Tvö inn­an­lands­smit af Covid-19 greindust á Íslandi í gær í tveimur aðgreindum mál­um. Þetta kemur fram í frétta­til­kynn­ingu frá Almanna­vörnum og emb­ætti land­lækn­is­.  

Þar segir að báðir ein­stak­lingar séu ­með ein­kenni Covid-19 veirunnar og komnir í ein­angr­un. 

„Í öðru mál­inu hafa nokkrir verið sett­ir í 14 daga sótt­kví. Í hinu mál­inu hafa á þriðja tug verið settir í sótt­kví. Þar hafði ein­stak­lingur tekið þátt í frjáls­í­þrótta­móti í Hafn­ar­firði um síð­ustu helgi. Þeir sem voru útsettir fyrir smiti eru komnir í 14 daga ­sótt­kví en smitrakn­ingu er þó ekki lok­ið," segir í til­kynn­ing­unni.

Frjáls­í­þrótta­sam­band Íslands er með­vitað um stöð­una og vinnur nú að því að gera við­eig­and­i ráð­staf­an­ir. Mótið sem um ræðir er Meist­ara­mót Íslands 15-22 ára sem haldið var í Kaplakrika, en þar öttu yfir 200 ung­menni frá félögum af öllu land­inu kappi. 

Almanna­varna­deild rík­is­lög­reglu­stjóra og emb­ætti land­læknis biður fólk sem sótti umrætt frjáls­í­þrótta­mót að gæta var­úðar og huga að ein­stak­lings­bundnum smit­vörn­um. „­Leiki minnsti vafi á hvort ein­kenni Covid-19 veirunnar séu til staðar er sá hinn sami beð­inn um að fara í sýna­töku á næst­u heilsu­gæslu­stöð," segir í til­kynn­ing­unni.

Síð­ast kom fram inn­an­lands­smit hér á landi 2. júlí.