Aukið bóluefnaframboð mun auka hraða bólusetninga á næstunni

Bóluefni Janssen verður dreift í næstu viku og 16 þúsund skammtar af AstraZeneca bóluefni eru á leiðinni frá Norðmönnum. Óljóst hvernig frumvarp um aðgerðir á landamærum verður endanlega afgreitt að sögn sóttvarnalæknis.

Víðir Reynisson, Þórólfur Guðnason og Kamilla Rut Jósefsdóttir á upplýsingafundi dagsins.
Víðir Reynisson, Þórólfur Guðnason og Kamilla Rut Jósefsdóttir á upplýsingafundi dagsins.
Auglýsing

„Ég held að það sé bara margt óljóst enn þá hvernig frumvarpið verður og hvernig það verður endanlega afgreitt,“ sagði Þórólfur Guðnason á upplýsingafundi almannavarna í dag um aðgerðir á landamærunum sem ríkisstjórnin kynnti í gær. Hann sagði þær tölur sem miðað væri við til skilgreiningar á áhættusvæðum væru ekki frá honum komnar.

„Hvort þessi tala verði inni í frumvarpinu eða hvort það verði falið sóttvarnalækni að skilgreina þessi áhættulönd. Það verður bara að koma í ljós,“ sagði hann um frumvarpið. Miðað er við að fólk sem komi frá svæðum þar sem nýgengi er yfir 1000 smit á síðustu fjórtán dögum fyrir hverja 100 þúsund íbúa verði að dvelja í sóttvarnahúsi eftir komuna til landsins. Fyrir fólk sem kemur frá svæðum þar sem nýgengi er á bilinu 750 til 1000 verði meginreglan sú að fólk dvelji í sóttvarnahúsi en hægt verði að veita undanþágu frá reglunni. Frumvarpið sem kynnt var í gær verður rætt á Alþingi síðar í dag.

Auglýsing

Spurður að því hvort að hann teldi nægilega gripið inn í með þessum aðgerðum benti Þórólfur á að miðað sé við nýgengi smita í héruðum landa en ekki heildartölu nýgengis fyrir hvert land. „Það eru fjögur lönd í evrópu þar sem svæði innan þeirra landa eru yfir þúsund, það eru fjögur lönd sem falla þá inn í flokkinn yfir þúsund. Það eru að minnsta kosti átta lönd í evrópu sem falla í flokkinn 750 til 1000 þegar við skoðum svæði innan landanna. Við erum ekki að tala um hvernig heildartalan heldur ef eitt svæði innan hvers lands er yfir þúsund eða á milli 750 og þúsund þá fellur allt landið inn í þann flokk.“

Meiri hraði í bólusetningum

Nú eru yfir tíu prósent fullorðinna íbúa landsins fullbólusettir. Það kom fram í máli Kamillu Sigríðar Jósefsdóttur smitsjúkdómalæknis. Hún sagði töluna eiga eftir að hækka á næstu dögum þar sem bóluefnaframboð sé að aukast. Evrópska lyfjastofnunin hefur samþykkt Janssen bóluefnið og því verður dreift í næstu viku. Þar að auki munum við fá 16 þúsund skammta af AstraZeneca bóluefni frá Norðmönnum og því verður hægt að bólusetja hraðar í aldurshópnum 60 til 69 ára en gert hafði verið ráð fyrir.

Hún sagði kerfið sem smíðað var til að halda utan um bólusetningarnar ekki vera fullkomið, fólk sem ekki telur sig í áhættuhópi hafi til að mynda fengið boð í bólusetningar. Hún sagði að vel hafi tekist að boða fólk í áhættuhópum sem sækir læknisþjónustu til heilsugæslu og sjúkrahúsa í bólusetningu. Ekki hafi tekist að boða fólk sem sækir læknisþjónustu til lækna á stofum jafn vel. Það sé vegna þess að gagnagrunnar landlæknis nái ekki til starfsemi stofulækna. Kamilla sagði að vinna við upplýsingasöfnun frá stofulæknum standi yfir til þess að hægt sé að ná til þessara einstaklinga.

Ekki ástæða til að herða aðgerðir innanlands

Í gær greindust tólf einstaklingar með COVID-19 og af þeim voru 10 í sóttkví. Þórólfur taldi líklegt að smitin utan sóttkvíar tengdust bæði fyrri hópsmitum. Hann sagði Íslenska erfðagreiningu hafa tekið um 1100 sýni í slembiskimun í gær en í henni greindist enginn með COVID-19.

Síðustu daga hafa 75 greinst með COVID-19, þar af 58 í sóttkví. Flest þessara smita tengdust þremur hópsýkingum. Alls hafa rúmlega 60 manns greinst með COVID-19 í stærstu hópsýkingunni, þeirri sem tengist leikskólanum Jörfa.

Þórólfur sagði að á þessari stundu teldi hann ekki nauðsynlegt að leggja fram tillögur um hertari aðgerðir innanlands. Hann væri hins vegar tilbúinn til að leggja slíkar tillögur fram ef þörf krefði.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Kolbrún Benediktsdóttir varahéraðssaksóknari í dómsal í dag.
„Hér er ekki um leikaraskap, slysni eða eitthvað grín að ræða“
Það er mat ákæruvaldsins að Marek sé ekki að segja nákvæmlega allt sem hann muni frá deginum sem bruninn á Bræðraborgarstíg varð. Verjandi fer fram á að ef hann verði fundinn sekur og ósakhæfur verði hann ekki dæmdur til öryggisgæslu.
Kjarninn 5. maí 2021
Birna Einarsdóttir bankastjóri segir ljóst að spennandi tímar séu framundan, vegna fyrirhugaðrar sölu ríkisins á hluta af hlut sínum í Íslandsbanka.
Íslandsbanki hagnaðist um 3,6 milljarða á fyrsta ársfjórðungi
Eigið fé Íslandsbanka nam 185 milljörðum króna í lok mars. Bankastjórinn segir spennandi tíma framundan, í ljósi þess að stefnt sé að skráningu bankans á verðbréfamarkað að undangengnu útboði á hluta af hlut ríkisins í honum.
Kjarninn 5. maí 2021
Höfuðstöðvar Arion banka í Borgartúninu
Arion hagnast um 6 milljarða á þremur mánuðum
Þrátt fyrir lága vexti og efnahagssamdrátt var hagnaður Arion banka á fyrsta fjórðungi þessa árs mun meiri en á sama tímabili í fyrra.
Kjarninn 5. maí 2021
Björn Leví Gunnarsson, þingmaður Pírata.
„Þeirra er ævintýralega ósanngjarna lýðræðið sem við búum við“
Björn Leví segir að skipting sæta milli þingflokka sé mjög ójöfn. Auðveldasta lausnin til að leysa vandamálið sé að fjölga jöfnunarsætum – það sé ekki flókið né ósanngjarnt.
Kjarninn 5. maí 2021
Samkvæmt því sem segir í nafnlausum skoðanadálki Morgunblaðsins í dag „gæti orðið bið á því“ að blaðið sendi fulltrúa sinn á fund félaga í BÍ til þess að ræða umdeilda skoðanaauglýsingu Samherja sem beindist gegn fréttamanninum Helga Seljan.
Morgunblaðsmenn ekki spenntir fyrir því að ræða auglýsingu Samherja við félagsmenn BÍ
Í ritstjórnardálki í Morgunblaðinu segir að það „gæti orðið bið á því“ að yfirmenn blaðsins þekkist boð um að mæta á fund félaga í Blaðamannafélaginu til að ræða siðferðileg álitaefni í tengslum við birtingu umdeildrar auglýsingar frá Samherja á mbl.is.
Kjarninn 5. maí 2021
Lilja Rafney Magnúsdóttir, þingmaður VG.
Umræða um málefni innflytjenda gengur fram af þingmanni – Skömm að tala málið niður
Þingmaður Vinstri grænni segir að Íslendingar eigi að sýna þann þroska að geta sinnt útlendingamálum með almennilegum hætti og gera það sem best – „við sem rík þjóð“. Umræða Miðflokksmanna hafi gengið fram af henni í gær.
Kjarninn 5. maí 2021
Þriðjungur fyrstu ferðagjafarinnar fór til tíu fyrirtækja
Nú stendur til að endurnýja ferðagjöf stjórnvalda til að örva eftirspurn innanlands. Rúmur helmingur þeirra sem áttu rétt fyrstu ferðagjöfinni hafa nýtt hana. Á meðal þeirra sem fengu mest í sinn hlut voru eldsneytissalar og skyndibitakeðjur.
Kjarninn 5. maí 2021
Hluti þingliðs Miðflokksins á björtum og fallegum sumardegi fyrr á kjörtímabilinu.
Stillt upp á lista hjá Miðflokknum í öllum kjördæmum
Fimm manna uppstillingarnefndir munu setja saman framboðslista Miðflokksins í öllum kjördæmum landsins fyrir komandi kosningar, en ekki kosið í sæti á lista á félagsfundum. Fylgi flokksins hefur verið í nokkurri lægð að undanförnu.
Kjarninn 5. maí 2021
Meira úr sama flokkiInnlent