Fjár­festa­hóp­ur­inn Strengur hefur nú náð meira en 50 pró­sentum atkvæða alls hluta­fjár í Skelj­ungi, en eign­ar­hlutur hans í félag­inu nam 38 pró­sentum fyrir viku síð­an. Líf­eyr­is­sjóð­irnir Gildi, Frjálsi, Festa, Stapi og Lífs­verk stað­festa allir að þeir hafi ekki selt hlut sinn í Skelj­ungi til Strengs, auk þess sem tals­menn Birtu segja að hlutur sjóðs­ins í félag­inu hafi ekki minnkað um meira en tvö pró­sent. 

Kjarn­inn hefur fjallað um áform Strengs um yfir­töku á Skelj­ungi, en hóp­ur­inn bauðst til þess að kaupa alla útistand­andi hluti félags­ins á 8,3 krónum á hlut. Ein­ungis rúm­lega tvö pró­sent hlut­hafa þáðu það þegar til­boðs­frest­ur­inn rann út á mánu­dag­inn, en þá var mark­aðsvirði Skelj­ungs í Kaup­höll­inni nokkuð hærra. Með því stækk­aði eign­ar­hlutur hóps­ins í félag­inu úr 38 pró­sentum í 41,6 pró­sent, eftir að leið­rétt var fyrir eigin hlut­u­m. 

Í gær til­kynnti svo Fjár­mála­eft­ir­litið að Strengur hafði bætt enn meira við eign­ar­hlut sinn með kaupum á 90 milljón hlut­um, þar sem 40 millj­ónir þeirra voru keyptar á 12 pró­senta afslætti og 50 millj­ónir á 2 pró­senta afslætti, miðað við gengi félags­ins í gær. 

Seinna í gær­kvöldi bár­ust svo tvær til­kynn­ingar til við­bótar frá Fjár­mála­eft­ir­lit­inu, þar sem Strengur var fyrst kom­inn með 49,59 pró­sent atkvæða­rétta í félag­inu eftir kaup á 84,7 milljón hlutum í félag­inu, og svo þar sem hlut­fall atkvæða­rétta var komið í 50,06 pró­sent eftir kaup á 9 milljón hlutum til við­bót­ar. Því hefur Strengur bætt við sig rúmum 11 pró­sentum í Skelj­ungi á einni viku.

Líf­eyr­is­sjóð­irnir Gildi, Frjálsi, Festa, Birta, Lífs­verk og Stapi eru stærstu eig­endur Skelj­ungs, að Strengi und­an­skild­um, og eiga um 37 pró­sent í félag­inu. Í sam­tali við Kjarn­ann á mánu­dag­inn stað­festu sjóð­irnir að þeir höfðu hafnað yfir­tökutil­boði Strengs, en flestir þeirra sögðu ástæð­una vera þá að til­boðs­verðið hafi verið of lágt, auk þess sem þeir lögð­ust gegn yfir­lýstum áformum hóps­ins um að skrá Skelj­ung af mark­að­i. 

Allir sjóð­irnir nema Birta stað­festu svo í dag að þeir tóku ekki þátt í neinum af kaupum Strengs á hlutafé í Skelj­ungi þessa vik­una. Birta vildi ekki veita nákvæmar upp­lýs­ingar um við­skipti við Streng á síð­ustu dögum en bætti þó við að eign­ar­hlutur sjóðs­ins í félag­inu, sem nam tæp sjö pró­sentum fyr­ir, sé enn yfir fimm pró­sent­u­m.