Rétt­ar­höld yfir sjö mönnum sem hafa verið í haldi namibískra yfir­valda vegna spill­ingar og mútu­greiðslna í tengslum við úthlutun afla­heim­ilda til félaga tengdum Sam­herja í Namibíu hefj­ast 22. apríl á næsta ári.  ­Menn­irnir sjö, þar af tveir fyrr­ver­andi ráð­herrar lands­ins, verða áfram í haldi yfir­valda þangað til.

Þetta varð ljóst við fyr­ir­töku í mál­inu í Wind­hoek höf­uð­borg Namibíu í morg­un, sam­kvæmt fréttum namibískra fjöl­miðla, meðal ann­arra Infor­m­anté. 

Einnig kom þar fram af hálfu ákæru­valds­ins að þrír menn til við­bótar verði ákærðir í mál­inu. Þeirra á meðal er lög­fræð­ingur að nafni Maren de Klerk, sem fór til Suð­ur­-Afr­íku í upp­hafi árs og hefur verið þar síð­an. Sak­sókn­ari sagð­ist búast við því að tveir menn yrðu hand­teknir á næstu dög­um.

Flestir mann­anna hafa setið í gæslu­varð­haldi frá því í nóv­em­ber í fyrra, en sjömenn­ing­arnir eru Bern­hard Esau fyrr­ver­andi sjáv­ar­út­vegs­ráð­herra, Sacky Shang­hala fyrr­ver­andi dóms­mála­ráð­herra, James Hatuikulipi fyrr­ver­andi stjórn­andi rík­is­út­gerð­ar­innar Fischor og Tam­son Hatuikulipi frændi hans, sem einnig er tengda­sonur Bern­hard Esau, og þeir Ricardo Gusta­vo, Pius Mwa­telulo og Mike Nghip­unya. Flestir þeirra hafa þegar verið ákærð­ir.

Sam­kvæmt frétt á namibíska frétta­vefnum NBC hefur rík­is­sak­sókn­ari Namibíu nú lokið rann­sókn sinni á mál­inu, en fyrir dag­inn í dag höfðu namibískir frétta­miðlar sagt frá því að ef ákæru­valdið myndi óska eftir frek­ari fresti til þess að ljúka rann­sókn­inni gæti farið svo að mönn­unum yrði sleppt úr haldi, en lög­menn þeirra hafa sagt mála­rekstur yfir­valda hafa dreg­ist úr hófi fram.

Fischor og Fis­hrot

Síðan Sam­herj­a­skjölin komu upp á yfir­borðið í nóv­em­ber í fyrra eftir umfjöllun Kveiks, Stund­ar­innar og fleiri miðla um skjöl sem Wiki­leaks fékk í hendur frá upp­ljóstr­ar­anum Jóhann­esi Stef­áns­syni, hefur namibíska lög­reglan verið með málið til rann­sókn­ar. 

Flestir sak­born­ing­anna voru hand­teknir í þeim sama mán­uði og síðan þá hafa yfir­völd und­ir­byggt mála­rekst­ur­inn gegn þeim – og öðr­um.

Um tvö aðskilin mál að ræða, sem gerður er skýr grein­ar­munur á í frétta­flutn­ingi Namibian í dag. Ann­ars vegar er um að ræða Fis­hcor-­málið og hins vegar Fis­hrot-­mál­ið, að sögn blaðs­ins.

Málið sem nú hefur verið ákveðið að taka til með­ferðar í apríl er Fis­hcor-mál­ið, en það lýtur að mis­notkun stjórn­mála­manna og ann­arra ákærðra á aðstöðu sinni, til þess að hagn­ast sjálfir á úthlutun afla­heim­ilda með því að þiggja mút­ur.

Í Fis­hrot-­mál­inu er hins vegar sér­stak­lega til umfjöll­unar sá vafa­sami milli­ríkja­samn­ingur sem gerður var á milli Namibíu og Angóla um hrossa­makríl­kvóta. Rík­is­sak­sókn­ari Namibíu segir samn­ing­inn svika­myllu sem sett hafi verið upp með virkri þátt­töku Sam­herja. Í því máli hefur rík­is­sak­sókn­ari Namibíu sagt ætlan sína að ákæra félög tengd Sam­herja og stjórn­endur þeirra.

Sam­kvæmt frétta­skoti The Namibian á Twitter óskaði sak­sókn­ari eftir fresti til 26. mars til þess að leggja fram end­an­legar ákærur í Fis­hrot-­mál­inu, en fékk frest til 5. febr­ú­ar.

Við­bót kl. 14:05: Í nýrri frétt Infor­m­anté kemur reyndar fram að sak­sókn­ari hafi í morgun sagt að rík­is­sak­sókn­ar­inn hafi í hyggju að slá mál­unum tveimur saman í eitt.