Danir grípa til hertra aðgerða – öllum flugferðum frá áhættusvæðum aflýst

Stjórnvöld í Danmörku hafa tilkynnt um hertar aðgerðir til að hefta útbreiðslu nýju kórónuveirunnar. Forsætisráðherrann hvetur fólk til að taka ástandið alvarlega. „Allir þurfa að breyta hegðun sinni.“

Mette Frederiksen, forsætisráðherra Danmerkur.
Mette Frederiksen, forsætisráðherra Danmerkur.
Auglýsing

Danir til­kynntu í morgun um hertar aðgerðir vegna COVID-19 nú þegar veiran heldur áfram að breið­ast út um Evr­ópu. For­sæt­is­ráð­herr­ann segir að fólk hafi ekki tekið vánni nógu alvar­lega. Á Ítalíu er sömu sögu að segja, mjög hertar var­úð­ar­ráð­staf­anir eru nú þar í gildi og fólk hvatt til að vera heima nema að það þurfi nauð­syn­lega að ferð­ast starfa sinna vegna.

Fólk sem er sýkt af nýju kór­ónu­veirunni er ein­kenna­laust í fimm daga að með­al­tali sam­kvæmt nýrri rann­sókn. Dæmi eru þó um að sýktir séu ein­kenna­lausir í allt að tvær vik­ur. Nið­ur­staðan stað­festir mik­il­væg­i ­sótt­kví­ar. „Miðað við okkar grein­ingu á þeim gögnum sem ligja fyrir þá er fjórtán daga sótt­kví sem nú er mælt með skyn­sam­leg,“ hefur breska dag­blaðð Guar­dian eftir Justin Lessler, aðal­höf­undi rann­sókn­ar­innar sem gerð var við Johns Hop­k­ins Bloomberg School of Public Health.

Rann­sóknin leiddi ekki í ljós hvenær ein­kenna­laust fólk sem ­sýkt er af veirunni getur smitað aðra. Vís­bend­ingar eru þó um smit­hættu  í að minnsta kosti stuttan tíma áður en veik­indi fara að gera vart við sig.

Auglýsing

Í 98% til­fella fær fólk ein­kenni COVID-19 innan 11,5 daga frá því að það smit­ast. Það þýð­ir, að mati höf­unda rann­sókn­ar­inn­ar, að um 101 af tíu þús­und mönnum sem fara í sótt­kví í tvær vikur fá ein­kenni eftir að henn­i lýk­ur.

Nið­ur­stöður rann­sókn­ar­innar voru birtar í vís­inda­tíma­rit­inu Annals of Internal Med­icine. Í henni var 181 til­felli frá Kína og öðrum löndum skoð­að. Flest til­fellin voru tengd ferða­lögum til Wuhan, kín­versku borg­inni þar sem veiran á upp­tök sín.

Hinn fimm daga langi með­göngu­tími, þ.e. tími frá því að fólk smit­ast og þar til ein­kenna verður vart, er sam­bæri­legur með­göngu­tíma SARS- og ­MER­S-veir­anna sem einnig ollu far­öldr­um. Kór­ónu­veirur sem valda almennu kvefi hafa hins vegar styttri með­göngu­tíma eða um þrjá daga.

Mikið álag getur skapast á sjúkrahúsum víða um heim ef veiran heldur áfram að breiðast út með þeim hraða sem hún hefur gert nú þegar. Mynd: EPA

Höf­undar rann­sókn­ar­innar leggja hins vegar áherslu á að fólk eigi ekki að túlka nið­ur­stöð­urnar á þann veg að það sé heil­brigt sýni það eng­in ein­kenni fyrtu fimm dag­ana eftir að grunur um smit vakn­ar. „Það er algjör­lega röng túlk­un,“ hefur Guar­dian eftir Gra­ham Cooke, pró­fessor í far­alds­fræðum við  Imper­ial Col­lege í London. „Eftir fimm daga hefur helm­ingur fólks ekki enn sýnt ein­kenn­i.“

Dauðs­föll yfir fjögur þús­und

Í dag hafa 114.544 manns greinst með veiruna og dauðs­föll­in af hennar völdum eru komin yfir fjögur þús­und. Mjög hefur hægt á smitum bæði í Kína og Suð­ur­-Kóreu en smit­uðum í öðrum lönd­um, m.a. Ítal­íu, fjölgar hratt. Þar í landi hafa 463 dauðs­föll verið rakin til COVID-19, sjúk­dóms­ins sem veiran veldur og hafa stjórn­völd gripið til þess ráðs að herða mjög á ferða­tak­mörk­un­um og setja á sam­komu­bann. For­sæt­is­ráð­herr­ann Giuseppe Conte segir þetta gert til­ að vernda við­kvæm­ustu hópa fólks. „Við þurfum öll að fórna ein­hverju fyr­ir­ vel­ferð Ítal­íu,“ sagði hann í sjón­varps­ávarpi í morgun. „Og við verðum að ger­a það nún­a.“

Conte lýsti aðgerð­unum með setn­ing­unni „ég verð heima“ – sem vísar til þess að fólki er bannað að safn­ast saman á almanna­færi. „Ekk­ert meira næt­ur­líf, við getum ekki leyft það lengur því við slík til­efni er hætta á smit­i.“

Aðeins þeir sem þurfa nauð­syn­lega að mæta til vinnu utan­ heim­ilis og þeir sem þurfa að sinna ætt­ingjum fá að ferð­ast. Lest­ar­stöðvar og flug­stöðvar eru vaktaðar og þeir sem hyggj­ast nýta sér þessa sam­göngu­máta þurfa að gera grein fyrir ferðum sín­um.

Aðgerðir vegna far­ald­urs­ins hafa einnig verið hertar í mörgum öðrum lönd­um. Allir þeir sem koma til Ísra­els þurfa nú að fara í tveggja vikna sótt­kví svo dæmi sé tek­ið.

Dönsk stjórn­völd gripu einnig til hertra aðgerða í morg­un­. ­Fólk er hvatt til að ferð­ast til og frá vinnu utan háanna­tíma og far­þegar almenn­ings­sam­gangna skulu gæta þess að standa ekki nálægt hver öðr­um. Flug­ferðum frá áhættu­svæð­u­m, m.a. Íran, Kína og svæðum í Suð­ur­-Kóreu, Aust­ur­ríki og Ítal­íu, verður aflýst ­með öllu. Þær tak­mark­anir taka gildi á mið­nætti og munu vara í að minnsta kost­i fjórtán daga. Mette Frederiksen, for­sæt­is­ráð­herra Dan­merk­ur, hvetur fólk til að ­taka ástandið alvar­lega. „Allir þurfa að breyta hegðun sinni til vernda þá sem eru við­kvæm­ast­ir,“ sagði hún á blaða­manna­fundi í dag. Hún benti á að nýja kór­ónu­veiran væri að breið­ast hratt út, mun hraðar en venju­leg inflú­ensa.

Á Íslandi hafa nú 65 greinst með veiruna og um 500 manns eru í sótt­kví. Í gær var ákveðið að skil­greina skíða­svæði í öllum Ölp­un­um, ekki að­eins á Norð­ur­-Ítalíu og í Aust­ur­ríki, sem áhættu­svæði. Fólk sem hefur ver­ið þar á ferð frá því í lok febr­úar þarf að fara í sótt­kví. 

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Hildur Björnsdóttir vill verða borgarstjóri – Ætlar að velta Eyþóri Arnalds úr oddvitasæti
Það stefnir i oddvitaslag hjá Sjálfstæðisflokknum í Reykjavík í prófkjöri flokksins fyrir komandi borgarstjórnarkosningar. Hildur Björnsdóttir ætlar að skora Eyþór Arnalds á hólm.
Kjarninn 8. desember 2021
Um þriðjungi allra matvæla sem framleidd eru í heiminum er hent.
Minni matarsóun en markmiðum ekki náð
Matarsóun Norðmanna dróst saman um 10 prósent á árunum 2015 til 2020. Í því fellst vissulega árangur en hann er engu að síður langt frá þeim markmiðum sem sett hafa verið. Umhverfisstofnun Noregs segir enn skorta yfirsýn í málaflokknum.
Kjarninn 8. desember 2021
Arndís Anna Kristínardóttir Gunnarsdóttir þingmaður Pírata.
Þingmaður fékk netfang upp á 53 stafbil
Nýr þingmaður Pírata biðlar til forseta Alþingis að beita sér fyrir því að þingið „þurfi ekki að beygja sig undir óþarfa duttlunga stjórnsýslunnar“.
Kjarninn 8. desember 2021
Árni Stefán Árnason
Blóðmeraníðið – fjandsamleg yfirhylming MAST og fordæming FEIF – Hluti II
Kjarninn 8. desember 2021
Ragnar Sigurðsson, fyrrverandi landsliðsmaður í knattspyrnu.
Fyrrverandi eiginkona Ragnar Sigurðssonar segir landsliðsnefndarmann ljúga
Magnús Gylfason, fyrrverandi landsliðsnefndarmaður hjá KSÍ, sagði við úttektarnefnd að hann hefði hitt Ragnar Sigurðsson og þáverandi eiginkonu hans á kaffihúsi daginn eftir að hann var talinn hafa beitt hana ofbeldi. Konan segir þetta ekki rétt.
Kjarninn 8. desember 2021
Róbert segist meðal annars ætla að fara aftur í fjallaleiðsögn.
Róbert hættir sem upplýsingafulltrúi ríkisstjórnarinnar – „Frelsinu feginn“
Upplýsingafulltrúi ríkisstjórnarinnar mun hætta störfum um áramótin. Hann segist vera þakklátur fyrir dýrmæta reynslu með frábærum vinnufélögum en líka frelsinu feginn.
Kjarninn 8. desember 2021
Í austurvegi
Í austurvegi
Í austurvegi – Samskiptasaga Kína og Íslands
Kjarninn 8. desember 2021
Stjórnmálaflokkar fá rúmlega 3,6 milljarða króna úr ríkissjóði á fimm árum
Níu stjórnmálaflokkar skipta með sér 728 milljónum krónum úr ríkissjóði árlega. Áætluð framlög voru 442 milljónum krónum lægri í upphafi síðasta kjörtímabils.
Kjarninn 8. desember 2021
Meira úr sama flokkiFréttaskýringar