Fólk sem er ekki í námi getur nú sótt um herbergi hjá Félagsstofnun stúdenta

Vegna áhrifa COVID-faraldursins á háskólakennslu eru biðlistar eftir herbergjum með sameiginlegri eldhúsaðstöðu og dvalarrýmum styttri en venjulega hjá Félagsstofnun stúdenta. Fólk sem er ekki í námi getur nú sótt um slík herbergi í fyrsta sinn.

Oddagarðar við Sæmundargötu eru nú á meðal þeirra stúdentagarða þar sem fólk sem ekki er í námi getur sótt um herbergi til leigu.
Oddagarðar við Sæmundargötu eru nú á meðal þeirra stúdentagarða þar sem fólk sem ekki er í námi getur sótt um herbergi til leigu.
Auglýsing

Félagsstofnun stúdenta (FS) býður nú í fyrsta sinn fólki sem er ekki í námi að sækja um herbergi til leigu. Vegna áhrifa COVID-19 eru biðlistar eftir herbergjum með sameiginlegum eldhúsum og dvalarrýmum sem FS býður til leigu í nokkrum af sínum stúdentagörðum styttri en venjulega, segir Rebekka Sigurðarsdóttir, upplýsingafulltrúi FS, í samtali við Kjarnann.

Það skýrist af því að erlendir nemar eru ekki að skila sér til landsins í þeim mæli sem reiknað var með og nemendur með lögheimili utan höfuðborgarsvæðisins eru sumir hverjir að segja upp leigusamningum sínum og sjá, kannski eðlilega, ekki tilgang í því að dvelja í Reykjavík á meðan háskólanámið fer fram á netinu.

Það er nýlunda hjá FS að einstaklingar sem ekki eru í námi geti sótt um herbergi, en þeir fara aftast í forgangsröðina þegar kemur að úthlutun. Enginn sem er ekki í námi er kominn með herbergi, en nokkrir hafa þegar haft samband við FS og sýnt áhuga, segir Rebekka. Um er að ræða herbergi með sameiginlegum eldhús- og dvalarrýmum, á Gamla Garði, Mýrargarði og Oddagörðum.

Auglýsing

Einnig er framhaldsskóla- og iðnnemum gefinn kostur á því að sækja um herbergi núna og gæti það nýst þeim sem eru á lokaári sínu og hyggja á háskólanám og búsetu í húsnæði á vegum FS í haust, til þess að komast fyrr að.

Fólk bíður með að þiggja íbúðir og sér til hvernig faraldurinn þróast

„Þetta COVID-ástand hefur auðvitað haft áhrif á okkur eins og alla aðra, þannig að í augnablikinu eru færri á biðlistum hjá okkur en alla jafna, í eðlilegu árferði,“ segir Rebekka. Ennþá eru þó töluverðir biðlistar, en þeir segja ekki nema hálfa söguna. Rebekka segir að þrátt fyrir að hundruð séu á biðlistum séu fleiri en venjulega sem ekki þiggi úthlutanir sínar og vilji sjá til hvernig málin þróast varðandi faraldurinn og staðkennsluna.

Í upphafi árs 2020 tók FS stærsta stúdentagarð á landinu í notkun, „kortér í COVID“, eins og Rebekka lýsir. Þá opnaði Mýrargarður, nýr stúdentagarður á háskólasvæðinu sem hýsir tæplega 300 manns og létti það nokkuð á biðlistum FS. 

Nú er staðan sú að töluvert minni eftirspurn er eftir herbergjum á vegum FS en venjulegt er og ákveðið var að rýmka úthlutunarreglurnar í því ljósi. Forgangur við úthlutun herbergja er nú eftirfarandi:

  • A. Núverandi íbúar sem uppfylla almenn skilyrði um úthlutun
  • B. Erlendir stúdentar sem njóta forgangs (Tiltekinn fjöldi styrkþega á vegum menntamálaráðuneytis, Háskóla Íslands eða Fulbrightstofnunar. Njóta forgangs við úthlutun tvíbýla og herbergja á Gamla Garði.)
  • C. Nemar í HÍ – lögheimili utan höfuðborgarsvæðis
  • D. Nemar í HÍ – lögheimili innan höfuðborgarsvæðis
  • E. Nemar í öðrum háskóla
  • EE. Nemar í framhalds- eða iðnskóla
  • E3. Ekki í námi

Eins og sjá má ganga núverandi íbúar sem uppfylla almenn skilyrði um úthlutun fyrir þegar kemur að úthlutun herbergja á stúdentagörðum FS, þá erlendir nemar sem njóta forgangs og svo aðrir háskólanemar. 

Aftast í röðinni eru nemar í framhalds- eða iðnskólum og þeir sem ekki eru í námi. Þannig verður röðin einnig þegar kemur að úthlutun fyrir komandi haust.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Einstök lönd geta ekki „bólusett sig út úr“ faraldrinum
Þrjú ríki heims hafa bólusett yfir 70 prósent íbúa. Ísland er eitt þeirra. Hlutfallið er undir 1,5 prósenti í Afríku. Ef ekki næst að koma því í 10 prósent bráðlega verður það „ör á samvisku okkar allra“ enda nóg til af bóluefnum, segir sérfræðingur WHO.
Kjarninn 1. ágúst 2021
Fékk „bakteríuna“ eftir Söngvakeppni sjónvarpsins
„Lögin hafa orðið til á yfir 20 ára tímabili og er því nokkur breidd í þessu hjá mér; allt frá stígandi ballöðum til eins konar rokkóperu,“ segir Pétur Arnar Kristinsson sem blásið hefur til söfnunar fyrir útgáfu fyrstu breiðskífu sinnar.
Kjarninn 1. ágúst 2021
Smári McCarthy er að hætta á þingi og ætlar í kjölfarið að láta reyna á sitt eigið hugvit í tengslum við loftslagsbreytingar.
„Flokkarnir voru að þvælast fyrir hvorum öðrum“ og niðurstaðan varð núll
Smára McCarthy fráfarandi þingmanni Pírata finnst sem undanfarin fjögur ár hafi litast af því að lítið ráðrúm hafi verið til þess að ræða pólitík, þar sem stjórnarflokkarnir eru ósammála um mörg grundvallarmálefni.
Kjarninn 1. ágúst 2021
Það er fremur fátítt að sólarhringsúrkoma í Reykjavík mælist meira en 20 mm eða meiri að sumarlagi.
Rignir af meiri ákefð nú en áður?
Fátt bendir til þess að Ísland sleppi alfarið við aftakaúrkomu sem nágrannaríki okkar hafa upplifað á síðustu árum, skrifar Einar Sveinbjörnsson veðurfræðingur og veltir fyrir sér getu fráveitukerfa til að taka við meiriháttar vatnsflaumi.
Kjarninn 1. ágúst 2021
Norska kvennaliðið í strandhandbolta að loknu Evrópumeistaramótinu í Búlgaríu á dögunum.
Bikiní- og stuttbuxnadeilan
Nýafstaðið Evrópumeistaramót í strandhandbolta vakti mikla athygli víða um heim. Það var þó ekki keppnin sjálf sem dró að sér athyglina heldur deilur um klæðnað. Nánar tiltekið klæðnað norska kvennalandsliðsins.
Kjarninn 1. ágúst 2021
Joe Biden forseti Bandaríkjanna tilkynnti í apríl að viðskiptaþvingunum yrði beitt á Rússland vegna njósnanna.
Brotist inn í tölvupósta bandarískra saksóknara
Óttast er að viðkvæmum gögnum hafi verið stolið er brotist var inn í tölvur tæplega þrjátíu embætta saksóknara í Bandaríkjunum á síðasta ári. Bandarísk yfirvöld telja Rússa standa að baki árásinni.
Kjarninn 31. júlí 2021
Eftir helgi verða breytingar á ferðatakmörkunum til Bretlands.
Fagna ákvörðun Breta um að bólusettir sleppi við sóttkví
„Hvenær ætla Bandaríkin að svara í sömu mynt?“ spyrja Alþjóða samtök flugfélaga sem fang ákvörðun Breta um að aflétta sóttkvíarkröfum á bólusetta farþega frá Bandaríkjunum og ESB-ríkjum.
Kjarninn 31. júlí 2021
Eggert Gunnarsson
Hamfarakynslóðin
Kjarninn 31. júlí 2021
Meira úr sama flokkiInnlent