Eftir helgi munu um 800 nem­endur Tækni­skól­ans mæta í skól­ann á ný til að ljúka verk­legum þáttum í námi sínu. Þetta verður þó gert í skömmtum og á tveggja vikna tíma­bili. Alls eru um 2.600 nem­endur í marg­vís­legu námi í Tækni­skól­anum og reynt verður að ljúka önn­inni í fjar­námi eins og hægt er. „En svo eru ákveðnir þættir náms­ins sem ekki verða gerðir við stofu­borð­ið,“ sagði Hildur Ingv­ars­dótt­ir, skóla­meist­ari Tækni­skól­ans á upp­lýs­inga­fundi almanna­varna í dag. Við stofu­borðið skorti „yf­ir­leitt renni­bekki, málm­suðu­bása, gufu­pressur og vél­sagir“.

Á mánu­dag, 4. maí, verða fyrstu skrefin í aflétt­ingu sam­komu­banns tek­in. Þá mun leik- og grunn­skóla­starf kom­ast í eðli­legt horf og fram­halds­skólar og háskólar sömu­leiðis geta opnað bygg­ingar sínar fyrir nem­endum með þeim fjölda­tak­mörk­unum og öðru sem áfram verður í gildi.

Í Tækni­skól­anum hefur verið útbúið „sautján síðna excel-skjal af skipu­lagi og 800 stunda­skrár“ til að öllum til­mælum sótt­varna­læknis verði hægt að fram­fylgja. „Við munum að sjálf­sögðu fara eftir stíf­ustu reglum um tveggja metra fjar­lægð og svo fram­veg­is.“

Hildur sagði að kenn­arar og nem­endur hefðu almennt verið mjög útsjón­ar­samir og lausn­a­mið­aðir við að finna leiðir til að halda kennslu og námi áfram þrátt fyrir gjör­breyttar aðstæð­ur.

„­Stundum tölum við um COVID-­bylt­ing­una í kennslu­hátt­u­m,“ sagði Hild­ur. „Við tókum stórt stökk fram á við á svip­stund­u.“ Allir hafi lært gríð­ar­lega margt á stuttum tíma. Tæknin var oft fyrir hendi en ekki nýtt en nú varð að nota hana. „Fjar­námið hefur gengið vonum framar en ekki vand­kvæða­laust.“ Eitt það sem runnið hefur ræki­lega upp fyrir mörgum er hvað nær­veran skiptir miklu máli. Þannig séu margir fullir til­hlökk­unar að mæta aftur í skól­ann í haust.

„Ég held að við verðum með öfl­ugri fram­halds­skóla vegna þess að við komum með alls konar hluti út úr [ástand­inu] sem við getum tekið inn í áfram­hald­andi nám.“

Næstu daga og vikur munu nem­endur á öllum skóla­stigum leggja sig fram við að klára önn­ina. Hildur hvatti alla for­eldra og aðra for­ráða­menn til að hvetja nem­endur til dáða og styðja eins og þeim frekast er unn­t.  Loka­sprett­ur­inn er framund­an. Allir ættu að leggja mikið á sig við að styðja nem­endur til að ljúka önn­inni en stuðn­ingur fjöl­skyldna og sam­fé­lags­ins skiptir máli.

Hildur sagði miklu máli skipta að nem­endur hald­ist í námi og að brott­hvarf verði sem minnst. Ýmis­legt hafi verið gert til að reyna að tryggja það. Hún sagð­ist ekki vita hversu margir hafi dottið út úr námi í Tækni­skól­anum síð­ustu vikur og vonar að fjar­kennslan hafi ekki bitnað á gæðum kennsl­unn­ar.