Enga bókun að finna um sérstaka afstöðu neins ráðherra til sölu á Íslandsbanka

Lilja Alfreðsdóttir hefur sagt að hún hafi ekki verið hlynnt þeirri aðferðarfræði sem beitt var við sölu á hlut í Íslandsbanka og að hún hafi komið þeim sjónarmiðum skýrt á framfæri. Ekkert var bókað um þá afstöðu í fundargerðum ráðherranefndar.

Þrír ráðherrar úr ríkisstjórninni sitja í ráðherranefnd um efnahagsmál. Þau eru Katrín Jakobsdóttir, Bjarni Benediktsson og Lilja Alfreðsdóttir.
Þrír ráðherrar úr ríkisstjórninni sitja í ráðherranefnd um efnahagsmál. Þau eru Katrín Jakobsdóttir, Bjarni Benediktsson og Lilja Alfreðsdóttir.
Auglýsing

For­sæt­is­ráðu­neytið telur sér ekki heim­ilt að afhenda fund­ar­gerðir ráð­herra­nefndar um efna­hags­mál og end­ur­skipu­lagn­ingu fjár­mála­kerf­is­ins þar sem þær séu und­an­þegnar upp­lýs­inga­rétti sam­kvæmt upp­lýs­inga­lög­um. Þar er vísað til greinar sem segir að réttur almenn­ings til aðgangs að gögnum taki ekki til fund­ar­gerða rík­is­ráðs og rík­is­stjórn­ar, minnis­greina á ráð­herra­fundum og gagna sem tekin hafa verið saman fyrir slíka fundi.

Þetta kemur fram í svari þess við fyr­ir­spurn Kjarn­ans þar sem óskað var eftir afriti af öllum fund­ar­gerðum ráð­herra­nefndar um efna­hags­mál og end­ur­skipu­lagn­ingu fjár­mála­kerf­is­ins þar sem fjallað er um sölu á hlutum íslenska rík­is­ins í Íslands­banka frá því að rík­is­stjórn Katrínar Jak­obs­dóttur tók við völdum síðla árs 2017 og fram til dags­ins í dag. 

Í svar­inu sagð­ist ráðu­neytið hins vegar vilja upp­lýsa að rætt var um sölu­með­ferð á eign­ar­hlutum rík­is­ins í Íslands­banka á fjórum fundum ráð­herra­nefndar um efna­hags­mál og end­ur­skipu­lagn­ingu fjár­mála­kerf­is­ins; 27. jan­úar 2021, 4. maí 2021, 4. febr­úar 2022 og 1. apríl 2022.

Í fund­ar­gerðum þeirra funda er ekki að finna neina bókun um sér­staka afstöðu ráð­herra til sölu­með­ferð­ar­inn­ar. 

Auglýsing
Í nefnd­inni sitja Katrín Jak­obs­dóttir for­sæt­is­ráð­herra, Bjarni Bene­dikts­son, fjár­mála- og efna­hags­ráð­herra, og Lilja Alfreðs­dótt­ir, ferða­mála- við­skipta- og menn­ing­ar­mála­ráð­herra.

Lilja sagði í Morg­un­­­blað­inu í dag að hún hefði ekki verið hlynnt þeirri aðferða­fræði sem var beitt við sölu á 22,5 pró­­­sent hlut í Íslands­­­­­banka 22. mars síð­­­ast­lið­inn. Hún hafi viljað almennt útboð, en ekki að bréf­in yrðu seld til val­ins hóps fjár­­­­­­­festa. Lilja, sem er einn þriggja ráð­herra rík­­­is­­­stjórnar sem situr í ráð­herra­­­nefnd um efna­hags­­­mál og end­­­ur­­­skipu­lagn­ingu fjár­­­­­mála­­­kerf­is­ins, seg­ist hafa komið þeim sjón­­­­­ar­miðum sínum skýrt á fram­­­færi í aðdrag­anda útboðs­ins. „Ég hef alltaf talið skyn­­­­sam­­­­legt að taka lít­il og hæg­fara skref. Hafa vaðið fyr­ir neðan sig. Ekki ein­blína á verð, held­ur gæði fram­­­tíð­­­ar­­eig­enda. Önnur leið var hins veg­ar val­in og því miður er fátt sem kem­ur á óvart í þessu máli og hver út­kom­an varð.“ 

Katrín sagði í við­tali við vef Frétta­­blaðs­ins fyrr í dag að hvorki Lilja né nokkur annar ráð­herra hafi óskað að færa neitt til bókar um sölu­­ferli á hlut Íslands­­­banka þegar málið var rætt í rík­­is­­stjórn og ráð­herra­­nefnd um efna­hags­­mál. 

Salan tekin fyrir á fjórum fundum

Fyrst var sölu­með­ferðin til umfjöll­unar á fundi ráð­herra­nefnd­ar­innar 27. jan­úar í fyrra þegar fjár­mála- og efna­hags­ráð­herra lagði fram og kynnti minn­is­blað um ákvörðun um að hefja sölu­með­ferð á eign­ar­hlutum rík­is­ins í Íslands­banka. Í svari for­sæt­is­ráðu­neyt­is­ins við fyr­ir­spurn Kjarn­ans segir að í fund­ar­gerð þess fundar komi fram að málið hafi verið rætt í ráð­herra­nefnd­inn­i. 

Rúmum þremur mán­uðum síð­ar, 4. maí 2021, lagði Bjarni svo fram og kynnti annað minn­is­blað um sölu­með­ferð eign­ar­hluta rík­is­ins í Íslands­banka og glærur frá Banka­sýslu rík­is­ins um sama efni. Í fund­ar­gerð ráð­herra­nefnd­ar­innar kemur fram að málið hafi verið rætt. Síðar í saman mán­uði var ráð­ist í sölu á 35 pró­sent hlut í Íslands­banka  á 55,3 millj­­arða króna og bank­inn í kjöl­farið skráður á markað snemma í júní sama ár. 

­Sala á hlutum í bank­anum var svo aftur til umræðu á fundi sem fór fram 4. febr­úar síð­ast­lið­inn, fyrir rúmum tveimur mán­uð­um. Þar lagði Bjarni fram og kynnti loka­drög að skýrslu um sölu­með­ferð eign­ar­hluta rík­is­ins í Íslands­banka. Í svari for­sæt­is­ráðu­neyt­is­ins við fyr­ir­spurn Kjarn­ans seg­ir: „Í óstað­festri fund­ar­gerð kemur m.a. fram að málið hafi verið rætt í ráð­herra­nefnd­inni og ákveðið hafi verið að leggja skýrsl­una fyrir á næsta rík­is­stjórn­ar­fundi. Fjár­mála- og efna­hags­ráð­herra lagði einnig fram og kynnti minn­is­blað um fram­hald á sölu eign­ar­hluta rík­is­ins í Íslands­banka ásamt grein­ar­gerð. Málið var rætt og ákveðið að leggja það fyrir á næsta rík­is­stjórn­ar­fund­i.“

22,5 pró­­­sent hlutur í Íslands­­­­­banka var svo seldur í lok­uðu útboði með til­boðs­fyr­ir­komu­lagi þann 22. mars 2022 fyrir 52,65 millj­arða króna. Verðið var 4,1 pró­sent undir mark­aðsvirði á þeim tíma sem þýðir að þeir 207 aðilar sem fengu að kaupa gerðu það á verði sem var 2,25 millj­örðum krónum undir mark­aðsvirði þess tíma. Kostn­aður við útboðið var um 700 millj­ónir króna. 

Fyrir tíu dög­um, þann 1. apr­íl, fund­aði ráð­herra­nefndin svo aft­ur. Þá hafði komið fram marg­háttuð gagn­rýni á söl­una í mars. Á þeim fundi kynntu full­trúar Banka­sýslu rík­is­ins glærur um sölu­með­ferð­ina 22. mars. „Í óstað­festri fund­ar­gerð um málið kemur m.a. fram að málið hafi verið rætt og óskað eftir því að Banka­sýslan birti upp­lýs­ingar um sölu­með­ferð­ina og kaup­endur allra fyrst.“

Listi yfir kaup­endur var svo birtur síð­ast­lið­inn mið­viku­dag eftir að Bjarni Bene­dikts­son hafði lagt sjálf­stætt mat á að hann ætti að birta. Það var gert í and­stöðu við ráð­legg­ingar Banka­sýslu rík­is­ins sem hafði meðal ann­ars fengið lög­fræði­á­lit frá LOGOS um að það væri óvar­leg­t. 

Í svari ráðu­neyt­is­ins segir að Katrín Jak­obs­dótt­ir, Bjarni Bene­dikts­son og Lilja Alfreðs­dótt­ir, sem mynda ráð­herra­nefnd­ina, hafi setið alla ofan­greinda fundi. Auk ráð­herr­anna sátu fund­ina emb­ætt­is­menn og starfs­fólk við­kom­andi ráðu­neyta og aðstoð­ar­menn ráð­herra. For­stjóri og stjórn­ar­for­maður Banka­sýsl­unnar voru gestir á fund­unum 4. maí 2021 og 1. apríl 2022 en for­stjóri Banka­sýsl­unnar var þar að auki gestur á fund­inum 4. febr­úar 2022.

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Úlfar Þormóðsson
Uppvakningar
Kjarninn 25. júní 2022
Ingrid Kuhlman
Að hlakka til einhvers er næstum jafn gott og að upplifa það
Kjarninn 25. júní 2022
Niðurhal Íslendinga stóreykst milli ára
Íslendingar notuðu 25 prósent meira gagnamagn á farsímaneti í fyrra en árið áður og 21 prósent meira gagnamagn í gegnum fastanet. Tæplega 76 prósent notenda á fastaneti eru nú með ljósleiðaratengingu, en þeir voru þriðjungur 2016.
Kjarninn 25. júní 2022
Af kosningavöku Framsóknarflokksins í fyrrahaust.
Framsókn hirti kjósendur í stórum stíl frá hinum stjórnarflokkunum og Miðflokki
Fylgisaukning Framsóknar í síðustu kosningum var tekin frá samstarfsflokkunum í ríkisstjórn og klofningsflokki. Átta hverjum tíu kjósendum Sjálfstæðisflokks voru úr kjarnafylginu. Framboð Sósíalista hafði neikvæð áhrif á fylgi Vinstri græna og Pírata.
Kjarninn 25. júní 2022
Hraðtíska nær nýjum hæðum með tilkomu tískurisans Shein
Kínverska fatafyrirtækið Shein hefur vaxið gríðarlega á undanförnum árum og er í dag eitt stærsta tískuvörufyrirtæki í heimi. Umhverfissinnar benda á að fötin séu úr svo litlum gæðum að oft séu þau aðeins notuð í eitt skipti áður en þau enda í ruslinu.
Kjarninn 25. júní 2022
Auður Önnu Magnúsdóttir
Af hverju nýta Íslendingar raforkuna sína svo illa?
Kjarninn 25. júní 2022
Sjö molar um seðlabankavexti úti í heimi
Verðbólga veldur því að vaxtalækkanir faraldursins eru að ganga til baka, víðar en hér á Íslandi. Kjarninn tók saman nokkra fróðleiksmola um þróun mála í ríkjum bæði nær og fjær.
Kjarninn 25. júní 2022
Flokkur Sigurðar Inga Jóhannssonar andar ofan í hálsmál flokks Bjarna Benediktssonar samkvæmt síðustu könnunum.
Framsókn mælist næstum jafn stór og Sjálfstæðisflokkurinn
Stjórnarflokkarnir hafa tapað umtalsverðu fylgi á kjörtímabilinu. Sjálfstæðisflokkurinn nær mun verr til fólks undir fertugu en annarra á meðan að Framsókn nýtur mikilla vinsælda þar. Vinstri græn mælast með þriðjungi minna fylgi en í síðustu kosningum.
Kjarninn 24. júní 2022
Meira úr sama flokkiInnlent