Þrátt fyrir varn­að­ar­orð banda­rísku sótt­varna­stofn­un­ar­innar hafa millj­ónir manna lagt land undir fót síð­ustu daga í til­efni þakk­ar­gjörð­ar­há­tíð­ar­inn­ar. Og það á meðan smitum er enn að fjölga dag frá degi. En Banda­ríkin eru ekki sér á báti. Evr­ópu­ríki hafa glímt við sama vanda síð­ustu vikur og nú hafa lönd í Aust­ur-Asíu, sem hrósað hefur verið fyrir fádæma­lausan árangur í bar­átt­unni við kór­ónu­veiruna, einnig bæst í þennan hóp. 

Í Jap­an, Suð­ur­-Kóreu og Hong Kong hafa tak­mark­anir á ferðum fólks verið inn­leiddar að nýju eftir að smitum tók að fjölda hratt á ný. Skýr­ing­arnar á bakslag­inu eru marg­ar. Almenn­ingur er orð­inn lang­þreyttur á ástand­inu og er far­inn að upp­lifa hina umtöl­uðu far­sótt­ar­þreytu og hættur að fara eftir ströng­ustu sótt­vörn­um. Þá fer pirr­ingur í garð stjórn- og yfir­valda einnig vax­andi. Ekki má svo gleyma kald­ara veðri – sem eru kjörað­stæður fyrir hina skæðu veiru að grass­era.

Stjórn­völd í Japan ákváðu að fara „ís­lensku leið­ina“ og hvetja lands­menn til að ferð­ast inn­an­lands og fara út að borða. Allt átti þetta að ýta vel við hag­kerf­inu en sner­ist upp í and­hverfu sína og varð olía á eld þriðju bylgju far­ald­urs­ins. Sú bylgja stendur enn yfir og í henni hefur hvert smit­fjölda­metið verið slegið á fætur öðru.

Í vik­unni ákváðu borg­ar­yf­ir­völd í Seúl í Suð­ur­-Kóreu að loka börum og næt­ur­klúbb­um. Þá voru fjölda­tak­mark­anir settar á veit­inga­stöð­um. Aflétt­ing fyrri aðgerða hafði verið skamm­góður vermir og leitt að lokum til mik­illar fjölg­unar í smit­um.

­Sama leið var farin í Hong Kong í vik­unni. Engir barir og næt­ur­klúbbar eru opn­ir. Í síð­ustu viku var búið að ákveða að fresta fram­kvæmd ferða­banda­lags við Singapúr, banda­lags sem átti að tryggja frjáls og örugg ferða­lög fólks milli svæð­anna tveggja. Þessa til­rauna­verk­efnis hafði verið beðið með nokk­urri eft­ir­vænt­ingu og átti að vera upp­hafið að sótt­kví­ar­lausum ferða­lögum milli landa í Asíu. En áður en verk­efn­inu var ýtt úr vör hafði kór­ónu­veiran náð að skjóta aftur upp sínum smit­andi kolli í Hong Kong.   

Þó að lönd í Aust­ur-Asíu séu að glíma við veiruna í auknum mæli er bar­áttan þar ekki nándar nærri eins erfið og víða í Evr­ópu og í Banda­ríkj­un­um. Dag­lega eru nú að grein­ast um 2.000 til­felli í Japan á dag, um 300 í Suð­ur­-Kóreu og á mánu­dag greindust 73 með kór­ónu­veiruna í Hong Kong. Til sam­an­burðar þá eru um 150 þús­und manns að grein­ast í Banda­ríkj­unum á hverjum degi um þessar mund­ir.

Yfir­völd í Japan ætla ekki að bíða eftir því að far­ald­ur­inn fari úr bönd­un­um. Þau hafa sér­stakar áhyggjur þar sem hlut­fall aldr­aðra er hærra þar í landi en víða ann­ars stað­ar. Þá ótt­ast þau að vetr­ar­kuldi verði til þess að veiran kom­ist frekar á flug milli fólks.