Jón Atli Bene­dikts­son, rektor Háskóla Íslands, segir ótrú­lega sam­stöðu og þraut­seigju hafa ein­kennt starfs­menn og nem­endur síð­ustu vik­urn­ar. Bygg­ingar skól­ans verða opn­aðar á ný á mánu­dag en þeim var lokað vegna sam­komu­banns þann 16. mars. „Að sjálf­sögðu munum við hlýta öllum til­mæl­u­m,“ sagði Jón Atli á upp­lýs­inga­fundi almanna­varna í dag. „Við erum öll almanna­varnir og verðum það áfram þar til yfir lýk­ur.“

Á mánu­dag, 4. maí, verða fyrstu skrefin í aflétt­ingu sam­komu­banns tek­in. Þá mun leik- og grunn­skóla­starf kom­ast í eðli­legt horf og fram­halds­skólar og háskólar sömu­leiðis geta opnað bygg­ingar sínar fyrir nem­endum með þeim fjölda­tak­mörk­unum og öðru sem áfram verður í gildi.

Bygg­ingar háskóla Íslands eru þrjá­tíu tals­ins. „Þetta er stórt sam­fé­lag,“ sagði Jón Atli. Ráð­staf­anir verða gerðar til að hægt verði að virða tveggja metra regl­una og fjölda­tak­mark­anir sem mið­ast frá og með mánu­deg­inum við fimm­tíu manns. Próf­tíma­bil stendur nú yfir og sér­stök lesrými verða skil­greind í ákveðnum bygg­ingum og í skóla­stofum ef þörf reynd­ist á.

„Þá er spurn­ing­in, hver er lær­dóm­ur­inn og liggja tæki­færi í þessum aðstæð­um? Háskóli Íslands hefur eins og allar kennslu­stofn­anir lands­ins þurft að bregð­ast hratt við og end­ur­skipu­leggja alla starf­sem­ina nán­ast á einni nótt­u,“ sagði Jón Atli.

Öll kennsla hafi verið gerð raf­ræn og sömu sögu er að segja um próf og fundi. Það hefur gengið mjög vel.

En háskóli er sam­fé­lag. Og þó að fjar­nám hafi gef­ist vel séu sam­skipti augliti til auglitis ennþá mik­il­væg. „Það er nauð­syn­legt að þung­inn byggi áfram á mann­legum sam­skipt­um, rök­ræðum og gagn­kvæmri virð­ingu innan bygg­inga háskól­ans.“

Nú er unnið að þróun og skipu­lagi sér­staks sum­ar­náms. Boðið verður upp á und­ir­bún­ings­nám­skeið fyrir ein­stakar greinar eða fyrir háskóla­nám almennt. „Við erum að skoða alls konar mögu­leika,“ sagði Jón Atli. Hvað náms­fram­boð varðar segir Jón það líta vel út.