Stóra stundin runnin upp - Hverjir eru bestir í heimi?

Úrslitaleikur heimsmeistarmótsins í knattspyrnu fer fram í dag þegar Frakkar mæta þreyttum Króötum.

HM úrslit
Auglýsing

Úrslita­leikur heims­meist­ara­móts­ins í knatt­spyrnu í Rúss­landi fer fram í dag klukkan 15 þegar Frakkar mæta liði Króata. Þegar þessi tvö lið mæt­ast verður það i fyrsta skipti síðan 1930 að lið í úrslitum mæti ekki Bras­ilíu og Þýska­landi.

Franska liðið er reynd­ara en hið króat­íska í þessum aðstæð­um. Þetta er þriðji úrslita­leik­ur­inn á heims­meist­ara­móti sem liði spilar og Frakkar urðu heims­meist­arar á heima­velli árið 1998 en töp­uðu fyrir Ítalíu í úrslitum 2006.

Þetta er hins vegar í fyrsta sinn sem Króa­tía kemst í úrslita­leik­inn. Liðið hlýtur að vera þreytt. Það hefur farið löngu leið­ina að þessum leik. Í 16-liða úrslit­unum unnu þeir Dan­mörku í víta­spyrnu­keppni, eins í 8-liða úrslit­unum gegn Rúss­landi og í und­an­úr­slit­unum unnu þeir Eng­land eftir fram­leng­ingu.  Króa­tía hefur þannig farið í gegnum þrjár fram­leng­ingar í röð, sam­tals 360 mín­útur af fót­bolta síðan 1. júlí.

Auglýsing

En Zlatko Dalic þjálf­ari liðs­ins hefur ekki áhyggj­ur. Króta­íska lands­liðið spilar í dag sinn stærsta leik í sög­unni og hann segir að leik­menn­irnir geri sér grein fyrir því. Þeir viti hvað er í húfi og hversu frá­bær stund þetta verð­ur. Hver og einn leik­maður muni segja honum ef hann getur ekki lagt sig 100% fram. Eitt­hvað hefur verið um lít­ils­háttar meiðsli hjá leik­mönnum Króa­tíu.

Liðin tvö hafa mæst fimm sinnum áður, tvö jafn­tefli hafa verið nið­ur­staða þeirra leikja og Frakk­land unnið þrisvar.

Frakk­ar hafa unnið fimm leiki og gert eitt jafn­­tefli gegn Dan­­mörku í riðla­keppn­inni. Króat­ar hafa unnið alla leiki sína á mót­inu, þar á meðal leik sinn í riðla­keppn­inni gegn Íslandi.

Frakk­ar eru af flest­um tald­ir sig­­ur­strang­­legri enda með feikna­sterkt lið, með mikla breidd og mik­inn aga. Sem dæmi má nefna að stór­stjarnan Karim Benzema komst ekki í hóp­inn á þessu sinni.

Aga liðs­ins má vel sjá í spila­mennskunni, þar sem það tekur lítið af áhættum heldur leggja upp fyrir ein­stak­lings­fram­tak þegar slíkt hent­ar.

Ef að Didier Deschamps þjálf­ara liðs­ins tekst að stýra Frökk­um til sig­­urs á eftir verður hann þriðji mað­ur­­inn í sög­unni til þess að verða heims­­meist­­ari sem leik­maður og þjálf­­ari. Hinir tveir eru þeir Mario Zagallo og Franz Bec­ken­bau­er.

Síð­ustu tveir úrslita­leikir HM hafa farið 1-0 og kom sig­ur­mark þeirra beggja í fram­leng­ingu. Spánn vann Hol­land 1-0 árið 2010 og Þýska­land vann Argent­ínu 1-0 árið 2014.

Rafbílasala heldur áfram að aukast
Hreinir rafmagnsbílar, tengiltvinnbílar og hybrid bílar voru 22 prósent af heildar fólksbílasölu fyrstu sex mánuði ársins. Ríkisstjórnin hefur sett sér það markmið að árið 2030 verði 100.000 skráðir rafbílar og önnur vistvæn ökutæki hér á landi.
Kjarninn 20. júlí 2019
Össur kaupir fyrirtæki í Detroit
Markaðsvirði Össurnar hefur aukist mikið að undanförnu en félagið er skráð á markað í Kaupmannahöfn.
Kjarninn 20. júlí 2019
Klikkið
Klikkið
Klikkið - Að vera aðstandandi veiks foreldris
Kjarninn 20. júlí 2019
Bjarni Már Magnússon
Þriðji orkupakkinn og sæstrengir
Kjarninn 20. júlí 2019
Tæplega 60 jarðir á Íslandi í eigu erlendra fjárfesta
Félagið Dylan Holding S.A. er sagt í eigu auðjöfursins Ratcliffe. Félagið er móðurfélag 20 annarra félaga sem skráð eru eigendur jarða á Íslandi.
Kjarninn 20. júlí 2019
Myndin er frá mótmælunum í Hong Kong í júní.
Evrópuþingið gagnrýnir aðstæður í Hong Kong
Bæði yfirvöld í Hong Kong og Beijing hafa gagnrýnt Evrópuþingið fyrir ályktunina og segja hana vera hræsni af hálfu þingsins.
Kjarninn 19. júlí 2019
Skora á Almenna innheimtu ehf. að hætta innheimtu á ólöglegum lánum
Fyrir liggur að vextir á smálánum eru margfalt hærri en heimilt er samkvæmt lögum, en þrátt fyrir það eru lántakendur enn krafðir um endurgreiðslu á ólöglegum vöxtum af innheimtufyrirtækinu Almenn innheimta ehf..
Kjarninn 19. júlí 2019
Birna Lárusdóttir
Viljum við fara aftur á byrjunarreit?
Kjarninn 19. júlí 2019
Meira úr sama flokkiErlent