Andri Snær Magna­son, rit­höf­undur og fyrr­ver­andi for­seta­fram­bjóð­andi, segir orku­fyr­ir­tækin beita almenn­ingi fyrir sig í við­leitni þeirra til að afla orku fyrir stór­iðju. Þetta segir Andri í stöðu­upp­færslu á Face­book þar sem hann fjallar um fyr­ir­hug­aða virkjun Hvalár í Árnes­hreppi.

­Fyrir sveit­ar­stjórn­ar­kosn­ing­arnar um helg­ina var mikið tek­ist á um þessi virkj­un­ar­á­form og þannig fór að allir fimm hrepps­nefnd­ar­full­trú­arnir eru virkj­un­ar­sinn­ar. Því má búast við að áformin muni ganga eftir í ekki fjar­lægri fram­tíð.

Andri Snær segir 95 pró­sent orku­fram­leiðslu á Íslandi seld til kís­il­vera, álvera og nú hafi bitcoin bæst við sem fárán­leg orku­só­un. Þrátt fyrir þetta sjá­ist orku­fyr­ir­tækin ítrekað beita almenn­ingi fyrir sig, orku­þörf, orku­skorti eða öðru í við­leitni fyr­ir­tækja til að afla orku fyrir stór­iðju.

„Ef inn­viðir orku­fram­leiðslu á Vest­fjörðum eru veikir stafar það af því að orku­geir­inn hefur ekki haft áhuga á að þjóna lands­mönnum á meðan stór­iðjan hefur fengið millj­arða gjaf­ir. Umræðan um Hvalá snertir að engu leyti almenn­ing á Vest­fjörð­um, orku­kerfið þarf má bæta, laga eða styrkja með marg­vís­legum hætt­i,“ skrifar Andri.

Hann segir að ef aðeins almenn­ingur kall­aði á þessa virkjun væri hún talin of dýr og óhag­kvæm sem við­bót við kerfi sem þarfn­ast styrk­ingar og lag­fær­ing­ar. Þörfin fyrir Hval­ár­virkjun sé fyrst og fremst vegna lof­orða um Kís­il­ver á Húsa­vík, Helgu­vík og fjölgun gagna­vera til að leita að Bitcoin.

„Í Reykja­nesbæ höfum við séð fremur stórt sveit­ar­fé­lag klúðra sínum skipu­lags­mál­um, ef ein­hver telur að 50 manna hreppur eigi að hafa skipu­lags­vald í jafn flóknu máli og við sjáum í til­felli Hval­ár­virkj­unar þá er sá hinn sami á því að Íslandi eigi að vera lélegt og illa rekið land upp­fullt af fúski og los­ara­hætti. Nú sjáum við hvernig hags­muna­að­ilar beita fyrir sig Vest­firð­ingum í stríði um aðgang að auð­lindum lands­ins. Íslend­ingar eru alger­lega full­færir um að tryggja full­komið tífalt orku­ör­yggi á öllu land­inu með þeim 2000MW sem hafa nú þegar hafa verið virkj­uð.“