Þrjú tryggingafélög tapa 610 milljónum á GAMMA – Verið að kanna refsiverða háttsemi

Félag fyrrverandi aðaleiganda og annars stofnenda GAMMA hagnaðist um milljarð króna í fyrra. VÍS, Sjóvá og TM, sem eru meðal annars í eigu lífeyrissjóða, hafa tapað hundruð milljóna vegna niðurfærslu á GAMMA-sjóði.

hús
Auglýsing

Trygg­inga­fé­lagið VÍS sendi frá sér afkomu­við­vörun í gær­kvöldi þar sem gert var grein fyrir því að afkoma félags­ins til árs­loka verði óhag­stæð­ari en spá hafði gert ráð fyr­ir. Sam­kvæmt drögum að árs­hluta­upp­gjöri fyrir þriðja árs­fjórð­ung verður afkoman nei­kvæð um 370 til 420 millj­óna króna en áður hafði verið gert ráð fyrir því að hagn­aður upp á 138 millj­ónir króna yrði af starf­semi VÍS á árs­fjórð­ungn­um.

Í til­kynn­ing­unni segir að marg­þættar ástæður séu fyrir þess en að mest vigti verri afkoma af skráðum hluta­bréfum í eigu félags­ins. Einnig skiptir máli að VÍS átti hlut­deild­ar­skír­teini í sjóðnum GAMMA: Novus, sem var færður niður í fyrra­dag um millj­arða króna. Nið­ur­færsla VÍS vegna þessa nemur 155 millj­ónum króna.

Þar með hafa öll þrjú skráðu trygg­inga­fé­lög lands­ins fært niður eignir vegna GAMMA: Novus. Bók­fært tap TM vegna fjár­fest­inga í sjóðnum nemur um 300 millj­ónum króna og Sjóvá bók­færði tap upp á 155 millj­ónir króna.

Auglýsing
Samanlagt nemur bók­fært tap trygg­inga­fé­lag­anna þriggja vegna GAMMA: Novus því 610 millj­ónum króna. Á meðal helstu eig­enda allra þriggja eru íslenskir líf­eyr­is­sjóðir sem bera því óbeint umrætt tap. Á meðal ann­arra fjár­festa í sjóðnum voru Guð­björg Matth­í­as­dótt­ir, aðal­eig­andi Ísfé­lags Vest­manna­eyja og útgáfu­fé­lags Morg­un­blaðs­ins, og fjár­fest­inga­fé­lagið Stoð­ir. 

Í Frétta­blað­inu í dag er greint frá því að hópur hlut­deild­ars­kirtein­is­hafa ­kanni nú rétt­ar­stöðu sína um hvort refsi­verð hátt­semi hafi átt sér stað í tengslum við starf­semi sjóðs­ins. 

Búið að skipta um sjóð­stjóra

Kjarn­inn greindi frá því á mánu­dag að sam­kvæmt hálfs­árs­upp­gjör Novu­s-­sjóðs­ins í fyrra hafi eigið fé hans verið 4,8 millj­arðar króna. Um síð­ustu ára­mót var það sagt 4,4 millj­arðar króna.

Í ein­blöð­ungi sem sendur var út til hlut­deild­ar­skír­tein­is­hafa í gær kom fram að eigið fé hans væri 42 millj­ónir króna. Eigið féð hafði gufað upp og fyrir lá að virði eigna hafði verið stór­lega ofmet­ið. Helsta eign sjóðs­ins er Upp­­haf fast­­eigna­­fé­lag slhf. sem hefur byggt nokkur hund­ruð íbúðir á höf­uð­borg­ar­svæð­inu frá því að sjóð­ur­inn var settur á lagg­irnar 2013. 

Auk þess réðst sjóð­ur­inn í skulda­bréfa­út­gáfu í byrjun júní sem seld var á þeim for­sendum að eigið fé GAMMA: Novus væri mun hærra en það reynd­ist eftir end­ur­mat á eign­um. 

Ingvi Hrafn Ósk­ars­son, sem var sjóðs­stjóri GAMMA: Novus, mun vera að hætta störfum hjá GAMMA. Máni Atla­son, nýr fram­kvæmd­stjóri GAMMA, hefur tekið við stýr­ingu á sjóðn­um. 

Félag fyrr­ver­andi for­stjóra hagn­að­ist um millj­arð

Kvika keypti GAMMA form­lega fyrr á þessu ári þó að kaupin hafi verið að mestu frá­gengin í nóv­em­ber í fyrra, með fyr­ir­vara um sam­þykki eft­ir­lits­að­ila. Kaup­verðið átti að sam­an­standa af 839 milljón króna greiðslu í reiðu­fé, hlut­deild­ars­kirteinum í sjóðum GAMMA og árang­urstengdum greiðsl­um. Mikil til­tekt hefur staðið yfir í sjóðum síð­ar­nefnda félags­ins síðan þá. Sjóðum hefur verið lok­að, aðrir sam­ein­aðir öðrum sjóðum innan Kviku­sam­stæð­unnar og tveir sjóð­ir, áður­nefndur Novus og útrás­ar­sjóð­ur­inn GAMMA: Ang­lia, verið færðir veru­lega nið­ur. Kjarn­inn greindi frá því að gengi Ang­li­a-­sjóðs­ins hafi verið lækkað um næstum helm­ing 30. sept­em­ber síð­ast­lið­inn, úr 105 í 55. Á meðal fjár­festa í honum voru íslenskir líf­eyr­is­sjóð­ir. 

Auglýsing
Helstu stjórn­endur GAMMA, sem var stofnað fyrir rúmum ára­tug, hafa verið látnir fara á und­an­förnum miss­er­um. Í fyrra­vor lét Gísli Hauks­son, annar stofn­enda og fyrr­ver­andi for­stjóri og stjórn­ar­for­maður GAMMA, af störfum og um síð­ustu mán­aða­mót var greint frá því að Valdi­mar Ármann, sem tók við sem for­stjóri, væri líka hætt­ur.Gísli Hauksson.

Kvika átti, sam­kvæmt til­kynn­ingu að greiða um 2,4 millj­arða króna fyrir GAMMA og hafði verð­mið­inn þá lækkað úr 3,8 millj­örðum króna á nokkrum mán­uð­um. Bank­inn er ekki búinn að greiða nema hluta þess kaup­verðs en sam­kvæmt hálfs­árs­upp­gjöri hans nemur sú greiðsla um 1,4 millj­örðum króna. Það sem eftir stendur er að uppi­stöðu árang­urstengdar greiðslur og því óvíst hvert loka­verðið verð­ur. 

Frétta­blaðið greinir frá því í morgun að fjár­fest­inga­fé­lags Gísla Hauks­sonar hafi hagn­ast um tæp­lega 1,1 millj­arð króna á árinu 2018 og að hagn­að­ur­inn hafi auk­ist um einn millj­arð króna milli ára. Félag­ið, Ægir Invest, hélt á um 30 pró­sent hlut Gísla í GAMMA. Í Frétta­blað­inu segir að hinn mikli hagn­aður skýrist af verð­breyt­ingu á eign­ar­hlutum í inn­lendum félögum í eigu fjár­fest­inga­fé­lags Gísla. Í félag­inu eru eignir sem metnar eru á rúm­lega 1,5 millj­arð króna en skuldir þess námu 189 millj­ónum króna. Á meðal eigna eru list­munir sem metnir voru á 123 millj­ónir króna.

Þar er einnig sagt frá því að verið sé að taka saman greiðslur sem runnu frá fast­eigna­fé­lag­inu Upp­hafi, í eigu GAMMA: Novus, til félaga sem tengjast Pétri Hann­essyni, fyrr­ver­andi fram­kvæmda­stjóra Upp­hafs, til starfs­manna­leig­unnar Elju, sem er stýrt og að hluta í eigu Arn­ars Hauks­son­ar, bróð­urs Gísla Hauks­sonar og til verk­fræði­stof­unnar Erils sem var eft­ir­lits­að­ili með fast­eigna­verk­efnum Upp­hafs.

Kanntu vel við Kjarnann?

Frjáls framlög lesenda eru mikilvægur þáttur í rekstri Kjarnans. Þau gera okkur kleift að halda áfram að taka þátt í umræðunni á vitrænan hátt og greina kjarnann frá hisminu fyrir lesendur. 

Kjarninn er fjölmiðill sem leggur sig fram við að upplýsa og skýra út það sem á sér stað í samfélaginu með áherslu á gæði og dýpt. 

Okkar tryggð er aðeins við lesendur. Við erum skuldbundin ykkur og værum þakklát ef þið vilduð vera með í að gera Kjarnann enn sterkari. 

Ef þú kannt vel við það efni sem þú lest á Kjarnanum viljum við hvetja þig til að styrkja okkur. Þinn styrkur er okkar styrkur.

Já takk, ég vil styrkja Kjarnann!
Fimm metin mjög vel hæf í stöðu varaseðlabankastjóra
Tíu sóttu upphaflega um stöðu varaseðlabankastjóra, á sviði fjármálastöðugleika.
Kjarninn 10. desember 2019
João de Barros, sonur angólska ráðherrans, Antonio, ráðgjafi sama ráðherra, Tamson Hatuikulipi, Þorsteinn Már Baldvinsson, þá forstjóri Samherja, James Hatuikulipi og Sacky Shanghala í Hafnarfjarðarhöfn í nóvember 2013.
Bankareikningar frystir í Angóla út af Samherjamálinu
Bankareikningar fyrrverandi sjávarútvegsráðherra Angóla og fjölskyldumeðlima hennar hafa verið frystir. Þau liggja undir grun um að hafa þegið mútur frá Samherja sem greiddar voru til þess að komast yfir ódýran kvóta.
Kjarninn 10. desember 2019
Svanhildur Hólm Valsdóttir ásamt Bjarna Benediktssyni.
Svanhildur Hólm vill verða útvarpsstjóri
Aðstoðarmaður fjármála- og efnahagsráðherra hefur staðfest að hún hafi sótt um að verða næsti útvarpsstjóri.
Kjarninn 10. desember 2019
Kjartan Jónsson
Hvað getur útgerðin greitt?
Kjarninn 10. desember 2019
41 sækir um útvarpsstjórastöðu RÚV
Stjórn RÚV stefnir að því að ganga frá ráðningu nýs útvarpsstjóra í lok janúar 2020.
Kjarninn 10. desember 2019
Vindorka henti vel sem þriðja stoðin í orkubúskap Íslands
Umhverfis- og auðlindaráðherra vill breyta rammaáætlun svo hún henti betur vindorkukostum og hægt verði að móta skýra stefnu í vindorkumálum. Ráðherra telur að skynsamleg uppbygging vindorku fari vel saman við vaxandi raforkuþörf samfélagsins
Kjarninn 10. desember 2019
Trump verður ákærður af Bandaríkjaþingi
Donald Trump verður ákærður af fulltrúadeild Bandaríkjaþings fyrir brot í starfi. Honum er gefið að hafa misbeitt valdi sínu og fyrir að reyna að torvelda rannsókn þeirra sem eiga að veita honum aðhald.
Kjarninn 10. desember 2019
Lilja Alfreðsdóttir er mennta- og menningarmálaráðherra.
Fjölmiðlafrumvarpið er ekki lengur á dagskrá þingsins
Til stóð að mæla fyrir frumvarpi Lilju Alfreðsdóttur um stuðningsgreiðslur til einkarekinna fjölmiðla í gær. Það komst ekki á dagskrá og er hvergi að finna á dagskrá dagsins í dag. Sjálfstæðisflokkurinn hefur verið andsnúinn frumvarpinu.
Kjarninn 10. desember 2019
Meira úr sama flokkiInnlent