Sprenging kjarnorkudrifinnar flaugar olli geislun í Rússlandi

Talið er að fimm til sjö vísindamenn hafi látist í kjölfar sprengingar kjarnorkudrifinnar flaugar í Rússlandi. Vísindamennirnir unnu að prófun flaugarinnar sem hönnuð var til að komast fram hjá bandarískum loftvörnum.

Vladimír Pútín, Rússlandsforseti.
Vladimír Pútín, Rússlandsforseti.
Auglýsing

Fimm til sjö vís­inda­menn lét­ust í dul­ar­fullri prófun á nýrri kjarn­orku­drif­inni flaug í Rúss­landi. Rúss­nesk yfir­völd hafa lýst vís­inda­menn­ina, sem voru sér­fræð­ingar í kjarn­orku, þjóð­hetj­ur. Flaug­in, sem var hönnuð til að kom­ast fram hjá banda­rískum  loft­vörn­um, sprakk og olli geislun í kjöl­far­ið.

Flaugin sprakk í Hvíta­hafi, norðan við borg­ina Ark­hang­elsk. Valentin Kostyu­kov, yfir­maður kjarn­orku­mið­stöðvar Rúss­lands, sagði í kjöl­far slyss­ins að vís­inda­menn­irnir væru þjóð­hetjur, jafn­framt sem þeir yrðu heiðraðir rík­is­verð­launum eftir dauða sinn. 

Auglýsing
Í kjöl­far spreng­ing­ar­innar reyndi banda­ríska leyni­þjón­ustan að finna út hvað hafi valdið henni. Spreng­ingin olli mæl­an­legri geislun sem varð til þess að upp komst um til­raun­ina. ­Banda­rískir kjarn­orku­fræð­ingar telja jafn­framt að flaugin hafi verið kjarn­orku­drif­in stýriflaug.

Hönnuð til að kom­ast fram hjá banda­rískum loft­vörnum

Sam­kvæmt heim­ildum the New York Times telja banda­rískir leyni­þjón­ustu­menn að flaugin sé hin svo­kall­aða SSC-X-9 Sky­fall flaug sem Vla­dimír Pútín, for­seti Rúss­lands, hefur sagt að geti náð hvert sem er í heim­in­um. Pútín kynnti flaug­ina opin­ber­lega haustið 2018 og sagði hana vera hann­aða til þess að kom­ast fram hjá banda­rískum loft­vörn­um. 

Flaugin er hönnuð til að vera ófyr­ir­sjá­an­leg í flugi og á að geta flogið afar nærri sjáv­ar­máli. Slík flaug væri banda­rískum flug­vörnum afar erfitt að skjóta niður miðað við núver­andi tækn­i. Engu að síður virð­ist til­raunin fyrr­nefnda hafa mis­heppn­ast sem gefur til kynna að flaugin sé ekki orðin jafn þróuð og rúss­nesk stjórn­völd gefa til kynna. 

Mis­vísandi upp­lýs­ingar um geislun

Mis­vísandi upp­lýs­ingar hafa borist frá rúss­neskum stjórn­völdum um hversu mikil geislun hafi orðið af völdum slyss­ins. Í kjöl­far spreng­ing­ar­innar gaf rúss­neski her­inn út að eldur hafi brot­ist út þegar vökva­elds­neyt­is­drifin flaug hafi sprungið á til­raun­ar­mið­stöð hers­ins og að geislun væri innan eðli­legra marka. 

Hins vegar gaf sveita­stjórn Sever­od­vinsk sem er í um 40 kíló­metra fjar­lægð frá Ark­hang­els að tveir geisl­un­ar­mælar hafi mælt aukna geisl­un. Auk þess gaf rúss­nesk frétta­veita út að geislun hafi farið 200 falt yfir eðli­lega geisl­un, en fréttin var fljót­lega fjar­lægð af vef frétta­veit­unn­ar.

Enda­lok vopna­samn­ings Rúss­lands og Banda­ríkj­anna

Í byrjun ágúst voru for­m­­leg enda­­lok vopna­­samn­ings milli Rús­s­lands og Banda­­ríkj­anna um bann á fram­­leiðslu með­­al­­drægra kjarn­orkuflauga. Sam­komu­lag­ið, sem í dag­­legu tali er kall­að INF, var sett á árið 1987 og var mik­il­vægur þáttur í enda­lokum Kalda stríðs­ins á níunda ára­tugn­­um.

Hins vegar hefur samn­ing­­ur­inn verið í upp­­­námi á síð­­­ustu árum. Banda­­ríkja­­stjórn ásak­aði rík­­is­­stjórn Rús­s­lands um að hafa gengið á bak orða sinna með æfinga­skotum árið 2014. Sam­­kvæmt tals­­mönnum Banda­­ríkja­hers hafa Rússar fram­­leitt teg­und kjarn­orkuflaugar sem sér­­fræð­ingar telja að geti verið skotið upp í um 2 þús­und kíló­­metra fjar­lægð frá áfanga­­stað. Rússar neit­uðu ásök­unum og svör­uðu með því að ásaka Banda­­ríkja­­menn um að hafa gerst sjálfir brot­­legir á samn­ingn­­um. 

Hvor­ugt ríkið hefur birt sann­­anir um brot á samn­ingnum opin­ber­­lega, en NATO tók undir með Banda­­ríkja­­mönnum á aðal­­fundi þeirra í fyrra­sum­­­ar. Þar sögðu tals­­menn hern­að­­ar­­banda­lags­ins meint brot Rússa vera „senn­i­­leg­asta túlk­un­in“ á þau gögn sem þeir bjuggu yfir.

Í októ­ber í fyrra hót­­aði svo Don­ald Trump ­for­­seti Banda­­ríkj­anna því að rifta samn­ingnum við Rús­s­land vegna meintra brota, svari rík­­is­­stjórn Rús­s­lands ekki kröfum þeirra. Rús­s­land stóð fast í sinni afstöðu og svo fór að Trump til­­kynnti end­an­­lega að sam­komu­lag­inu yrði rift með hálfs árs fyr­ir­vara síð­­asta febr­­ú­­ar.

Eftir nýliðin samn­ings­­slit milli Rús­s­lands og Banda­­ríkj­anna er aðeins einn vopna­­samn­ingur í gildi milli land­anna, sem ber heit­ið ­New Start. Sá samn­ingur kveður á um hámarks­­­fjölda kjarn­orku­odda í hvoru land­inu, en sam­­kvæmt blaða­­manni Al Jazeera er útlit fyrir að að honum ljúki án end­­ur­nýj­unar árið 2021.

Auknar líkur á vopna­kapp­hlaupi

Sér­­fræð­ingar í hern­að­­ar­­málum segja riftun hern­að­­ar­­samn­inga Banda­­ríkj­anna við Rús­s­land auka lík­­­urnar á alþjóð­­legu vopna­­kapp­hlaupi. Banda­­ríkja­­for­­seti virð­ist einnig hafa haft vopna­­kapp­hlaup í huga.

Alþjóð­­legt vopna­­kapp­hlaup virð­ist því vera í start­hol­un­­um. Til að mynda sagð­ist Mark Esper, varn­­ar­­mála­ráð­herra ­Banda­­ríkj­anna, vilja flytja með­­al­­drægar eld­flaugar til Aust­­ur-Asíu núna um helg­ina, rétt eftir að samn­ingnum við Rús­s­land hafði verið rift. Aðspurður hvort vopna­­kapp­hlaup sé í vænd­um, svar­aði utan­­­rík­­is­ráð­herra Rús­s­lands því að valið væri í höndum Banda­­ríkj­anna. Hins vegar bætti hann við að ef til vopna­­kapp­hlaups kæmi myndu Rússar aldrei tapa. 

Rússar auka hernað sinn á norð­ur­slóðum

Í skýrslu varn­ar­mála­ráðu­neytis Banda­ríkj­anna er því haldið fram að þörf sé á að nútíma­væða eld­flauga­varnir og varnir gegn lang­dregnum flaugum á norð­ur­slóð­um. Varn­ar­mála­ráðu­neytið vill enn fremur auka sjó­eft­ir­lit á haf­svæð­inu milli Íslands, Græn­lands og Bret­land, það er hjá hinu svo­kall­aða GIUK bili. Það falli vel að núver­andi verk­efnum NATO á Íslandi. Í skýrsl­unni segir enn fremur að hætta sé á ákveð­inni keðju­verkun frá öðrum svæð­um. Til að mynda geti spenna milli Banda­ríkj­anna og Rúss­lands eða Kína í öðrum heims­svæðum smitað út frá sér og skapað spennu á milli þeirra á norð­ur­slóð­um.

Jens Stol­ten­berg, fram­kvæmda­stjóri NATO, sagði á fyr­ir­lestri í Nor­ræna hús­inu 11. júní síð­ast­lið­inn að aukin hern­að­­ar­­upp­­­bygg­ing Rússa á norð­­ur­slóð­um, með auknum her­­stöðv­­um, kaf­bátum og auk­inni hern­að­­ar­­legri loft­um­­ferð, valdi banda­lag­inu sér­­stak­­lega áhyggj­u­m.

Vilt þú vera með?

Frjálsir, hugrakkir fjölmiðlar eru ómetanlegir en ekki ókeypis. Kjarninn reiðir sig á framlög lesenda og með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og við ætlum að standa vaktina áfram og bjóða almenningi upp á vandaða umfjöllun þar sem áhersla er á gæði og dýpt.  

Fyrir þá lesendur sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Verksmiðjutogarinn Heinaste er búinn að fara í slipp og heitir nú Tutungeni.
Árs kyrrsetningu lokið og togari seldur en andvirðinu haldið eftir í Namibíu
Samherji sagði frá því í vikunni að togarinn Heinaste væri laus úr vörslu namibískra yfirvalda og hefði verið seldur í þokkabót. Ekki fylgdi þó fréttatilkynningu fyrirtækisins að söluandvirðinu yrði haldið sem tryggingu á bankareikningi í Namibíu.
Kjarninn 5. desember 2020
Magn kókaíns í frárennsli höfuðborgarinnar fjórfaldaðist milli áranna 2016 og 2018. Í sumar hafði verulega dregið úr því miðað við apríl í fyrra.
Mun minna kókaín í skólpinu í kórónuveirufaraldri
Kórónuveirufaraldurinn hefur breytt mynstri fíkniefnanotkunar í Reykjavík, segir doktorsnemi sem hefur í fimm ár rannsakað magn ólöglegra fíkniefna í frárennsli borgarinnar. Magn kókaíns í skólpinu var 60 prósent minna í júní en í apríl í fyrra.
Kjarninn 5. desember 2020
Rússneska bóluefnið Spútnik V er á leið í dreifingu. Um helgina geta Moskvubúar í forgangshópum fengið fyrri sprautu sína.
Spútnik sprautað í Rússa: Hefja bólusetningu í stórum stíl eftir helgi
Um helgina hefjast bólusetningar á forgangshópum í Moskvu með bóluefninu Spútnik V. Tvær milljónir skammta eru sagðar til. Reuters-fréttastofan segir suma ríkisstarfsmenn upplifa þrýsting um að taka þátt í klínískum tilraunum á virkni bóluefnisins.
Kjarninn 4. desember 2020
Sigurjón Njarðarson
Fullveldið
Kjarninn 4. desember 2020
Haukur Logi Karlsson
Innansveitarkronikan og evrópska réttarríkið
Kjarninn 4. desember 2020
Notkun reyktóbaks og rafrettna ekki tengd við alvarlegri einkenni COVID-19
Niðurstöður nýrrar rannsóknar á Íslandi sýna ekki fram á aukið algengi eða alvarleika COVID-19 sjúkdóms meðal notenda reyktóbaks eða rafrettna en benda til tengsla lungnasjúkdóma við alvarlegri einkenni.
Kjarninn 4. desember 2020
Konur ættu að hafa rétt til þess að hverfa frá störfum sínum eftir 36 vikna meðgöngu að mati Félags íslenskra fæðinga- og kvensjúkdómalækna.
Læknar ítreka að þeim finnst að konur ættu að geta farið í orlof eftir 36 vikur án skerðinga
Fæðinga- og kvensjúkdómalæknar telja að konur ættu að hafa rétt til að fara í orlof eftir 36 vikna meðgöngu, án þess að orlof eftir fæðingu skerðist. Starfshópur heilbrigðisráðherra um stefnumótun í barneignarþjónustu er einróma á sömu skoðun.
Kjarninn 4. desember 2020
Tólf ný smit – allir í sóttkví
Allir sem greindir voru með kórónuveiruna í gær innanlands voru í sóttkví. Eftir fjölgun smita í síðustu viku hefur þeim fækkað jafnt og þétt síðustu daga.
Kjarninn 4. desember 2020
Meira úr sama flokkiErlent