Starfsmenn fjármálafyrirtækja kvarta til ESA eftir hópuppsögn Arion banka

Samtök starfsmanna fjármálafyrirtækja telja að Arion banki hafi ekki farið eftir lögum um hópuppsagnir þegar bankinn sagði upp 102 starfsmönnum í fyrrahaust. Slíku broti fylgi hins vegar engin viðurlög. Samtökin hafa sent kvörtun til ESA vegna þessa.

Arion banki sagði upp 102 manns í september.
Arion banki sagði upp 102 manns í september.
Auglýsing

Sam­tök starfs­manna fjár­mála­fyr­ir­tækja (SFF) hafa sent kvörtun til Eft­ir­lits­stofn­unar EFTA (ESA) vegna brotalama á fram­kvæmd hóp­upp­sagna á Íslandi. Kvörtunin er send eftir að sam­tökin komust að þeirri nið­ur­stöðu að Arion banki hefði ekki farið að lögum um hóp­upp­sagnir þegar bank­inn sagði upp 102 starfs­mönnum í sept­em­ber 2019, meðal ann­ars með vísun í að ávöxtun eigin fjár bank­ans væri ekki nægi­lega góð. 

Í bréfi sem sam­tökin sendu Ásmundi Ein­ari Daða­syni, félags- og barna­mála­ráð­herra, og til vel­ferð­ar­nefndar Alþingis í dag segir að nið­ur­staða skoð­unar SFF hafi verið sú að Arion banki hefði ekki virt skyldu sína til sam­ráðs við trún­að­ar­menn starfs­manna með neinum raun­hæfum hætti í aðdrag­anda upp­sagn­anna og hafi þannig brotið gegn ákvæðum laga um hóp­upp­sagn­ir. „Þó sé jafn­framt ljóst að lögin hafi ekki að geyma nein raun­hæf rétt­ar­úr­ræði til að bregð­ast við brotum af þessum toga. Með bréfi þessu er ætlun SFF aog ASÍ að vekja athygli ráð­herra og þing­nefndar á þessum ann­mörkum sem virð­ast vera á lögum um hóp­upp­sagn­ir“.

SFF segir að gera þurfi braga­bót á lög­unum til að þau hafi eitt­hvað raun­veru­legt gildi, en séu ekki ein­ungis „orðin tóm“ þar sem brot á þeim séu „al­gjör­lega við­ur­laga­laus“. 

Auk þess telja sam­tökin að íslenska ríkið kunni að hafa brotið gegn skyldum sínum til að inn­leiða ákveðna til­skipun Evr­ópu­sam­bands­ins um hóp­upp­sagnir og að hún hafi ekki verið rétt inn­leidd á sínum tíma. Vegna þess sé sam­ráð við stétt­ar­fé­lög við fram­kvæmd hóp­upp­sagna ófull­nægj­andi. Vegna þessa hefur SFF sent inn kvörtun til ESA. 

Auglýsing
Í til­kynn­ingu frá sam­tök­unum vegna þessa segir að nið­ur­staðan geti „haft áhrif á allan íslenskan vinnu­markað og er því um gríð­ar­lega stórt hags­muna­mál að ræða.“

Spör­uðu sér 1,3 millj­arð á árs­grund­velli

Arion banki greindi frá því þann 26. sept­em­ber 2019 að bank­inn hefði sagt upp 102 manns. Upp­sagn­irnar höfðu legið í loft­inu í nokkurn tíma. Kjarn­inn greindi til að mynda frá því þremur dögum áður að búist væri við stóru hag­ræð­ing­ar­skrefi hjá bank­anum og að lækkun á rekstr­ar­kostn­aði yrði fyrst og síð­ast náð með fjölda­upp­sögn­um. 

Með upp­sögn­unum ætlar Arion banki að spara sér 1,3 millj­arð króna í rekstr­ar­kostnað á ári. Í tölvu­pósti sem Bene­dikt Gísla­son, banka­stjóri Arion banka, sendi til starfs­manna sama dag og til­kynnt var um upp­sagn­irn­ar, sagði meðal ann­ars að stjórn­endur bank­ans teldu „að­stæður í umhverfi bank­ans, eig­in­fjár­­­kröf­­ur, skattar og harðn­­andi sam­keppni, sem og háan rekstr­­ar­­kostn­að, vera þess eðlis að ekki sé lengur hjá því kom­ist að gera breyt­ingar sem miða að því að ein­falda starf­­sem­ina. Við þurfum að aðlaga okkur að aðstæðum hverju sinn­i.“

Upp­sagn­irnar voru liður í veg­­­­ferð bank­ans að ná settum mark­miðum um 50 pró­­­­sent kostn­að­­­­ar­hlut­­­­fall og arð­­­­semi eigin fjár umfram tíu pró­­­­sent. Arð­semi Arion banka hefur verið langt frá því mark­miði und­an­farið og búist er við að hún hafi verið undir einu pró­senti í fyrra, en árs­reikn­ingur bank­ans verður birtur síðar í þess­ari viku.

Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
Stóru viðskiptabankarnir þrír tilkynntu allir vaxtalækkanir í vikunni sem leið.
Bankarnir taka aftur forystu í húsnæðislánum
Stýrivaxtalækkanir, lækkun bankaskatts og afnám sveiflujöfnunarauka hafa haft áhrif á vaxtakjör sem og getu bankanna til að lána fé. Með tilliti til verðbólgu verða hagstæðustu vextirnir til húsnæðiskaupa nú hjá bönkum í stað lífeyrissjóða.
Kjarninn 31. maí 2020
Barnabókin „Ævintýri í Bulllandi“
Mæðgur dunduðu sér við að skrifa barnabók á meðan að COVID-faraldurinn hélt samfélaginu í samkomubanni. Þær safna nú fyrir útgáfu hennar á Karolina fund.
Kjarninn 31. maí 2020
Þorri landsmanna greiðir tekjuskatt og útsvar. Hluti greiðir hins vegar fyrst og fremst fjármagnstekjuskatt.
Tekjur vegna arðgreiðslna jukust í fyrra en runnu til færri einstaklinga
Alls voru tekjur vegna arðs 46,1 milljarður króna í fyrra. Þeim einstaklingum sem höfðu slíkar tekjur fækkaði á því ári. Alls eru 75 prósent eigna heimila landsins bundnar í fasteignum.
Kjarninn 31. maí 2020
Maskína leiðrétti framsetningu Moggans á göngugatnakönnun
Maskína, sem vann könnun á viðhorfum til varanlegra göngugatna fyrir hóp kaupmanna sem berst gegn göngugötum í miðborginni, sendi frá sér leiðréttingu á fimmtudag eftir að bjöguð mynd af niðurstöðunum var dregin fram í Morgunblaðinu.
Kjarninn 31. maí 2020
Auður Jónsdóttir
Þú verður að deyja fyrir samfélagið!
Kjarninn 31. maí 2020
Stefán Ólafsson
Atvinnuleysisbætur eru alltof lágar
Kjarninn 31. maí 2020
Inger Støjberg, þáverandi ráðherra innflytjendamála í dönsku stjórninni, sést hér á fundi í Brussel 25. janúar árið 2016. Þann sama dag sá hún fréttir sem gerðu hana hoppandi illa og urðu kveikjan að þeim embættisfærslum sem nú eru til rannsóknar.
Að tala tungum tveim og draga kanínu úr hatti
Danskir stjórnmálaskýrendur sem fylgjast með rannsókn á embættisfærslum Inger Støjberg, fyrrverandi ráðherra, segja hana hafa talað tungum tveim í yfirheyrslum vegna rannsóknarinnar. Minnisblað sem enginn hafði áður heyrt minnst á dúkkaði skyndilega upp.
Kjarninn 31. maí 2020
Donald Trump á blaðamannafundi í vikunni, þar sem hann undirritaði forsetatilskipun sem ætlað er að refsa einkafyrirtækjum fyrir að ritskoða efni á internetinu.
Trump steig á endanum yfir línuna sem Twitter hafði dregið í sandinn
Árið 2018 byrjaði Twitter að þróa lausn til að bregðast við því að stjórnmálamenn töluðu með misvísandi eða meiðandi hætti á miðlinum. Í þessari viku beitti miðilinn þessu meðali sínu gegn Donald Trump í fyrsta sinn. Og sá varð reiður.
Kjarninn 30. maí 2020
Meira úr sama flokkiInnlent