Svan­dís Svav­ars­dótt­ir, heil­brigð­is­ráð­herra, segir að henni hafi liðið illa eftir að hafa horft á frétta­skýr­ing­ar­þátt Kveiks um Sam­herja í gær­kvöldi. „Mér fannst þetta ömur­legt. Já ég er bara mjög hugsi eftir þetta. Þessi mynd sem þarna er dregin upp er nátt­úr­lega mynd af græðgi sem fer úr ­bönd­un­um,“ segir Svandís í sam­tali við Bítið á Bylgj­unni í morg­un.

Í frétta­­­skýr­inga­þætti Kveiks í gær­­kvöldi kom meðal ann­­­ars fram að vís­bend­ingar væru um að greiðslur upp á að minnsta kosti 1,4 millj­­­­arða króna frá Sam­herja til hóps sem inn­­­i­heldur meðal ann­­­­ars tvo ráð­herra í Namib­­­­íu, væru mút­­­u­greiðslur og að við­­­­skipti fyr­ir­tæk­is­ins í Afr­ík­­­u­land­inu væru skýr dæmi um spill­ing­u. Um­­­fjöll­unin var unnin í sam­­­starfi Kveiks, Stund­­­ar­innar, Al Jazeer­a og Wik­i­­leaks.

Svan­dís bendir á að það sem hafi verið gott við þátt Kveiks sé að hann hafi sýnt aflið sem er í góðri og metn­að­ar­fullri blaða­mennsku. „Þarna sjáum við hvað almanna­hags­munum er betur gerð skil með því að fjöl­miðlar fái að vinna vinn­una sína til enda.“

Svan­dís segir jafn­framt að sann­ar­lega sé mörgum spurn­ingum um þetta mál ósvarað og hún líkt og aðrir í sam­fé­lag­inu bíði átekta. „Þarna er um að ræða gríð­ar­lega stóran ger­anda í ís­lensku at­vinnu­lífi. Það er stór­mál, þær ávirð­ingar sem þarna komu fram. Það verður að kom­ast botns í það hvað er hæft í því sem þarna er nefnt og það er komið í far­veg,“ segir Svan­dís og vísir í að emb­ætt­i hér­aðs­sak­sókn­ara hafi efni þátt­ar­ins nú þegar til skoð­un­ar. 

Aðspurð hvort hún eigi von á því að þetta mál verði rætt sér­stak­lega í rík­is­stjórn svarar Svan­dís að hún átta sig ekki alveg á því. Næsti rík­is­stjórn­ar­fundur sé á föstu­dag­inn og segir Svan­dís að henni þyki það ekki ólík­legt að þetta mál beri á góma þá.