tæknivarpið
Tæknivarpið – Nýr íslenskur „banki“
Kjarninn 19. ágúst 2022
Sjúklingar þurfa ekki að eiga snjallsíma til að nýta sér þjónustu Uber Health.
Uber haslar sér völl í heilbrigðisþjónustu
Ástralskir læknar geta nú bókað akstur fyrir sjúklinga sína á læknastofur og sjúkrahús hjá farveitunni Uber. Margir hafa lýst yfir efasemdum um að fyrirtækinu sé treystandi fyrir heilbrigðisupplýsingum fólks.
Kjarninn 19. ágúst 2022
Björk um Katrínu Jakobsdóttur: „Hún hefur ekki gert neitt fyrir umhverfið“
Þekktasta tónlistarkona Íslandssögunnar segir að forsætisráðherra hafi gert sig fokreiða árið 2019 með því að draga sig út úr því að lýsa yfir neyðarástandi í loftslagsmálum með henni og Gretu Thunberg.
Kjarninn 19. ágúst 2022
Þorsteinn Víglundsson
Vinnumarkaður í úlfakreppu
Kjarninn 19. ágúst 2022
Kristrún Frostadóttir, þingmaður Samfylkingarinnar.
Kristrún boðar til fundar– Telur að Samfylkingin geti náð aftur vopnum sínum
Kristrún Frostadóttir mun tilkynna um framboð sitt til formann Samfylkingarinnar á fundi í dag. Þar ætlar hún að segja frá því hvernig hún telur að endurvekja megi „von og trú fólks á að það sé hægt að breyta og reka samfélagið okkar betur.“
Kjarninn 19. ágúst 2022
Meira úr sama flokkiErlent
None