„Hvar varst þú um helgina? Er það eitthvað sem við erum stolt af?“

Þrátt fyrir að vel gangi innanlands í baráttunni gegn kórónuveirunni telur sóttvarnalæknir ekki ástæðu til að slaka frekar á aðgerðum. Ekki megi gleyma að smit á landamærum hafa einnig áhrif innanlands.

Þórólfur Guðnason og Alma Möller.
Þórólfur Guðnason og Alma Möller.
Auglýsing

„Þó að það gangi vel þessa dag­ana er ekki ástæða til þess að mínu mati að slaka frekar á inn­an­land­s­tak­mörk­unum á þess­ari stundu. Við viljum ekki taka áhætt­una á því að fá hér frek­ari útbreiðslu eins og sakir standa.“



Þetta sagði Þórólfur Guðna­son sótt­varna­læknir á upp­lýs­inga­fundi almanna­varna í dag. Hann sagði að nú yrði farið hægar í til­slak­anir en áður og Alma Möller land­læknir sagði að reynslan hefði kennt okkur að það þurfi lítið til að far­ald­ur­inn gjósi upp aftur líkt og gerð­ist hér inn­an­lands í þriðju bylgj­unni.



Í gær greind­ist einn ein­stak­lingur með COVID-19 inn­an­lands og var hann í sótt­kví. Fjórir greindust á landa­mær­un­um. Færri sýni hafa verið tekin síð­ustu daga en oft áður og var hvatt til þess á upp­lýs­inga­fund­inum að fólk sem hefði minnstu ein­kenni færi í sýna­töku. „Það er algjör­lega þunga­miðjan í því sem við erum að ger­a,“ sagði sótt­varna­lækn­ir.

Auglýsing


Síð­ustu upp­lýs­ingar úr rað­grein­ingum eru þær að 43 hafa greinst með breska afbrigði veirunnar hér á landi, þar af sjö inn­an­lands.  Allir tengj­ast þeir fólki sem greind­ist með afbrigðið á landa­mær­un­um. Hlut­fall smita á landa­mærum er núna í kringum eitt pró­sent, sem er mun hærra en í haust og end­ur­speglar stöðu far­ald­urs­ins erlend­is.

Ekki fara til útlanda að óþörfu



 „Staðan er almennt séð nokkuð góð,“ sagði Þórólfur Guðna­son sótt­varna­lækn­ir, „en ég minni á það að ein­stak­lingar sem eru að grein­ast á landa­mær­unum eru að veikj­ast og sumir að leggj­ast inn á sjúkra­hús.“



Hann hvetur fólk til að vera ekki að fara erlendis að óþörfu. Hann minnir á að þó að fáir liggi á Land­spít­ala vegna COVID-19 er ástandið á spít­al­anum erfitt vegna ann­arra sjúk­dóma.  



Rúm­lega 4.500 manns hafa fengið báðar sprautur bólu­efnis og eru því full­bólu­sett­ir. Í þess­ari viku er von á 1.200 skömmtum af bólu­efni Moderna til lands­ins og um 2.000 skömmtum af bólu­efni Pfiz­er. Með þeim verður haldið áfram að bólu­setja eldra fólk og fram­línu­starfs­menn.

Nýju afbrigðin valda áhyggjum



Land­læknir sagði að vissu­lega værum við í góðri stöðu inn­an­lands, sér­stak­lega ef litið væri til nágranna­landan­anna þar sem smitum væri að fjölga, inn­lögnum á gjör­gæslu­deildir sömu­leiðis sem og dauðs­föll­um. Að hluta til skýrist það ástand af nýjum og meira smit­andi afbrigðum veirunn­ar.



Evr­ópska sótt­varna­stofn­unin fjall­aði um þrjú afbrigði veirunnar sem menn hafa áhyggjur af í skýrslu sem kom út á föstu­dag. Alma fór yfir hvert afbrigði fyrir sig á fund­in­um.



Breska afbrigðið komst á flug í suð­ur­hluta Bret­lands í des­em­ber þrátt fyrir þær miklu tak­mark­anir sem þar voru í gangi. Það hefur nú fund­ist í sex­tíu öðrum lönd­um, þar af í 23 Evr­ópu­ríkj­um. Útbreiðslan er t.d. hröð í Dan­mörku, á Írlandi og í Hollandi.



Alma sagði að afbrigðið væri meira smit­andi en eldri afbrigði en að ekki hefði verið sýnt fram á að það sé hættu­legra og valdi meiri veik­ind­um. Hins vegar hafi fjöldi dauðs­falla í Bret­landi aldrei verið meiri. Í fyrstu var talið að það smit­aði meira börn en önnur afbrigði en það hefur ekki verið stað­fest. Talið er að bólu­efnin virki gegn því en mjög vel er fylgst með smitum hjá fólki sem fengið hefur bólu­setn­ingu.



­Suð­ur­a­fríska afbrigðið greind­ist fyrst í októ­ber og hefur breiðst hratt út um sunn­an­verða Afr­íku. Það er líkt og hið breska meira smit­andi en ekki er vitað hvort að það veldur alvar­legri veik­ind­um. Það hefur nú greinst í tíu Evr­ópu­löndum og á öllum hinum Norð­ur­lönd­un­um. Alma sagði að menn hefðu áhyggjur af því að fólk sem fengið hefði COVID-19 gæti smit­ast aftur af hinu suð­ur­a­fríska afbrigði. Einnig væru vís­bend­ingar um að bólu­efnin kunni að virka verr á það en önn­ur.



Þriðja afbrigðið greind­ist í Bras­ilíu og hefur borist með ferða­löngum þaðan til að minnsta kosti tveggja landa. Það er nú talið útbreitt á Amazon-­svæðum Bras­ilíu og hefur valdið álagi á heil­brigð­is­kerfið þar. Frek­ari upp­lýs­ingar um afbrigðið liggja ekki enn fyr­ir.

Alma Möller fór yfir ný afbrigði kórónuveirunnar. Mynd: Lögreglan



Evr­ópska sótt­varna­stofnin hvetur ríki til að vera á varð­bergi og auka hlut­fall rað­grein­inga. Alma sagði á að hér á landi væri hvert ein­asta smit rað­greint og að Íslenskri erfða­grein­ingu yrði seint full­þakkað fyrir það.



Alma minnti á að aðgerðir á landa­mærum væru m.a. til þess að lág­marka hætt­una á því að smit af þessum afbrigðum ber­ist hingað til lands. „Því verðum við að halda vöku okkar og fylgja reglum vel, hér inn­an­lands lík­a.“ Alma sagði svo að „snemm­grein­ing“ væri áfram horn­steinn í bar­átt­unni við veiruna. „Gleymum því ekki.“

Getur læðst aftan að okkur



Þórólfur var spurður af hverju ekki væri tíma­bært að slaka á aðgerðum inn­an­lands, ef ekki nú þá hvenær? Hann sagði reynsl­una hafa sýnt okkur að þegar slakað er á aðgerðum auk­ist hættan ná bakslagi og að það væri aug­ljós­asta ástæðan fyrir því að yfir­völd væru hrædd við að slaka of mikið á. „Þetta getur læðst aftan að okkur og getur orðið erfitt að ná nið­ur“.



Hann sagði ljóst að margir væru „dá­lítið óþol­in­móð­ir“ en að það væri aðeins ein og hálf vika síðan til­slak­anir voru gerðar síð­ast. Líða þurfi um 1-2 vikur til að sjá afleið­ingar af því. „Ég held að það sé ekki nein ástæða til að flýta sér núna. Við verðum að sjá hvað ger­ist. Valið snýst ekki um að slaka á núna eða ein­hvern tím­ann í haust eða sumar – við getum klár­lega skoðað hvað ger­ist núna næstu dagar og vikur og þetta er alltaf í sífelldu mati – hvort við eigum að slaka á.“

Rögnvaldur Ólafsson Mynd: Lögreglan



Rögn­valdur Ólafs­son aðstoð­ar­yf­ir­lög­reglu­þjónn sagði vís­bend­ingar um að fólk væri að slaka meira á en til­efni væri til. Af sam­fé­lags­miðlum mætti sjá að fólk væri mikið á ferð­inni og að meiri hópa­mynd­anir væru að eiga sér stað en „við hefðum kosið að sjá“. Hann sagði fólk fylgj­ast með smit­töl­unum og fari svo að leggja út frá því sjálft hvað það þýði fyrir sig.



Hann hvatti fólk til að hugsa: „Hvar varst þú um helg­ina? Er það eitt­hvað sem við erum stolt af?“  Rögn­valdur minnti á að hættan væri ekki liðin hjá. Allir yrðu að halda áfram að gera sitt til að hefta útbreiðsl­una.



Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Einungis Tyrkir og Pólverjar máttu þola meiri verðhækkanir en Íslendingar í fyrra af löndunum sem Eurostat mælir
Verðbólgan á Íslandi hærri en í flestum Evrópulöndum
Verðhækkanir hérlendis voru langt umfram þróun flestra annarra Evrópulanda í fyrra, en verðbólgan í síðasta mánuði var aðeins hærri í Tyrkland og Póllandi, samkvæmt nýjum mælingum Eurostat.
Kjarninn 25. febrúar 2021
Þorsteinn Már Baldvinsson, forstjóri Samherja, er einn þeirra sex sem eru með stöðu sakbornings í rannsókn héraðssaksóknara á viðskiptaháttum fyrirtækisins.
Úrskurður um að afhenda héraðssaksóknara gögn frá endurskoðanda Samherja ómerktur
Landsréttur hefur ómerkt úrskurð um að embætti héraðssaksóknara eigi að fá gögn varðandi bókhald og reikningskil allra félaga Samherja frá KPMG, fyrrverandi endurskoðanda félagsins, og gert héraðsdómi að taka málið aftur fyrir.
Kjarninn 25. febrúar 2021
Andrés Pétursson
Brexit er efnahagslegt högg fyrir Breta
Kjarninn 25. febrúar 2021
Guðjón Sigurbjartsson
Fæðuöryggi – Hvað á að gera við afa?
Kjarninn 25. febrúar 2021
Tæplega 30 prósent aðspurðra í nýlegri könnun vilja að Ísland gangi í Evrópusambandið.
Íslendingarnir sem vilja helst ganga í ESB
Lítil hreyfing er á afstöðu Íslendinga til inngöngu í Evrópusambandið á milli ára og enn eru fleiri andvígir en hlynntir þeirri vegferð, samkvæmt nýlegri könnun Maskínu. En hvaða kjósendahópar á Íslandi vilja ganga í ESB? Kjarninn kíkti á það.
Kjarninn 25. febrúar 2021
Tryggvi Gunnarsson umboðsmaður Alþingis lætur af störfum í lok apríl.
Tryggvi hættir sem umboðsmaður Alþingis eftir rúm 22 ár í starfi
Tryggvi Gunnarsson, sem skipaður var umboðsmaður Alþingis árið 1998, hefur beðist lausnar og forsætisnefnd Alþingis samþykkt beiðni hans. Nýr umboðsmaður verður kjörinn af Alþingi fyrir lok aprílmánaðar.
Kjarninn 25. febrúar 2021
Niðurstaðan ýmist sögð staðfesta „tilefnislausa aðför“ eða „kerfislægt misrétti“
Formaður stéttarfélagsins Eflingar og framkvæmdastjóri Samtaka atvinnulífsins eru ekki sammála um hvernig túlka skuli niðurstöðu héraðsdóms í máli rúmenskra verkamanna gegn starfsmannaleigu og Eldum rétt. Frávísun málsins verður áfrýjað til Landsréttar.
Kjarninn 25. febrúar 2021
Þórólfur Guðnason sóttvarnalæknir.
Talsvert um að fólk afþakki bólusetningu með bóluefni AstraZeneca
Sóttvarnalæknir telur enga ástæðu fyrir fólk til að afþakka eitt bóluefni umfram önnur líkt og talsverður hópur fólks hefur gert undanfarið.
Kjarninn 25. febrúar 2021
Meira úr sama flokkiInnlent