Fjár­mála­eft­ir­lit Nor­egs hefur varað norska bank­ann DNB við sekt upp á 5,7 millj­arða íslenskra króna ef vegna lélegra varna gegn pen­inga­þvætti og fjár­mögnun hryðju­verka. Rík­is­sak­sókn­ari Nor­egs rann­sakar nú bank­ann vegna gruns um að hafa komið fjár­munum Sam­herja í skatta­skjól.

DNB greindi sjálfur frá aðvör­un­inni í til­kynn­ingu sem barst kaup­höll­inni í Osló í dag. Sam­kvæmt henni fram­kvæmdi fjár­mála­eft­ir­lit Nor­egs reglu­bundna grein­ingu á vörnum bank­ans og birti á dög­unum skýrslu byggða á henni. Sam­kvæmt skýrsl­unni á bank­inn í hættu á að greiða 400 millj­ónir norskra króna í sekt, breyti það ekki vörnum sín­um, en það gildir 5,7 millj­örðum íslenskra króna. 

Bank­inn til­tekur að hann sé ekki grun­aður um hvít­þvætti, heldur hafi fjár­mála­eft­ir­litið gagn­rýnt hann fyrir að halda ekki uppi nægum vörnum til þess að fram­fylgja þar­lendum lögum sem koma eigi í veg fyrir pen­inga­þvætti og fjár­mögnun hryðju­verka.

 Enn fremur tekur DNB fram að hann muni ganga að skil­yrðum sem til­greind eru í skýrslu fjár­mála­eft­ir­lits­ins. Hins vegar greinir bank­inn ekki nánar frá því hver þessi skil­yrði eru, en sam­kvæmt honum er ekki hægt að til­kynna inni­hald skýrslu fjár­mála­eft­ir­lits­ins frekar, þar sem rann­sókn hennar á bank­anum sé ekki lok­ið. 

Rann­sókn vegna Sam­herj­a­máls­ins

Form­leg rann­sókn stendur nú yfir hjá rík­is­sak­sókn­ara Nor­egs vegna við­skipta­hátta DNB við Sam­herja. Sam­kvæmt umfjöllun Kveiks, Stund­ar­inn­ar, Wiki­leaks og Al Jazeera var hluti þeirra pen­inga sem Sam­herji færði inn á reikn­inga DNB skráður í skatta­skjól­inu Mars­hall-eyj­u­m. 

DNB lok­aði á reikn­inga Sam­herja á árinu 2018 vegna gruns um að þeir væru not­aðir til að stunda pen­inga­þvætti. Í kjöl­farið hóf bank­inn inn­an­hús­rann­sókn á mál­inu og til­kynnti hann nið­ur­stöður hennar svo til norsku efna­hags­brota­lög­regl­unn­ar, Økokrim, í lok nóv­em­ber­mán­aðar í fyrra. 

Kjarn­inn greindi svo frá því í haust að æðsti yfir­maður Økokrim hafði lýst sig van­hæfan til þess að fjalla um málið vegna fyrri starfa sinna í lög­mennsku. Málið var í kjöl­farið fært frá efna­hags­brota­lög­regl­unni til rík­is­sak­sókn­ara, sem hefur það nú á sínu borði.