Trump og Pútín hittast loksins í Helsinki

Yfir stendur fyrsti leiðtogafundur Donalds Trump og Vladimir Pútín í Helsinki. Þrátt fyrir vilja beggja leiðtoga um að vilja bæta samskipti sín á milli er búist við erfiðum fundi þar sem mikið hefur gengið á í samskiptum ríkjanna á undanförnum misserum.

Donald Trump Bandaríkjaforseti og Vladimir Pútín Rússlandsforseti
Donald Trump Bandaríkjaforseti og Vladimir Pútín Rússlandsforseti
Auglýsing

Þessa stund­ina stendur yfir leið­toga­fundur Don­alds Trump Banda­ríkja­for­seta og Vla­dimir Pútin for­seta Rúss­lands í Helsinki í Finn­landi. Þetta er fyrsti opin­beri fundur leið­tog­anna tveggja, en Rússar hafa legið undir ásök­unum fyrir að hlut­ast til í banda­rískum stjórn­mál­u­m. 

Fyrir tæpum tveimur tímum síðan lenti Pútín í Helsinki til fundar við Trump, um það bil klukku­tíma á eftir áætl­un. Til stendur að ræða sam­band ríkj­anna tveggja sem Trump sagði aldrei hafa verið verra í Twitt­er-­færslu sinni fyrr í morg­un. Báðir leið­togar virð­ast opnir fyrir vin­sam­legri sam­skiptum ríkj­anna sinna á milli, en að mati stjórn­mála­skýrenda er fund­ur­inn í sjálfu sér ákveð­inn sigur fyrir stjórn­völd í Kreml þar sem með honum verði Rúss­land við­ur­kennt sem stór­veldi sem ekki sé  hægt að hunsa.



Erf­iður fundur

Rúss­nesk stjórn­völd hafa nú þegar gefið til kynna að þau muni búast við erf­iðum fundi. Meðal ann­ars töldu þau að Trump muni þurfa að svara fyrir gagn­rýni sína á lagn­ingu rúss­neskra gasleiðsla til Þýska­lands á leið­toga­fundi NATO í síð­ustu viku, en einnig verði erfitt að finna sam­eig­in­legan grund­völl í mál­efnum Sýr­lands vegna mis­mun­andi sam­skipta ríkj­anna við Íran. „Auð­vitað verður staða Sýr­lands rædd milli tveggja for­set­anna,“ sagði Dmi­try Peskov, tals­maður Kreml­ar, í við­tali við rúss­neska frétta­mið­il­inn RT. „Við vitum öll hvað Was­hington finnst um Íran. En á sama tíma er Íran mik­ill sam­herji okkar í við­skipt­um, sam­vinnu í efna­hags­málum og póli­tískri orð­ræð­u.“

Auglýsing

Hins vegar vona Rússar að fund­ur­inn verði fyrsta skref ríkj­anna í að kom­ast úr lægð í sam­skiptum sín á milli. „Rúss­land og Banda­ríkin bera sér­staka ábyrgð á að við­halda friði og stöð­ug­leika í heim­in­um, sér­stak­lega í okkar tveimur lönd­um,“ bætti Peskov við.

Ákæran „gefin út til að skemma fyr­ir“

Síð­ast­lið­inn föstu­dag gaf emb­ætti sér­staks sak­sókn­ara í Banda­ríkj­unum út ákæru á hendur 12 rúss­neskra G.R.U. leyni­þjón­ustu­manna vegna tölvu­árásar á flokks­þingi Demókra­ta­flokks­ins og for­seta­fram­boðs Hill­ary Clint­on. Ákæran telur 29 blað­síður og er hún ítar­leg­asta ásökun banda­rískra stjórn­valda gegn yfir­völdum í Kreml vegna íhlut­unar í for­seta­kosn­ing­arnar í Banda­ríkj­unum árið 2016. Meðal þess sem ákært er fyrir er ara­grúi lít­illa aðgerða sem áttu að ala á óreiðu í aðdrag­anda kosn­ing­anna. 

Ákæran, sem er í ell­efu lið­um, telur að sam­særi hafi átt sér stað milli G.R.U. starfs­manna og ann­arra, sem beindu spjótum sínum að Demókra­ta­flokknum og fram­boði Clint­on. Sam­kvæmt New York Times hafa nú nær allar banda­rískar stofn­anir sem komið hafa nálægt rann­sókn á mál­inu haldið því fram að erlend öfl hafi hlut­ast til í síð­ustu for­seta­kosn­ing­un­um. Þrátt fyrir það lýsir yfir­maður stofn­an­anna og for­seti Banda­ríkj­anna, Don­ald Trump, enn yfir efa­semdum sínum um að nokkuð grun­sam­legt hafi átt sér stað. 

Trump hefur áður haldið því fram að athygli Banda­ríkja­manna á íhlutun Rússa í for­seta­kosn­ing­unum væri ein­ungis flokkspóli­tískar ásak­anir sem erf­ið­uðu honum að bæta sam­band sitt við Pútín. Í kjöl­far ákærunnar hélt utan­rík­is­ráðu­neyti Rúss­lands því fram að hún væri ein­ungis gefin út á þessum tíma til að skemma fyrir leið­toga­fund­in­um. 

Sama stofnun í Skripal-­mál­inu

Íhlutun rúss­nesku leyni­þjón­ust­unnar G.R.U. á Vest­ur­löndum gæti náð til fleiri landa en  Banda­ríkj­anna, en bresk yfir­völd telja hana líka bera ábyrgð á tauga­eit­ursárás­ina í Bret­landi gegn fyrrum rúss­nesks njó­sn­ara síð­ast­lið­inn mar­s. 

Breskir rann­sókn­ar­menn trúa því að árás­in, sem var gegn fyrrum njósn­ar­anum Sergei Skripal og dóttur hans Yuliu, hafi að öllum lík­indum verið fram­kvæmd af núver­andi eða fyrr­ver­andi starfs­mönnum G.R.U. Þetta hefur New York Times eftir þremur opin­berum starfs­mönnum sem tengj­ast rann­sókn Breta á árásinn­i. 

Að sögn New York Times eru bresk yfir­völd nálægt því að bera kennsl á ein­stak­ling­ana sem réð­ust á Sergei og Yuliu, en hafa þó ekki úti­lokað mögu­leik­ann að önnur rúss­nesk leyni­þjón­usta eða einka­stofa standi að baki aðgerð­inn­i. 

Stakksberg telur íbúakosningu um stóriðju í Helguvík ólögmæta og geta leitt til bótaskyldu
Stakksberg, félag í eigu Arion banka, hefur sent Reykjanesbæ bréf þar sem félagið segir sveitarfélagið skaðabótaskylt ef komið verður í veg fyrir starfsemi kísilmálmverksmiðjunar sem áður var í eigu United Silicon.
Kjarninn 14. desember 2018
Miðflokkurinn hrynur í fylgi og Framsókn eykur við sig
Töluverðar sviptingar eru á fylgi stjórnmálaflokka samkvæmt nýrri könnun MMR.
Kjarninn 14. desember 2018
Vilhjálmur Árnason, stjórnarformaður Siðfræðistofnunar.
Siðfræðistofnun verður stjórnvöldum til ráðgjafar í siðfræðilegum efnum
Siðfræðistofnun verður stjórnvöldum til ráðgjafar í siðfræðilegum efnum tímabilið 1. janúar 2019 til 31. desember 2021. Greiðslur úr ríkissjóði fyrir verkið munu nema 10 milljónum króna árlega.
Kjarninn 14. desember 2018
Græðgi og spilling kemur enn upp í huga almennings - Bankasala framundan
Kannanir sem gerðar voru fyrir starfshóp stjórnvalda sem skilaði af sér Hvítbók um framtíðarsýn fyrir fjármálakerfið benda til þess að hrun fjármálakerfisins sé enn ferskt í minni almennings.
Kjarninn 14. desember 2018
Sératkvæði fyrrverandi stjórnarformanns VÍS ekki birt í skýrslu tilnefningarnefndar
Helga Hlín Hákonardóttir, fyrrverandi stjórnarformaður VÍS, sagði sig úr tilnefningarnefnd félagsins fyrr í vikunni. Ástæðan er sú að hún vildi birta sératkvæði um hvernig næsta stjórn ætti að vera skipuð. Það var ekki birt í skýrslu nefndarinnar.
Kjarninn 14. desember 2018
Skúli: Gerði mikil mistök en nú förum við til baka í „gömlu sýnina“
Skúli Mogensen, forstjóri og eigandi WOW air, sagði í viðtali við Kastljós að hann hafi fulla trú á því að það muni takast að ná samningum við Indigo Partners.
Kjarninn 13. desember 2018
45 prósent álagning íslenskra banka - Það er ríkisins að hagræða
Framkvæmdastjóri Samtaka iðnaðarins segir í grein í Fréttablaðinu, að íslenska ríkið þurfi að beita sér fyrir hagræðingu og skilvirkni í bankakerfinu.
Kjarninn 13. desember 2018
Til sjávar og sveita ýtt úr vör
Viðskiptahraðallinn er ætlaður til að efla frumkvöðlastarfi í sjávarútvegi og landbúnaði.
Kjarninn 13. desember 2018
Meira úr sama flokkiErlent