Sex ný kór­ónu­veirusmit greindust inn­an­lands í gær, öll hjá sýkla- og veiru­fræði­deild sem greindi alls 291 sýni. Hlut­fall jákvæðra sýna var því rétt rúm­lega tvö pró­sent. Fimm af þeim sem greindust með kór­ónu­veiruna í gær voru í sótt­kví. Í ein­angrun eru nú 117 en voru 115 í gær.

Fjöldi ein­stak­linga í sótt­kví er nú 919 en í gær voru 850 í sótt­kví. Einn ein­stak­lingur liggur á sjúkra­húsi líkt og í gær, þó ekki á gjör­gæslu. 14 daga nýgengi fyrir inn­an­lands­smit er nú 18,3 á hverja 100.000 íbúa. Það hefur hækkað dag frá degi síðan 20. ágúst þegar nýgengi var um 15. Þá hafði nýgengi smita lækkað umtals­vert frá því það náði hámarki í um 27 þann 8. ágúst síð­ast­lið­inn.

Á landa­mær­unum fóru alls 1365 í skim­un. Mótefna­mæl­ingar er beðið hjá tveimur ein­stak­ling­um. Nýgengi smita á landa­mær­unum er 12,3 á hverja 100.000 íbúa og hefur hald­ist nokkuð stöðugt síð­ustu vik­una.

Almanna­varna­deild rík­is­lög­reglu­stjóra og emb­ætti land­læknis hafa boðað til upp­lýs­inga­fundar klukkan 14 í dag. Á fund­inum munu Kamilla Sig­ríður Jós­efs­dótt­ir, stað­geng­ill sótt­varna­lækn­is, og Alma D. Möll­er, land­lækn­ir, fara yfir stöðu mála varð­andi fram­gang kór­ónu­veiru­far­ald­urs­ins hér á landi ásamt Rögn­valdi Ólafs­syni, aðstoð­ar­yf­ir­lög­reglu­þjóni.