47,6% vilja annað hvort Vinstri græn eða Sjálfstæðisflokkinn

Nýjasta kosningaspáin sýnir að Vinstri græn eru vinsælust, Sjálfstæðisflokkur næst vinsælastur og að Samfylkingin er þriðja stærsta stjórnmálaaflið.

Nærri því helmingur kjósenda íhugar að kjósa annað hvort Vinstri græna, flokk Katrínar Jakobsdóttur, eða Sjálfstæðisflokkinn, flokk Bjarna Benediktssonar.
Nærri því helmingur kjósenda íhugar að kjósa annað hvort Vinstri græna, flokk Katrínar Jakobsdóttur, eða Sjálfstæðisflokkinn, flokk Bjarna Benediktssonar.
Auglýsing

Nærri því helm­ingur kjós­enda ætlar að greiða annað hvort Vinstri grænum eða Sjálf­stæð­is­flokknum atkvæði sitt í Alþing­is­kosn­ing­unum 28. októ­ber næst­kom­andi. Nýjasta kosn­inga­spáin mælir Vinstri græn enn sem vin­sælasta fram­boðið í kosn­ing­unum með 26,2 pró­sent fylgi.

Sjálf­stæð­is­flokk­ur­inn mælist með stuðn­ing 21,4 pró­sent kjós­enda í dag, litlu minna en hann var með í kosn­inga­spánni 7. októ­ber síð­ast­lið­inn. Kosn­inga­spáin er unnin af Baldri Héð­ins­syni stærð­fræð­ingi í sam­vinnu við Kjarn­ann í aðdrag­anda kosn­ing­anna. Hægt er að leas nánar um kosn­inga­spána í kosn­inga­mið­stöð Kjarn­ans.

Þrjár kann­anir eru hafðar til grund­vallar nýj­ustu kosn­inga­spánni og fá þær allar svipað vægi. Það hefur vakið athygli að könnun Frétta­blaðs­ins sem birt var í morgun sýndi allt aðra nið­ur­stöðu en könnun MMR sem birt var síð­deg­is. Það má eflaust að miklu leyti skýra með því að benda á mis­mun­andi aðferða­fræði við gerð kann­ana. Könnun Frétta­blaðs­ins var gerð á einum degi, og 804 svör­uðu könn­un­inni. Könnun MMR var gerð á lengri tíma, dag­ana 6. til 11. októ­ber.

Kosn­inga­spáin vigtar nið­ur­stöður þess­ara kann­ana í takt við aðferða­fræð­ina sem býr að baki könn­un­unum og miðar við sögu­lega nákvæmni könn­un­ar­að­ila sam­an­borið við úrslit kosn­inga hverju sinni. Fylg­is­sveifl­urnar í kosn­inga­spánni eru þess vegna ekki eins dramat­ískar og í nið­ur­stöðum ein­stakra kann­ana, en gefa skýr­ari mynd af þróun fylg­is­sveifl­anna.

Stjórn­ar­flokk­arnir tapa enn

Þeir þrír flokkar sem starfað hafa með Sjálf­stæð­is­flokknum í rík­is­stjórn á und­an­förnum árum tapa mestu fylgi í kosn­inga­spánni í ár. Fram­sókn­ar­flokk­ur­inn starf­aði með Sjálf­stæð­is­flokknum í rík­is­stjórn á árunum 2013-2016. Flokk­ur­inn mælist nú með aðeins 5,9 pró­sent fylgi.

Auglýsing

Við­reisn og Björt fram­tíð hafa svo starfað með Sjálf­stæð­is­flokknum í Stjórn­ar­ráð­inu und­an­farna mán­uði. Björt fram­tíð mælist nú með 3,4 pró­sent fylgi og Við­reisn með 3,3 pró­sent.

Á sama tíma hafa nýju stjórn­mála­öflin Mið­flokk­ur­inn og Flokkur fólks­ins ítrekað fengið meiri stuðn­ing í könn­unum en sam­starfs­flokkar Sjálf­stæð­is­flokks­ins. Mið­flokk­ur­inn hefur enn ekki gefið út stefnu­skrá en mælist samt sem áður með 9,8 pró­sent stuðn­ing. Flokkur fólks­ins mælist nú með 7,4 pró­sent.

Sam­fylk­ingin sækir enn í sig veðrið og er nú með stuðn­ing 11,1 pró­sent kjós­enda miðað við kosn­inga­spána. Píratar halda áfram að tapa fylgi og eru með 9,9 pró­sent fylgi.

Kosn­inga­spáin var raunar gerð tvisvar í dag, fyrst var hún upp­færð í takt við nýj­ustu könnun Frétta­blaðs­ins og Stöðvar 2 sem birt var í Frétta­blað­inu í morg­un. MMR birti svo könnun sína síð­degis og þá var kosn­inga­spáin gerð aftur með nýj­ustu gögn­un­um.

Í línu­rit­inu hér að ofan er staðan í kosn­inga­spánni í dag merkt tvisvar, en dag­setn­ing fyrri útgáf­unnar merkt 10. októ­ber til þess að gera fram­setn­ingu gagn­anna skýr­ari.

Nánar má lesa um fram­kvæmd kosn­inga­spár­innar í kosn­inga­mið­stöð Kjarn­ans eða á vef Bald­urs Héð­ins­son­ar kosn­inga­spá.is. Þar má einnig lesa í þing­sæta­spána, þar sem líkur á því hvort fram­bjóð­endur nái kjöri eða ekki eru reikn­að­ar.

Þær kann­anir sem kosn­inga­spáin byggir á 11. októ­ber 2017 eru:

  • Skoð­ana­könnun MMR 26. – 28. sept­em­ber (vægi 36,3%)
  • Skoð­ana­kann­anir Frétta­blaðs­ins, Stöðvar 2 og Vísis 2-3. okt og 10. okt (vægi 34,3%)
  • Þjóð­mála­könnun Félags­vís­inda­stofn­unar HÍ fyrir Morg­un­blaðið 2. – 6. októ­ber (vægi 29,4%)
Niðurstöður kosningaspár 11. október 2017
Kosningaspáin var gerð síðdegis 11. október 2017. Tvær kannanir birtust í dag, frá Fréttablaðinu og MMR.
Þróun fylgis stjórnmálaflokka í kosningaspánni
Fylgi flokka miðað við kosningaspána frá og með 30. ágúst 2017.
B C D F M P S V Aðrir

Kanntu vel við Kjarnann?

Frjáls framlög lesenda eru mikilvægur þáttur í rekstri Kjarnans. Þau gera okkur kleift að halda áfram að taka þátt í umræðunni á vitrænan hátt og greina kjarnann frá hisminu fyrir lesendur. 

Kjarninn er fjölmiðill sem leggur sig fram við að upplýsa og skýra út það sem á sér stað í samfélaginu með áherslu á gæði og dýpt. 

Okkar tryggð er aðeins við lesendur. Við erum skuldbundin ykkur og værum þakklát ef þið vilduð vera með í að gera Kjarnann enn sterkari. 

Ef þú kannt vel við það efni sem þú lest á Kjarnanum viljum við hvetja þig til að styrkja okkur. Þinn styrkur er okkar styrkur.

Já takk, ég vil styrkja Kjarnann!
Þorsteinn Már stígur til hliðar sem forstjóri Samherja
Þorsteinn Már Baldvinsson hefur ákveðið að stíga til hliðar sem forstjóri Samherja á meðan að rannsókn á viðskiptaháttum fyrirtækisins í Namibíu og víðar stendur yfir. Björgólfur Jóhannesson tekur við.
Kjarninn 14. nóvember 2019
Farið fram á að rannsóknarnefnd verði skipuð um fjárfestingarleiðina
Þrír stjórnmálaflokkar leggja til að skipuð verði rannsóknarnefnd um fjárfestingarleið Seðlabanka Íslands. Hún á að greina hvaðan þeir tugir milljarðar króna sem færðir voru inn í landið í gegnum hana komu og opinbera hverjir fengu að nýta sér leiðina.
Kjarninn 14. nóvember 2019
Gunnar Hólmsteinn Ársælsson
Fiskar sá sem rær
Kjarninn 14. nóvember 2019
Miðflokkurinn fékk 81 milljón króna í ríkisframlög
Miðflokkurinn er búinn að hreinsa upp skuldir sem hann stofnaði til þegar hann tók þátt í þingkosningunum 2017. Eigið fé flokksins fór úr því að vera verulega neikvætt 2017 í að vera jákvætt í fyrra, að uppistöðu vegna ríkisframlaga.
Kjarninn 14. nóvember 2019
Skúli í Subway ákærður ásamt samstarfsmönnum
Ákæran byggir á því að millifærslur af reikningum félags, í aðdraganda gjaldþrots þess, hafi rýrt virði félagsins og kröfuhafa þess.
Kjarninn 13. nóvember 2019
Guðlaugur Þór: Ekki gott fyrir orðspor Íslands erlendis
Afhjúpandi umfjöllun Kveiks á RÚV, sem byggir á 30 þúsund skjölum sem Wikileaks hefur birt, hefur dregið mikinn dilk á eftir sér.
Kjarninn 13. nóvember 2019
SFS: Alvarlegar ásakanir og allir verða að fara að lögum
Samtök fyrirtækja í sjávarútvegi segja að það sé sjálfsögð krafa að öll fyrirtæki fari að lögum.
Kjarninn 13. nóvember 2019
Eimskip lækkaði um tæp fimm prósent – Samherji stærsti hluthafinn
Félög í Kauphöllinni þar sem Samherji er stór hluthafi lækkuðu í virði í dag.
Kjarninn 13. nóvember 2019
Meira úr sama flokkiInnlent