Off venu­e-tón­leik­stöðum hefur verið fækkað úr sex­tíu í tutt­ugu og fimm á Iceland Airwa­ves í ár. Þetta stað­festir Ísleifur Þór­halls­son, nýr fram­kvæmd­ar­stjóri Iceland Airwa­ves og for­stjóri Senu Live, í sam­tali við Kjarn­ann. Greiðslan hefur jafn­framt verið hækkuð fyrir að halda Off Venu­e-tón­leika úr 60 þús­und krónur fyrir alla helg­ina í 500 þús­und krón­ur.

Í nýja fyr­ir­komu­lag­inu hjá Iceland Airwa­ves verða tón­leika­staðir sem halda vilja Off Venu­e-við­burði rukk­aðir um dags­gjald sem fer hækk­andi er nær dregur helg­inni. Að halda Off Venu­e-við­burð á mið­viku­deg­inum kostar 50 þús­und krón­ur, á fimmtu­deg­inum 100 þús­und krón­ur, föstu­deg­inum 150 þús­und krónur og á laug­ar­deg­inum 200 þús­und krón­ur. 

Þetta þýðir að ef ákveð­inn tón­leika­staður vill halda halda Off Venu­e-við­burði hjá sér yfir alla hátíð­ina þá þarf að hann að greiða 500 þús­und krón­ur. Ísleifur tekur þó fram að þeir geri sér­samn­inga við staði sem eru ekki reknir í hagn­að­ar­skyni en eng­inn grein­ar­munur hafi verið gerður á milli staða, stærð þeirra eða hvernig staðir voru reknar síð­ustu ár.

Ís­leifur segir að inni­falið í þessu gjaldi sé að Off Venu­e-tón­leika­stað­irnir og dag­skráin er kynnt sem hluti af hátíð­inni. Það séu þó ákveðnar reglur um tón­leika­hald Off Venu­e-tón­leika, til dæmis að lista­menn sem spila einnig á hátíð­inni sjálfri megi ekki spila á Off Venu­e-tón­leikum sama dag. 

Hann tekur það jafn­framt fram að Off Venu­e-­dag­skráin sé mik­il­vægur og skemmti­legur hluti af hátíð­inni en fækkun tón­leika­staði sé hluti af því ferli nýrra eig­andi í að end­ur­skipu­leggja hátíð­ina með það að mark­miði að rétta úr kútnum og halda hátíð­inni gang­andi. En sam­kvæmt Ísleifi hefur fjöldi Off Venu­e-við­burða haft mikil áhrif á miða­sölu hátíð­ar­innar síð­ustu ár og í raun verið mjög slig­andi fjár­hags­lega fyrir hátíð­ina.

Nýir eig­endur Iceland Airwa­ves von­ast til að með þessum breyt­ingum mun fleiri miðar selj­ast á hátíð­ina. Í ár mun eitt arm­band veitir aðgang inn á alla við­burði hátíð­ar­inn­ar, ólíkt fyrri árum. Ísleifur segir að mark­miðið sé að auka virði arm­bands­ins og sé það gert með því að fækka Off Venu­e-­stöðum en í stað þess mun hátíðin sjálf standa fyrir sér­stökum við­burðum yfir helg­ina. Ísleifur leggur áherslu á, í sam­tali við Kjarn­ann, hversu alvar­lega þeir taki nýja hlut­verki sínu sem eig­endur Iceland Airwa­ves. Hann segir hátíð­ina gríð­ar­lega mik­il­væga fyrir íslenska tón­list­ar­senu, sem og Reykja­vík­ur­borg.