Sól­veig Anna Jóns­dótt­ir, for­maður Efl­ing­ar, seg­ist harma að Vil­hjálmur Birg­is­son, for­maður Verka­lýðs­fé­lags Akra­ness, hafi sagt af sér sem fyrsti vara­for­seti Alþýðu­sam­bands Íslands (ASÍ) í dag. Þetta kemur fram í yfir­lýs­ingu sem hún birti á Face­book-­síðu sinni í kvöld.

„Vil­hjálmur hefur verið óþreyt­andi bar­áttu­maður fyrir bættum hag verka­fólks og heim­ila og öfl­ugur banda­maður minn og Efl­ingar á síð­ustu árum. Mik­ill missir er að honum úr sæti vara­for­seta Alþýðu­sam­bands­ins,“ skrifar hún.

Sam­tök atvinn­u­lífs­ins (SA) og ASÍ höfðu átt í ófor­m­­­legum við­ræðum um nokk­­­urt skeið um mála­­­leitan sam­tak­anna um að leita leiða til að draga tíma­bundið úr launa­­­kostn­aði fyr­ir­tæki. Á mán­u­dag sendi SA for­m­­­legt erindi þess efnis til samn­inga­­­nefndar ASÍ, sem var í dag hafnað með því afdrátt­­­ar­­­lausa svari að verka­lýðs­hreyf­­­ingin léði ekki máls á tíma­bund­inni lækkun launa­­­kostn­að­­­ar. Vil­hjálmur var ósam­mála því að hafna leið SA og sagði af sér emb­ætti í kjöl­far­ið. 

Ragnar Þór Ing­­ólfs­­son, for­­maður VR, sagði sig úr mið­­stjórn ASÍ strax á mán­u­dag­inn og sagði hann í sam­tali við Kjarn­ann í dag að hann teldi að kröftum sínum væri að svo stöddu ekki vel varið í að taka þátt í starfi innan sam­­bands­ins.

Hafn­aði að frek­ari byrgðum yrði velt yfir á vinn­andi fólk

Sól­veig Anna segir í yfir­lýs­ingu sinni að vegna vís­unar í umræður á vett­vangi samn­inga­nefndar ASÍ vilji hún taka fram að hún hafi fyrir hönd Efl­ingar hafnað því með öllu að frek­ari byrðum vegna Covid-19 far­ald­urs­ins, umfram það sem þegar er, verði velt yfir á vinn­andi fólk.

„Af­staða mín er sú að ef frek­ari stuðn­ings­að­gerða við vinnu­mark­að­inn sé þörf þá eigi ríkið að standa við fyr­ir­heit sín um við­bót­ar­að­gerð­ir, til dæmis með frek­ari rýmkun hluta­bóta­leið­innar eða tíma­bund­inni lækkun trygg­inga­gjalds. ­Mikið svig­rúm er til staðar í fjár­málum hins opin­bera og núver­andi aðgerða­pakki enn tals­vert minni en það sem sést hefur hjá nágranna­lönd­um. Meðan svo er get ég ekki fall­ist á að verka­lýðs­hreyf­ingin gefi afslátt af kjörum sinna félags­manna, allra síst lág­launa­fólks sem nú þegar berst í bökkum og hefur gert lengi. Ég hafna því að verka­lýðs­hreyf­ingin taki frum­kvæði að til­lögum um slíkt. Þessu hef ég komið skýrt á fram­færi á vett­vangi Alþýðu­sam­bands­ins,“ skrifar hún.

Þá bendir hún á að engum dylj­ist að miklir gallar séu á mörgum þáttum íslenska líf­eyr­is­kerf­is­ins, „en það getur ekki þýtt að lág­launa­fólk sem þiggur smán­ar­lega lágar líf­eyr­is­greiðslur við starfs­lok eigi að nota þær greiðslur til að kaupa atvinnu­rek­endur frá kostn­aði við að standa við kjara­bætur sem unn­ust með harðri bar­áttu verka­fólks.“

Sól­veig Anna hvetur í yfir­lýs­ing­unni til þess að verka­lýðs­hreyf­ingin standi saman og vinni af yfir­vegun við úrlausn þeirra miklu verk­efna sem við okkur blasa vegna Covid-19 veiru­far­ald­urs­ins.