Yfir­kjör­stjórn hefur viku til að fara yfir með­mæla­lista for­seta­fram­bjóð­enda og til­kynna með aug­lýs­ingu hverjir eru í fram­boði. Ekki er úti­lokað að slík aug­lýs­ing birt­ist fyrr.

Þetta kemur fram í svari dóms­mála­ráðu­neyt­is­ins við fyr­ir­spurn Kjarn­ans.

For­seta­kosn­ing­arnar fara fram þann 27. júní næst­kom­andi en kosn­ing utan kjör­fundar erlendis hefst mánu­dag­inn 25. maí. Fram kom í fréttum RÚV í gær að Guðni Th. Jóhann­es­son og Guð­mundur Frank­lín Jóns­son hefðu skilað inn fram­boði til for­seta en fram­boðs­frestur rann út á mið­nætti.

Fram­boð til emb­ættis for­seta Íslands telj­ast ekki gild fyrr en fram­bjóð­endur hafa skilað inn til­skildum fjölda með­mæl­enda, 1500 til 3000 á lands­vísu, en ákveðið hlut­fall und­ir­skrifta þarf að ber­ast úr hverjum lands­fjórð­ungi.

Guð­­mundur Frank­lín ákvað að bjóða sig fram til for­­seta Íslands í apr­íl. Í ræðu sem hann flutti í gegnum Face­­book kom fram að það væri gert eftir nokkra íhugun og mikla hvatn­ingu. Fram­­boð hans myndi í meg­in­þáttum snú­­ast um að efla for­­seta­emb­ætt­ið, nýta mál­skots­rétt­inn og leggja sitt af mörkum til að berj­­ast gegn spill­ingu.

Hann bauð sig líka fram til for­­seta árið 2016 en dró þá fram­­boð sitt til baka nokkrum vikum síðar og lýsti yfir stuðn­­ingi við Ólaf Ragnar Gríms­­son, sem hætti stutt­­lega við að hætta við að sækj­­ast eftir end­­ur­­kjöri. Ólafur Ragnar dró svo fram­­boð sitt til baka og var ekki í fram­­boði þá um sum­­­ar­ið.

Guðni Th. safn­aði hámarks­­­fjölda með­­­mæla fyrir fram­­boð sitt á nokkrum klukku­tímum þann 8. maí síð­ast­lið­inn en hann óskaði eftir und­ir­skriftum í gegnum sam­fé­lags­miðla.