Lið Belgíu og Eng­lands mætt­ust í leik um þriðja sæti heims­meist­ara­móts­ins í knatt­spyrnu í Pét­urs­borg í Rúss­landi í dag. Leiknum lauk með sigri Belga sem skor­uðu tvö mörk á móti engu frá Eng­lend­ing­um.

Bak­vörð­ur­inn Thomas Munier kom Belgum yfir strax á fjórðu mín­útu eftir fyr­ir­gjöf frá Nacer Chadli. Eden Haz­ard rak svo smiðs­höggið þegar hann skor­aði á 82. mín­útu og verð­launa­sæti í höfn hjá Belg­um.

Þetta er besti árangur liðs­ins sem lenti árið 1986 í fjórða sæti þegar það tap­aði 4-3 fyrir Frökkum í fram­lengdum brons­leik.

Enska liðið var aldrei lík­legt í leiknum og virt­ist áhuga­laust allan leik­inn. Spennan hjá lið­inu var og er helst í kringum fram­herj­ann Harry Kane, sem er enn marka­hæsti leik­maður móts­ins. Leik­maður Belga, Romelu Lukaku, er með fjögur mörk en náði ekki að fjölga þeim í leik dags­ins. Frönsku leik­menn­irnir Antoine Griez­mann og Kylian Mbappe sem spila til úrslita á morgun eru með þrjú mörk og gætu tækni­lega séð slegið Kane út.